|
ارجووو مساعدتكم
مساء او صباح الخير على الجميع
للأسف انا هّا الترم تأخرت بالدراسه ومو عادتي لذلك اطلب مساعدتكم في شي واحد فقط ياليت تعطوني ارائكم عن المقررات اللي لازم ابدا فيها واركز عليها او المقررات الدسمه اللي يبيلها تركيز عشان ابدأ فيهم مع العلم وكعادتي بعد نهايه كل اختبارات ترم اجمع معلومات ومراجعات وملخصات عن مقررات الترم اللي بعده يعني انا جاهزه من هالناحيه بس رايكم يحسم كل شي مع العلم اني ماخذه ثمان مواد قراءات ومطالعات وانشاء وتعبير1 واستماع واستيعاب والتركيب اللغوي ومدخل الى اللغويات من مستوى رابع وعلم الاجتماع والاخلاق الاسلاميه واداب المهنه والانترنت والاتصالات وياليت تساعدوني بملخصاتكم وارائكم و ايش الماده اللي ابداء فيه بالمذاكره |
رد: ارجووو مساعدتكم
هلا سارة جعل التوفيق حليفك
بصفه عامه المقررات فيها نص ونص يعني لازم تشدين حيلك من اليوم اكثر ماده لك عليها هي القراءات والمطالعات احسها دسمه شوي الله يعدينا منها واهتمي في مادة التعبير لأن عليها 3 ساعات والبقيه بيفيدونك أكثر موفقه يارب |
رد: ارجووو مساعدتكم
ابقولكم باللي خذيتهم معك
ابدي ياعيوني بالقرءات والمطالعه وعلم الاجتماع علم الاجتماع طبعا لان اسمع عنه كلام مايريح القلب القرءات يوم يشرح الدكتور كل امورك تمام وبتفهمين كل شيء بس الغريب انو الطلبه يقولوا ان اسئلته يبيله فهم واجتهاد نوعا ما وانتي شوفي ورشة تركي الله يجزاه خير بعد كل محاضره يشرحها يحط اسئلتها وبتدخون يوم تقراين الاسئله هذي وجهة نظري .......... انشاء وتعبير ركزي عليها اكرفي امها ذا المقرر عليه ياطويلة العمر 3ساعات بيفيد معدلك اقريه مره ومرتين وثلاث لين ماتفهمينه لانه فهم ميه بالميه وحفظ الفوكاب اقري لين ماتملين منه افهمي واجباته ومناقشاته وكل شيء له ماعمري ركزت على واجبات مقرر الا ذاا المقرر فيه ملخص بمجهود زورق وروكا لين المحاضره الخامسه لان جديد علينا وان شاء الله بيكلمون لين 14<<تحرجهم ههههههاي ......... استماع واستيعاب ياربيييييييه هالماده تجنن وسهله بتخلصينها لاطولتي بساعتين بس تسمعين وتركيزين على انه تسمعين المقاطع الصوتيه بورشة زورق الله يجزاها الفردوس ......... التركيب اللغوي فهم فهم فهم +حفظ افهمي الجمله قبل تجاوبي عليها فيه ملخص حلم المستحيل وملخص كوين ان شاءلله انه سهل ....... الاخلاق حبيبتي حلوه بس يقولون انو الدكتور اسئلته دقيقه يعني يوم تقرين افهمي اللي تقرينه .......... الانترنت والاتصالات فيه ملخص الفراشه حلو يقولون اسئلته حلوه ....... اللي ماذكرتهم ماعندي خبر عنهم اسئل الله لي ولكي ولجميع الطلبه التوفيق والسداد |
رد: ارجووو مساعدتكم
مشكورين وان شالله التوفيق حليفناااااا
|
رد: ارجووو مساعدتكم
وانا مثلك بعد اول مرررره يجي هالوقت حتى طباعه ملازم للحين ماخلصت اخاف ع المعدل لايرووح علينا |
رد: ارجووو مساعدتكم
سلام عليكم بما ان تخصصك انجليزي
اعتقد المواد العربي بتكون شبه سهله ان شاء الله مع اني اتمنى تكون جميع المواد سهله عليك بالتالي كثفي جهدك على مواد تخصصك وترا المواد سهله وبسيطه ان شاء الله بس تحتاج شوي اهتمام ومذاكرة ومراجعة وان شاء الله فالك a+ تحياتي :16: |
رد: ارجووو مساعدتكم
بخصوص علم الإجتماع للي ماخذينه
انا اخذته السمستر اللي فات كانت أسئلته اغلبها عن العلماء وتعاريفهم حاولي تربطين اسم العالم مع تعريفه ولو بحرف اسم العالم فيه مثلاً حرف ز .. من التعريف بتلاقين فيه حرف ز والله يسهل ويوفق ركزت على علم الإجتماع لان المفروض المواد العربي لنا هي اللي ترفعنا ماتنزلنا وتعوض الدرجات في المعدل |
| All times are GMT +3. الوقت الآن حسب توقيت السعودية: 09:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام