ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية العلوم (https://vb.ckfu.org/forumdisplay.php?f=5)
-   -   مابين الكيمياء والرياضيات وش اختار ؟؟؟! (https://vb.ckfu.org/showthread.php?t=43430)

خجل الورد 2009- 8- 21 09:29 AM

مابين الكيمياء والرياضيات وش اختار ؟؟؟!
 
كل عام وانتم بخيييييييير:119:

ياجماعه انا في حيره من امري من سنتييييييييييييييييييييين

وش اختار رياضيات ولا كيمياء .. اي واحد افضل من ناحية سهولة الماده والوظايف


علما اني مااحب ولا تخصص بكلية العلوم بس هذا اللي ربي كتب لنا

:Cry111:


ربي يعافيكم

حلا قلبي 2009- 8- 21 10:47 PM

رد: مابين الكيمياء والرياضيات وش اختار ؟؟؟!
 
اختي قيسي اختياارك للتخصص بدرجااتك بثاني وثالث ثانوي شوفي اعلى ماده واختاريهاا وتوكلي على ربك

الكيميااء كلها معادلات ومواد عضويه وشغلات زي كذا راح تدرسينها كماده مستقله بعد الاختبارات العمليه والمقاييس والتحاليل

والرياضياات مايحتاج اقوولك كله مسائل بس اناا سمعت ان الرياضيات بااول سنه مرره سهل وكله اساسيات بس

وهذاا الي سمعته من البناات يالغلااا

ومااعليك من كلام احد انتي شووفي ميوولك وش يميل له اكثر وادخليه لان بالنهايه كلنا اقسام وحده جوا كليه وحده

موودتي

خجل الورد 2009- 8- 22 01:34 AM

رد: مابين الكيمياء والرياضيات وش اختار ؟؟؟!
 
حلا قلبي

ربي يسعد قلبك يالغلا :119:


هو درجاتي بالرياضيات اقل شيء ... ولا افهم له كثير .. وممتازه في الكيمياء

بس ماادري ليه احس برغبه بالرياضيات مع اني طول عمري كنت اكررره شيء اسمه رياضيات


بس بحااول اني اتقبلها واحبهااااا


والله يكتب اللي فيه الخير

حلا قلبي 2009- 8- 22 03:50 AM

رد: مابين الكيمياء والرياضيات وش اختار ؟؟؟!
 
شووفي يالغلاا اذاا انتي مااشيه بالكيميااء العضوويه توكلي على ربك وادخلي كيميااء لان العضوويه اصعب شي بالكيمياء اتوقع


وبالنسبه للرياضيات صديقتي داخله العاام تقوول دروسنا كلهاا نفس ثالث ثانوي كلها اساسيات للعام يعني نفس فكره مناهج العام


استخيري ربك وقرري

اناا بعد اقل درجه عندي الرياضيات

بس ميولي احيااء احب احفظ انا بس

أخت القمـر 2009- 8- 23 04:00 AM

رد: مابين الكيمياء والرياضيات وش اختار ؟؟؟!
 
اول شي شوفي اقرب تخصص لقلبك
حتى لو كلهم ماتحبيهم
بس في تخصص اهون من الثاني عندك

بس بشكل عام
تخصص الرياضيات صعب وهذا كلام البنات اللي تخصصهم رياضيات
وانا بما اني تخصصي فيزياء وعندي مواد كثيره مشتركه تبع الرياضيات اشوفه صعب

يعني برتب لك التخصصات من الأسهل بالنسبه لي اسهل شي
1/ الأحياء
2/ الكيمياء
3/ الفيزياء
4/ الرياضيات
وطبعا الفيزياء والرياضيات عندهم مواد كثيره مشتركه وهما اصعب تخصصين بالكلية العلوم
عشان كذا تشوفي البنات دايم يختاروا تخصص احياء وكيمياء ويتركوهم هههههههههههههه

واكيد ان كل تخصص فيه صعوبه

واكيد انه يتفاوت من بنت لبنت وكل وحده والتخصص اللي تحبه والأقرب لها
يعني ممكن بنات داخلين الرياضيات وهما يحبوه ممكن مايكون صعب عليهم
كل وحده وفي اي مجال تبدع
بس انا كلمتك ورتبت لك لاني كمان ماحبيت ولا تخصص فيهم هههههههههه
وابشرك
انا حطيت الرغبه الأولى كيمياء والثانيه احياء
وحطوني فيزياء
وطلعت روحي وانا ابغى احول وماحصل لي
بعدين توكلت على الله وكملت في تخصصي ( الفيزياء)
والحمد لله انا الآن سنه ثالثه وممشيه حالي فيه بس في مواد مسببه لي قرف هههههههههههه

