يقول ..

ودي أنسى عذابي وأذكر أني جريـح
كل ماجيت أبنسى طاولتنـي جـروح




ياحبيبً عشقته كان تبغى الصحيـح
أنت نبض المشاعر وأنت للشعر روح





كل عرقً بصدري لا ذكرتـك يصيـح
وكل هـمً بقلبـي لا لقيتـك يـروح





ليه كل مارميتـك بالقصايـد تطيـح
ليه كل مانسيتك قـام طيفـك يلـوح





بين نفسي وبينـي والكـلام المليـح
المشاعر فراشك بالزعـل والمـزوح





أنت ضيف المحاني والمعـزب فليـح
ياكرّم ضيوف قلبي حالـفً ماتـروح





لا تشك أبوفـاي ولا تزعّـزك ريـح
أنت آمر تكلم وأكسر الصمـت بـوح





من عرفتك عرفت أنك صديق ونطيح
كثر مازعّلك وأزعل بس قلبي نصوح






ياكريم العطايا صار وصلـك شحيـح

كان مدك جزيل وكان جزرك شحـوح






من فقدتك شعرت بغلطتـي يامليـح
لعنبوها خطايـا والزمـان اللحـوح





كل ماجيت أبامشي درب هين مريـح
آه من جرحك اللي لا ذكرتـك يفـوح





وكل ماقلت هانت من عنا الوقت أطيح
بين قلبً عطوف وبين نفسً شفـوح





آه من كل معنى يرفضونـه صريـح
آه من وقت مابه للخطايـا سمـوح





آه من كل دمعه من عيونـي تطيـح
وآه من كل صرخة بالخفايـا تنـوح





أثري الوقت مابه من يريد الصحيـح
وأكثر الناس غامض مايحب الوضوح




:16:

المشاركة الأصلية كتبت بواسطة الــغـــدراء (المشاركة 8457205) ،، +1 قصيدة جميلة و زاد من روعتها قافيتها ،،، سلمت ع الحضور المميز ،،، :16:

المشاركة الأصلية كتبت بواسطة قلبي مجنوونك (المشاركة 8458884) , قصيدة جداً مميزهَ سلمت آخي الكريم ولاهنتَ

الله يرفع مقدارك يابنت قحطان ..


مروراً أسعدني كثير ..

المشاركة الأصلية كتبت بواسطة بنت الشمري (المشاركة 8472379) كلمآآتكْـ مريْحهْ .. شفآفهْ.. ترِيح قاريئهآ ,, حُرُوفكـ آلمآسآتْ متآسقطهْ .. استمتعتْ بتوآجدي ْ هنآ ,, .. ْْ بتًلآآآت مِنْ آلزهو,ر لـ ر,وحكـ ..

تواجدك أسعدني أختي الغاليه لاهنتِ على الكلمات الجميله ..


دمتِ كما تحبين ..

ماشاء الله ذائقه شعريه مميزه....
الله يعطيك العافيه اخوي...
:16:

المشاركة الأصلية كتبت بواسطة المتلالئه (المشاركة 8473187) ماشاء الله ذائقه شعريه مميزه.... الله يعطيك العافيه اخوي... :16:

الأروع تواجدك في صفحتي وتعطيرها بكلآمك الجميل


لاهنتِ عزيزتي ..