|
ساعدوني الله يساااااعدكم
----- السلام عليكم ورحمة الله وبركاته كيف حالكم اخواني واخواتي حبيت اسألكم عن مادة التدريب الميداني 1 زوجي مسجلها هالترم وهو من النوع اللي مايدري عن شي الا في الاختبارات يروح يختبر والباقي كله علي :12::12: دخلت ع الأيقونه قبل شوي ولقيت استماره وجهة التدريب ومدري وش :9: مافهمت شي :36: ياليت تفهّموني الله يجزاكم الجنه وش أسوي الحين ؟ خصوصاً ان آخر تاريخ لأرسال الاستماره 8 / 6 هالاسبووووع يعني :4: الحمدلله الحمدلله اني دخلت بالصدفه للخدمات الطلابيه والا لو مادريت كان اتصفّق :42::13: ----- |
رد: ساعدوني الله يساااااعدكم
|
رد: ساعدوني الله يساااااعدكم
لازم يطلع للمستشفى ومدرسة مثلا
يطبع من التقرير ورقتين وكمان الخطاب وكمان الاستمارة طبعا لما تدخلي الخدمات الطلابية تروحين الايقونة وتطبعين تختاري اول ورقة طبي وثاني مره لما تطبعي تختاري تعليمي وترتبي الاوراق تكون 3 اوراق لتعليمي + 3 اوراق للطبي طبعا انا اتكلم عن الغلاف مش عدد اوراق اللي فيها الاسئلة وبعدها يروح للجهة اللي قلتلك عنها ويعبي منهم ويختم امام صفحة الاستمارة وامام صفحة التقرير وبس :27: بالتوفيق |
رد: ساعدوني الله يساااااعدكم
تدرين ودي تنقفل الايقونة وماعاد تنرفع اوراقه مو عشان تتصفقين عشااان هوه يطلعله قلب وينتبه على دروسه >>>> هههه:mh35: الله يكتبلك الاجر في مساعدته ويوفقك
شوفي الرابط هاذا بفيدك وخليه يرفعها بسرعة عشان معاد ةفيه وقت http://www.ckfu.org/vb/t431160.html |
رد: ساعدوني الله يساااااعدكم
الله يوفقكم ويجزاكم الفردوس الاعلى ويفرج كربتكم ريماز <<< شششفتي قسم قاهرني :9::13: بس ع قولتك ان شا الله ربي يوفقني عشان ساعدته :1: |
رد: ساعدوني الله يساااااعدكم
أحسس أني مافهمت شي من الرابط اللي عطيتوني :9:
معليش تحملوووني أنا تربيه خاصه ولاأعرف شي بتخصصكم :9: أللي فهمته أنه يختار مجالين يطبع اوراقهم بس هذا اللي فهمته من هالرابط :13: <<<<<<<<<<<<<<< تعبتي |
رد: ساعدوني الله يساااااعدكم
لحظه كني بديت افهم
مثلاً اختار طبي ومدرسي يطبع لكل جهه ورقتين من الخطاب والاستماره والتقرير صح ؟؟ طيب عادي لو يروح لمستوصف خاص ؟؟ والا لازم مستشفى او مستوصف حكومي ؟؟ وكذلك المدرسه يروح لأي مدرسه ؟؟ والا يتم توجيهه من الجامعه ؟؟ معليش :44: |
رد: ساعدوني الله يساااااعدكم
-
ههههههههههههههآآي والله لو آنا مكآنك مآسويت له شيء اللي موب قد الدراسه ليه يدرس في ناس كثير مثل حالته يشتغلون ويدرسون وفاتحين بيوت ومتفوقين مشاء الله عليهم ليت الآيقونه تتسكر مثل ماقالت ريماز :5: عادي حكومي ولا اهلي ولا خاص اهم شيء جهه معترف بها بِ التوفيق لك وله :16: |
رد: ساعدوني الله يساااااعدكم
ههههه وطن ترا امزح لاتاخذها البنت جد وتعند وماتحلله شيء بعدين تتصفق وتجلس تدعي علينا:8: عادي رضاك حليله مافيها شيء ابو عيالك >>>تكفين ياليت احد يحللي وارتاح ...
المهم شوفي اول شي اطبعي الاوراق كلها الي بايقونة التقارير والاستمارة والخطاب خطابين واحد تعليمي وواحد طبي والتقارير والاسمارة اطبعيهم مرتين للمستشفى وللمدرسة والخطاب قدميه لمدير المستشفى الي بتروحين له وخطاب المدرسة للمدرسة وعبي البيانات تبع الاستمارة الخانة الاولى لك انتي يالطالبة توقيعك والتاريخ والجدول الثاني في الاستمارة هاذا على المستشفى والمدرسة يعبونها ولازم يختم عليها الاخصائي ويوقع ويبقى التقرير شوفي عندك نماذج في الروابط انقلي منها والاشياء الي تختص مباشرة بالمؤسسة يخلي المؤسسة تعبيها زي اسم المدير والاخصائي والاسئلة الي كذا بس واهم شيء الختم في الصفحة الاولى من التقرير وكمان الصفحة الاخيرة من التقرير انا ختمت فيها افهمي الحين يعني ثلاث ختوم وتواقيع واحد بالاستمارة واثنين في التقرير واحد بالصفحة الاولى والثاني في الصفحة الاخيرة بعدين يوديها المكتبة وينسخها سكنر ويحولها بدي اف ويدخل من ايقونة رفع التقارير ويسويلها رفع وارسال ونبهيه اذا ارسلها وطلع حفظ بنجاح يضغط ثاني مرة حفظ عشان تنحفظ في الصفحة وماتطير يعني يضغط حفظ مرتين ... وبس ان شاء الله فهمتي دعواتك |
رد: ساعدوني الله يساااااعدكم
^
الله يسسسسسعدك قولي امين :1::1::1: |
| All times are GMT +3. الوقت الآن حسب توقيت السعودية: 08:39 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه