|
لاهل حفر الباطن عاجل وهام
السلام عليكم ورحمة الله وبركاته ابي اسال اهل الخبره من اهل الحفر وين احصل المذكرات والملخصات والمحتوى واسالت الاعوام السابقة دلوني على مكتبه اروح اخذهم منه الوقت راح علي وانا احاول اطبعهم من الجهاز ولا فيه فايده عجزت اطبعهم لا احد يقولي حمليهم واطبعيهم ابي مكتبه ابي مكتبه بالحفر تكفوووووووووون:12: |
رد: لاهل حفر الباطن عاجل وهام
ياليت احد يفيدككك
|
رد: لاهل حفر الباطن عاجل وهام
ابشري
انا في القاعده وطبعت ملخصات من الموقع باحطها لك في احد المكتبات اما الاسئله باقي ما طبعت شيء وشدي حيلك الوقت صار ضيق وبالتوفيق |
رد: لاهل حفر الباطن عاجل وهام
م قصصر أخونا بدر :21:
موفقين :2: |
رد: لاهل حفر الباطن عاجل وهام
ما قصرت اخوي وانا كمان موجوده بالقاعده يا ليت تبلغني باي مكتبه بتحطها ويا ليت يكون معاها الاساله الله يجزاك الجنه ويفرج عليك دنيا واخره يا رب |
رد: لاهل حفر الباطن عاجل وهام
ان شاء الله بكره شيكي بعد العشاء هنا وتحصلين الخبر باذن الله.
نصيحه :ترا الملخصات وحدها ما تكفي ولكن لابد من متابعة المحاضرات المسجله مع وجود الملخص امامك وتشرحين الشيء اللي مو واضح في الملخص من كلام الدكتور على نفس الملخص . الاسئله اذا بتطلعين عليها في البدايه بترهبك لذلك خليها اخر شيء بعد ما تفهمين الشيء الكثير ممكن ترجعين للاسئله , وان شاء الله بعد فتره بسيطه بطبعها واضعها في المكتبه . |
رد: لاهل حفر الباطن عاجل وهام
الله يجزاك الجنه بانتظار ردك غدا ان شاء الله |
رد: لاهل حفر الباطن عاجل وهام
السلام عليكم
الاخت رغد/اليوم بعد المغرب رحت ادور على مكتبه فيها تصوير للمحاضرات ولا حصلت الا في المكتبه النموذجيه ولكن انه اشترط علي بانها ما تخلص الا بكره العصر وان الاوراق التي فيها تلوين ما تطلع في التصوير (وانتي عارفه الامكانيات عندنا في القاعده متوفره ولله الحمد )ههههه والله كاننا عائشين في كوكب اخر ويوجد الكثير من التلوين في الملخصات الموجوده معي خصوصا المحاسبه . الزبده : سبق وان عرض علي احد الاخوان من اهالي الذيبيه بانه يوجد لديه ملخصات واسئله للاعوام السابقه واتصلت عليه قبل شوي ووعدني بانه بكره الصباح يحضرها لي في القاعده وسوف اتاكد منها انها كامله واذا فيه نقص باضيفه من ملخصاتي واخذ نسخه من الاسئله واترك لك الاصل . خلاصة الزبده : بكره باذن الله بعد العصر تحصلين الملخصات عند المكتبه النموذجيه عند قسم التصوير . ياليت تعطيني اسم قريب لك حتى اسجل اسمه على الملخصات علشان يجي يسال عنها باسمه . واسف على التاخير ووفقكي الله |
رد: لاهل حفر الباطن عاجل وهام
الله يجزاكم الجنه ويفرج عليكم واسفه اني كلفت عليكم واشغلتكم والله يتقبل ما دعيت لكم يا رب الي بيستلمهن ابو نواف ومشكورين ما قصرتو |
رد: لاهل حفر الباطن عاجل وهام
طيب يالرربع وين مقر الامتحان للطالبات بحفر الباطن ؟؟؟؟؟؟
|
| All times are GMT +3. الوقت الآن حسب توقيت السعودية: 03:32 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه