ملتقى طلاب وطالبات جامعة الملك فيصل,جامعة الدمام - طريقة ايجاد المتوسط الحسابي بالاله Casio fx-82MS

السلام عليكم حبيت اشاركم معكم بمعلومه لاصحاب الحاسبه casio fx82MS او مايقاربها

وهذي صورتها

http://upload.wikimedia.org/wikipedi...io_fx-82MS.jpg

لاحظت فيه ناس اشتروها ويحسبون انهم توهقو وانا اقولكم اختى دكتورتهم بجامعة فيصل خلتهم يرجعون النوع المطور اللي معنا هنا بالمنتدى وقالت مافيها داله معينه انا ماني عارفه ايش هي بس اللي الزر حقها مكتوب عليه علامه شكلها زي الثمنيه بالعربي شوفوها في الصوره .. راح احاول اخلي اختي تتذكر وش سالفتها لانها اخذته العام وناسيه بس بحاول واشوف

عموما انا كنت ابحث عن شروحات لطريقة ايجاد متوسط الانحرافات المطلقه بمواقع اجنبيه ولقيته لكن بحاسبات مطوره فيها انتر واشياء ثانيه واسم حاسباتهم يبدأ بـ T1-

و بالصدفه لقيت شرح لهالحاسبه الفقيره
هي عندي وطبقت عليها والحل صحيح وسلس تماما مثل طريقتنا بحاسبة كاسيوcasio fx-991 مع فروق بسيطه ...

وقلت حرام مافيد اخواني هنا وخصوصا اني شفت بالموضوع الجميل تبع الاحصاء اللي فيه شروحات جميله لاخونا الفيصل
لاستخدام الاله الحاسبه شرحه على اله casio fx-991 وهي اكثر تطورا من هذي ..

واتذكر في الموضوع ... شفت وحده من الاخوات تعبت وتعبو يدورون معها الدوال واماكنها بالحاسبه ...وبالاخير قالو لها غيريها افضل :)

حبيت افيدكم فيها وقلت احطها بموضوع مستقل عشان تشوفونه

مااطول عليكم :

الطريقه انك 1- تضبط المود بضغط زر مود راح يطلع في الشاشه ثلاث اختيارات هي رموز وتحتها ارقام

الارقام هي الازره اللي تضغطها عشان تختار هالخيارات

انا ماني فاهمه وشو معناها لكن الي يهمنا الخطوه>> 2- تختار اللي في الوسط لانه هو اللي يخليك تدخل البيانات تماما مثل زر Data في الحاسبه الثانيه

3- تدخل البيانات طبعا الفرق بينها وبين الحاسبه المطوره casio fx-991 انه ماتضغط = بين الارقام عشان تنحفظ في الذاكره ...هنا تضغط +M بعد كل رقم وتختم بالزر هذا طبعا ...

4- تضغط شيفت اذا خلصت ثم تظهر لك اختيارات ..اللي بالنص مكتوب S-var :2 ورقم 2 تحته يعني رقم الرز اللي تضغط عليه في الاله

بمجرد تكبس عليه تطلع لك الاختيارات ..وهي اكس بار اللي هو المتوسط الحسابي وتحته 1 (رقم الزر اللي تضغطه ) عشان يطلع

وكذلك الاختيار الثاني هو اكس سيقما تربيع اللي هو الانحراف المعياري وتحته 2 ... تضغط على رقم 2 و تطلع الشاشه فيها الرمز فقط اكبس على يساوي ويظهر الجواب

هنا لو تبي التباين تربع الناتج ويطلع التباين ..طيب عشان تربع الرقم فقط اضغط على الرز اللي عليه اكس تربيع وخلاص

كرر الخطوه 4 عشان ترجع تختار المتوسط الحسابي اللي هو الاكس بار ...

وهذا الشرح للي حاب يشوفه بالانجليزي

هنا