عموما انتوا اول سمستر تدرسوه عام وشوفي اللي تقدري تمشي حالك فيه وبعدين اختاري التخصص على نهاية السمستر

بالتوفيق للجميع

روح الامل 2009- 8- 24 08:15 PM

رد: مابين الكيمياء والرياضيات وش اختار ؟؟؟!
 

وابشرك
انا حطيت الرغبه الأولى كيمياء والثانيه احياء
وحطوني فيزياء


اهلين اختي


بس حبيت استفسر منك

يعني الان اذا اخترت انا تخصص ولا في مجاال

بحطووني تخصص على كيفهم ولا شلوون :c8:

وليه اهوو في رغباات بعد

يااريت توضحين لي اكثر

يعطيك العاافيه

أم العنود 2009- 8- 24 09:31 PM

رد: مابين الكيمياء والرياضيات وش اختار ؟؟؟!
 
بالنسبه لي انا الفيزياء والرياضيات حلوين بس رياضيات اسهل
بعدين كيمياء بعدها احياء

الكيمياء كله معادلات يعني انا فيزياء بس درست منهج كيمياء فيه 230 معادله وكلهم نحفظهم
لا واللي يقهر اختبارنا من اوله لاخره معادلات من المنهج وخارج المنهج

أخت القمـر 2009- 8- 25 02:25 AM

رد: مابين الكيمياء والرياضيات وش اختار ؟؟؟!
 
اقتباس:

المشاركة الأصلية كتبت بواسطة روح الامل (المشاركة 498866)

وابشرك
انا حطيت الرغبه الأولى كيمياء والثانيه احياء
وحطوني فيزياء


اهلين اختي


بس حبيت استفسر منك

يعني الان اذا اخترت انا تخصص ولا في مجاال

بحطووني تخصص على كيفهم ولا شلوون :c8:

وليه اهوو في رغباات بعد

يااريت توضحين لي اكثر

يعطيك العاافيه


الله يعافيك:119:
ايووووه حبيبتي في رغبات
انتي اول سمستر بتدرسيه عام يعني قبل ماتتخصصي
بنهاية السمستر الأول
بيحطون اعلانات عشان تاخذوا اوراق وتعبوها رغبه اولى ورغبه ثانيه
طبعا اذا شافوا الطالبات زحمه على القسم ياخذوا على حسب نسبة الثانويه طبعا هذا على ايامنا :cheese:
اما انتوا اللحين مادري على حسب نسبة الثانويه ولا القدرات الله اعلم بس اظن على نسبة الثانويه


واذا عندك سؤال ثاني تفضلي

إضاءات 2009- 8- 25 02:50 AM

رد: مابين الكيمياء والرياضيات وش اختار ؟؟؟!
 
إذا كنتي في كلية العلوم بالدمام فنصيييحة لوجه الله وخرررري عن الرياضياااات

طالما ماتحبينه ولااا مشيتي فيه من الثانوي ماراح ينفع الآن تدخلينه

وخاااصة إنه بدون منااافس أعلى الأقسام نسبة رسوووب

فتعوذي من إبليس وشيليه من بااالك

شيء ثاني ترى الكيميااااء تاااااااافه دراااسته بكلام من بنات أعرفهم في اكيمياااااء

منبسطييين عليه ورسوبهم في الترم الثاااني كان من مادة بالرياااضيااات:000:

Fanar 2009- 8- 25 04:00 AM

رد: مابين الكيمياء والرياضيات وش اختار ؟؟؟!
 
أختي خجل الورد
كنت مثل وضعك و دخلت الرياضيات لان ماكان قدامي غيره
وكان سيء جدا جدا ومشيت فيه بالموت
بعدين تخصص الكيمياء له مجالات توظيف أكثر من الرياضيات اعتقد
واعرف البعض كمل الى صيدلة
في الاخير يبقى رايك انت
والله يوفقك


All times are GMT +3. الوقت الآن حسب توقيت السعودية: 02:15 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه