ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الإستشارات النفسية والاسرية وتفسير الاحلام (https://vb.ckfu.org/forumdisplay.php?f=129)
-   -   ساعدنيي يا د/علي (https://vb.ckfu.org/showthread.php?t=43370)

عيون الشوق 2009- 8- 20 05:42 AM
ساعدنيي يا د/علي
 
السلام عليكم ورحمة والله وبركاته

د/ علي
أولا راح أذكرك بحالتي..

تذكر ...

اقتباس:
السلام عليك ورحمة الله وبركاته
الله يحيك يا د.علي السلامة
مشكلتي.....او بالصح كثير من البنات المراهقات الي في مثل سني 18 سنه ...عندهم ذا الشي
هو الشعور في بعض الحظات بالخوف من ... اني أخاف اني راح افقد شي معين... زي صداقةمثلا ....أو مستوى دراسي...خسارة علاقة تجمعني مع بنت خالتي....او يمكن اشياء بالاصح تكون مواقف غبية ...ما قد صارت ..وبعدها اتخيل الموقف واصور ردة فعلي وكيف اني اتوقع وش راح اسوي....وهذا الشعور يتبعه الم في أسفل البطن و اسفل الظهر قريب من الكليتان لأني خشيت جو...بس دايم أناكذا حياتي كلها اتخيل مواقف..احلام يقظة على طوووول..وبعدها اقول لنفسي لالا ماراح يسير الا كل خير واروح احمس نفسي عن طريق تذكر الاشياء الاجابية الي فيني...أو تذكر االمواقف الايجابية الي عملتها في حياتي..وبعدها اقول لنفسي ان انا حياتي تمام ليش التفائل بالشي الي مو حلو؟؟ ..بس انا دايم اسوي كذا ..أحب أتخيل علشان اتدرب ...علشان لو صار في الواقع اكون راح اعرف يكف اتصرف..
سوألي يا دكتور...هو ان اناالي قاعدة اسويه صح؟؟..ولا سوالف بنت مراهقة؟؟؟
أتمنى من سعادتك الرد
وشكـــــــــــــــــــــــــــــــــــــــــرا.... .:
119:
عيــــــــون الشــوق.

وبعدها رديت علي



اقتباس:
السلام عليكم

الفاضلة عيون الشوق

هذه أحلام يقظة وأنتي ربما أفرطتي فيها. لكي تتخلصي منها حاولي التقليل من التفكير بصمت والجأي إلى إفراغ أفكارك بشكل مكتوب أو قوليها للمقربين من حولك هذا ان لم تستطيعي التحكم بها بايقافها كلما بدأت أو باحلالها بفكرة أخرى مريحة تزيح هذه الافكار.

تحتاجين لبعض الوقت والصبر والمثابرة وستنجدين عند تطبيقك لبعض هذه الحلول

وفقك الله



د/ علي


:bawling::bawling:
أحس اني بعدها صرت تمام..والحين رجعت الحاله
لدرجه لما اكلم وحدة من البنات..وما ترد أخاف انها ما تبنيي تصرفني وتجيني هواجيس لدرجة
يجيني الم في اسفل ظهر. واحس فيني النوم وبعدها اجلس مع نفسي زي ما قلت جلسه صمت..واصير تمام فترة وبعدين ترجع......وش السالفة
ساعدني..
اسئلي اذا عندك استفسار
لأن هذا الكلام الي قلته هو المقدمة والتفصيل راح يجيمن استفساراتك
انتظر ردك
علشان اوصل الى حل
جزاك الله خير
وبلغك الله رمضان اعوام واعوام
ور زقك الله الذرية الصالحة

نواف99 2009- 8- 23 03:13 PM
رد: ساعدنيي يا د/علي
 
رمضااااان كريم

عيون الشوق 2009- 9- 2 08:06 AM
رد: ساعدنيي يا د/علي
 
وينك يا دكتور ؟؟؟

**السهلي** 2009- 9- 4 07:55 AM
رد: ساعدنيي يا د/علي
 
السلام عليكم

هلا اختي الوضع الي انتي فيه يجيني هذا وسواس ورب البيت انه يجيني لاتهنيت وزملائي يسافرون وروح معهم ابي اغير جو بس ماتغير شي واتصلت على شيخ وقلت ياشيخ احس اني ابفقد شخص غالي ومرات مدري وش افكر فيه رعب وخوف ومع العلم انا متخرج من جامعة الملك سعود وعمري 23سنة و شخصيتي قوية عند أهلي وعند جماعتنا جتني فجأة ما ادري هي عين ماصلت على النبي وجتني وقت اختبارات قبل ما اتخرج قال الشيخ تبي تروح منك سو ثلاث حاجات هي1_ الصلاة في وقتها 2_الأذكار 3_كل يوم اقراء جزء من القرآن الكريم والحمد لله تحسنت وأهم حاجة العزيمة والاصرار والله يعافيك انشاء الله

عيون الشوق 2009- 9- 4 11:07 AM
رد: ساعدنيي يا د/علي
 
اقتباس:
سو ثلاث حاجات هي1_ الصلاة في وقتها 2_الأذكار 3_كل يوم اقراء جزء من القرآن الكريم
الحمد لله من فترة سويتها وتخف الحالة...وترجع ساعات.. ... الشكوة لله

اقتباس:
الحمد لله تحسنت وأهم حاجة العزيمة والاصرار والله يعافيك انشاء الله
مشكور اخوي والله يشافيني مثل ما شافاك.. ..
سبحان الله مثل حالتي و وضعي عن اهلي شخصية قوية .. .. الحمد لله في أمل .. ..

**السهلي** 2009- 9- 5 07:33 AM
رد: ساعدنيي يا د/علي
 
آسف على اللقافة بس أول ماقريت الموضوع تحمست معه

عيون الشوق

الامراض كلها من التفكير نصيحة كل ماجيتي تفكرين في الموضع أشغلي نفسك بقرائة القرآن أو قصص او كتيب نكت مضحكة أو تابعي مسرحيات أو أفلام

(((((((((((((((((((((كل مافكرتي في الموضع مخرجي نفسك بأي طريقة كانت))))))))))))))


اذا مافيه نتيجة روحي لدكتور نفساني


آسف على التطفل

:d5: الدنيا حلوة بس نفهمها

عيون الشوق 2009- 9- 5 01:56 PM
رد: ساعدنيي يا د/علي
 
اقتباس:
المشاركة الأصلية كتبت بواسطة **السهلي** (المشاركة 504619)
آسف على اللقافة بس أول ماقريت الموضوع تحمست معه

عيون الشوق

الامراض كلها من التفكير نصيحة كل ماجيتي تفكرين في الموضع أشغلي نفسك بقرائة القرآن أو قصص او كتيب نكت مضحكة أو تابعي مسرحيات أو أفلام

(((((((((((((((((((((كل مافكرتي في الموضع مخرجي نفسك بأي طريقة كانت))))))))))))))


اذا مافيه نتيجة روحي لدكتور نفساني


آسف على التطفل

:d5: الدنيا حلوة بس نفهمها

مشكور اخوي .. ... جزاك الله الف خير :119:


All times are GMT +3. الوقت الآن حسب توقيت السعودية: 03:17 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه