|
دكتور ( الإنجليزي قراءة ) وش يبي منا تحديدا ؟!!
السلام عليكم
توني أطلعت على المنهج المحاضرة الأولى , قرأ قطعة وجلس يهذري , وبعد كذا راح يتكلم عن معاني الكلمات وبعد كذا مدري وش قال , الزبده حاولت ارجع للملخص لقيته يلف المخ , دورت المحاضرة الأولى مالقيتها ومالقيت إلا وحدات موزعة ولقيت الوحدة والصفحة اللي يتكلم عنها الدكتور بنص الملخص ! هذا عدا إنه في أمور ذكرها الدكتور مالقيتها بالملخص !! المهم اني برضوا مافهمت منها ولا شي والله ياجماعة الخير انتهت المحاضرة وانا ماني فاهم ايش المطلوب بالضبط وايش السالفة , هالحين ودي واحد يجاوبني , هالمنهج كيف يندرس وكيف الواحد يذاكره , وفي الاختبار النهائي وفق اللي معتادين عليه اهل الخبره وش يسأل عنه ووش اللي المفروض اهتم به ؟ توني بديت مذاكرة ومدري القاها من انجليزي ولا من إحصاء ؟ إلا الباقي تنفهم وينقدر عليها باذن الله لكن هالمادتين علة معلة الله يكفينا شرها |
رد: دكتور ( الإنجليزي قراءة ) وش يبي منا تحديدا ؟!!
اقتباس:
هههههههه ايه والله يرطن رطن ولا أنت حوله خلك منه كل ما أشوف ها المادة أقول ياالله النجاح بديت في أستراتجيات ( الله يستر منها ) احفظ الكلمات ومعانيها احفظها جيداً ومصطلحاتها كل بعد فصل من الحفظ حاول تختبر نفسك لكي ترسخ في مخك ( شفت كيف انا شاطر :8: ) كذا ضمنت 30 درجة الى او 25 درجة ابدء في القطع وافهم القصة وحاول تنظر الى الترجمة وتفهم معانيها واحفظ طريقة الاجابه لكي يسهل عليك جواب سؤال القطعة ولا اوصيك في ملخص فجر موجود في الحقيبة 2013 تحياتي لك :16: |
رد: دكتور ( الإنجليزي قراءة ) وش يبي منا تحديدا ؟!!
هلا بك أخوي , المشكله هنا أصلا , أنا انسان افهم مااحفظ للأسف , علشان كذا الكلمات كثييييرة وصعب حفظها بنت الذين , بالنسبة للملخص مدري ليه ملخبط كذا , المحاضرة الأولى عنوانها magic ولقيتها بآخر الملخص ( حق التايفون ) ,, مدري اذا فيه غيره أكثر تنظيم ياليت أحد يرصع الرابط حقه واكون له من الشاكرين
الله يعدي هالانقلش على خير , لا وقلك ناويه تخصص , اصلا غيرت رايي :5: |
رد: دكتور ( الإنجليزي قراءة ) وش يبي منا تحديدا ؟!!
والله يااخوي ملخص التايفون رائع
فعلا انه مو مرتب حسب المحتوى والمحاضرات بس افضل بالتسلسل وحاذف كل الاشياء اللي يحذفها الدكتور كل ترم حلو بالنسبه للكلمات ا شفتها كثيره وعلى قوله اخوي النائب العام هي اضمن شي تحفظها لان اكثر من نص الاسئله كلمات انا طريقتي بديت اربط الكلمه بالمعنى احيانا اربط باشياء غبيه مثلا انطق الكلمه بالعربي واحاول ادور شي يذكرني فيها والمعنى نفس الشي صدقني كذا بتحفظها على طووول والحمد لله مااخذت معي وقت قسمتها ومشت الامور بالنسبه للقطع طبعا الدكتور بيحذف منهم بالمحاضره المباشره ان شالله حلو اذا تبي شوري لاتذاكر اسئلتها لاني شفت باسئلة الاختبارات اللي فاتت جايب قطعه وماجاب الاسئله حقتها مغير عشان كذا اقرا القطعهوبملخص التايفون مترجمها ولا احلى عشان تفهمها وتعرف تجاوب ارجع واقول حاول قد ماتقدر تحفظ الكلمات عشان تضمن حل نص الاسئله ان شالله على فكره مو انت الترم اللي فات كنت متأزم من النحو بشر ..عساك عديت فيه :42: [line]-[/line] http://www.ckfu.org/vb/t432285.html:21: |
رد: دكتور ( الإنجليزي قراءة ) وش يبي منا تحديدا ؟!!
1 مرفق
كلام الهنوف فعلاً صحيح حاول تربط مابين الجمل من حفظ وفهم وغيره , بعدين تخصصك انجليزي وانا قاعد أعطيك درس خصوصي المفروض طلاب عندك :27: شوف في المرفقات رابط احدث ملخص تايفون معدل من الدكتوره فجر |
رد: دكتور ( الإنجليزي قراءة ) وش يبي منا تحديدا ؟!!
اقتباس:
الله يعطيك ألف عافية على نصايحك الحلوه أختي الهنوف وان شاء الله تمشي معي ,,, بالنسبة للنحو أبشرك عديته بدرجة ماكنت أتوقعها نهائيا , هذا اللي خلاني هالترم ماأحسب لها أي حساب لاني شبه عارف طريقة الدكتور فيها :17: أقدر لك إهتمامك وعساك بالتوفيق دنيا وآخره :21: |
رد: دكتور ( الإنجليزي قراءة ) وش يبي منا تحديدا ؟!!
اقتباس:
أما تخصص شكلي باغيره وافكر جديا بهالموضوع :42: لا هنت يالذيب |
رد: دكتور ( الإنجليزي قراءة ) وش يبي منا تحديدا ؟!!
لحظه لا تغير التخصص ,, اذا لغتك متوسطه .. عندك اجازه 3 اشهر
حاول في هالاشهر تقوي لغتك الانجليزيه وتحفظ كم هائل من الكلمات وراح يتغير مستواك ان شاء الله |
رد: دكتور ( الإنجليزي قراءة ) وش يبي منا تحديدا ؟!!
بالنسبه للموضوع الاساسي ولله مدري وش تبي هالماده
ليتهم حذفوها :42: انا شخصياً بحفظ كل شي في الملزمه وخلاص مو شايفه لا قواعد ولا شي ينفهم |
| All times are GMT +3. الوقت الآن حسب توقيت السعودية: 11:01 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام