ملتقى طلاب وطالبات جامعة الملك فيصل,جامعة الدمام - مالحل مع مادهـ التحليل الأحصـائي ؟

- إدارة أعمال 4 (https://vb.ckfu.org/forumdisplay.php?f=327)

- - مالحل مع مادهـ التحليل الأحصـائي ؟ (https://vb.ckfu.org/showthread.php?t=447377)

مالحل مع مادهـ التحليل الأحصـائي ؟

يالربع انا طحت في ليل ماله صبح !!

عندي مادة التحليل الاحصائي عجزت افهمها ..

ولا ادري اصلا وش قاعد يتكلم عنه ..

الزبده قلت اسئل اصدقائي بالمستوى ذا لعل وعسى يدلوني على اهم النقاط ..

يعني بالعربي وش الزبده فالماده ؟؟ وش الاشياء اللي لابد من حفظها ؟؟

احفظ القوانين كلها .. والا اكتفي بالفهم ؟؟

وجزيتم بالخير ورحمة الله وبركاته !

رد: متوهق متوهق متوهق !!

عظم الله أجرك

كنت نصحت كل واحد بيسجل التحليل الاحصائي يذاكرها قبل ما يبدأ الترم :23:

نصيحة مجرب .... لا تضيع وقتك مع النجار و تابع دكتور عبدالحميد من جامعة الإمام تلقاه باليوتيوب يبي يغطي لك ثلثين المنهج . لو ما يجيك منه إلا السمت و الهدوء اللي يبعث على الطمأنينة و أنت تتابعه .

الثلث الباقي خطة شختك بختك :42: + برنامج SPSS احفظ اسئلة الاختبارات الماضية لأنها Copy & Past + توكل على العزيز الرحيم

و بعدين وش موديك مستوى خامس ؟

رد: متوهق متوهق متوهق !!

انا ايضا انصح ب الدكتور عبد الحميد لجامعة الامام ع اليوتيوب

وبالتوفيق:21:

رد: متوهق متوهق متوهق !!

يا مساهر ... اترك المحاضرات اللي عندنا واشطح للدكتور سلطان

على هالرابط ..

http://www.youtube.com/playlist?list...3&feature=plcp

اذا عندك وقت اطبع المحتوى بتاع الدكتور واذا ما عندك وقت تابع معاه

وحاول تلخصها عندك ... بعد ما تتابعها وتخلص ارجع لملخصنا من باب

تثبيت المعلومه بمقررنا ... الرموز راح يشرحها الدكتور سلطان بالعربي

اذا أنت تبرمج العربي بالإنجلش في السؤال زين على زين ما تبرمج

اشطح للتجمع الخاص بالتحليل ونساعدك فيها وإن شاءالله تساهيل

عموما الدكتور في المباشره ذكر أنه بما أن الكتاب غير متوفر حاول

الإلمام قدر المستطاع في المحتوى وهذا مؤشر كبير أنها نفس

أسئلة المحتوى تقريبا أو نفس النمط ... مع الأسئله النهائيه راح تعديها

بالـ A بإذن الله ... محاضرات الدكتور تقريبا تغطي 10 المحاضرات

يتبقى أربعه إن شاءالله ندبرها وتتسهل .. توكل على الله وتابع الدكتور :19:

رد: متوهق متوهق متوهق !!

تجربتي مع التحليل الاحصائي
مسكت المحاضرات المسجله اتابع مع الدكتور لين وصلت للتاسعه وانا :7:
الله يهديه يتكلم واجد لين تضيع الفكره ..شعرت اني اضيع وقتي بالمتابعه وكملت بالفهم واللي استوعبه
جاتني نصيحه من القروب اتابع ال150 سؤال لجامعة الامام +أسئلة الاختبار مع الفهم بالحل +الواجب
وتابعت سلطان عبدالحميد فهمت كيف يحل ال150 سؤال وكان روعه ويدخل الشرح بطريقة خطييره من الاستيعاب
والله يحفظ فهد الحجاز فصل لنا أسئلة الاختبار وحفظت الاسئلة مع الفهم والواجب

ودخلت الاختبار وانا شبه مطمئنة
جات الاسئلة نسخ من الترم اللي قبلنا :11:
من الوناسه اني بعدي الماده قمت أتبسم واحل حتى الارقام ماغيرها اول اختبار اخلصه بدري والحمد لله نجحت بأمتياز
طبعا لو جاب من شرحه أنواااع التوهيقه ..

أنا أشوف
تابع ال150 سؤال لانها شامله للمنهج والدكتور جاب منها بالاختبار يعني مو بعيده
المهم افهم كل سؤال وطريقة حله بحيث لو غير بالارقام تعرف تطلع منها بالدرجه
وتابع الاختبار مع اسئلة الواجب
وشوف هو وش قال بالمباشر الثالث ..

الله يوفقك
(:16:)

رد: متوهق متوهق متوهق !!

http://www.ckfu.org/vb/t400454.html

هذا موضوع لي الشرح

:16:

رد: متوهق متوهق متوهق !!

الله يجزاكم خير ..

بعض العرب بدا يواسيني وما بعد اختبرنا .. شكرا عالمواساه !!

الاخت المحترمه وغربة نفس .. كلامكم يطمن .. الله يوفقكم.

دكتور جامعة الامام شرحه مختصر ومفيييد جدا .. بس احس ان مواضيعه مختلفه عنا ، والا دكتورنا مطولها وهي قصيره.

عموما بابدا الخطه الهجوميه .. اقرى المحتوى فقط مع الفهم وارجع عالاسئله .. اما المحاضرات ماراح ارجع لها الا في حالة مافهمت طريقة حل او ماشابه.

وشكري وتقديري للجميييييع !
:16::16::16:

رد: متوهق متوهق متوهق !!

غربه فديت روحك ماقصرتـي :21:

يلا مشينـا مستوى رآبع :34:

بالتوفيق إن شـآء الله

:16:

رد: مالحل مع مادهـ التحليل الأحصـائي ؟

اختي غربة نفس وش سالفه الـ 150 سؤال وين القاها لاهنتي :34:

التحليل الاحصائي وهقه من جد :(