|
لين متى يعني .....؟؟؟؟؟
السلام عليكم ..
والله العظيم الوضع اللي صاير يخلي الواحد ينسحب من هالدراسه بكبرها موب من الجامعه بس !! ضغطونا ووترونا وتراكم كل شي علينا سواء من مناقشات او محاضرات انقص ظهري وانا احل المناقشات هذا وانا انسخ والصق من الفيرفكس مدري وش اسمه واعدل واضيف كلمات من عندي خوف انها ماتنقبل المشاركه وفوق هذا لمن اسوي ارسال يطلع ضغط ويهنق الموقع الجميل ولاتنرسل وارجع وانا ماشوف طريقي احلها غصب امري لله ومادة التقنيه هذي رفعت ضغطي بالبدايه مانزلو شي وقعدت اتابع باستمرار ولقيتها نزلت وحملت التمهيديه والاولى والثانيه والباقي مانزلت قلنننننننا مو مشكله بتنزل وارجع الحين لايوجد اي شي لا نمهيديه لا اولى ولاشي ..!!! لم يتم تنزيل مقررات ولامناقشات !! سلاممممممات وش وضع اللي حملتها انا طيب ماستبعد يقولون خطأ والا يطلع شي جديد .؟؟ وليته كذا بعد الصحه واللياقه نشاهدها فقط اوكي شاهدتها بس ابغى احملها يالطيب اجي احملها بصيغه الجوال يطلع لي ملخص فقهي .. اجي بصيغه ثانيه يطلع لي ايرور ولي اسبوع مع هالايرور تعبت نفسيا ضغط وقروشه وهم وكني مضيعتلي بزر:sm1: بالله لين متى ورانا مسؤليات انا عني مو مرابطه عالنت كل ماحاولت ارتب ترجع بوجهي من هالتراكم حسبي الله ونعم الوكيل بس .. وش الحل مع التقنيه ؟ والصحه ؟ وام عمر ياعمري عليها غثيتها كل شوي ناطه لها عالرسائل الخاصه استفسر منها :sm1: تكفين نبي موضوع تجمع استفسارات ابي اعرف بنات منطقتي نفيد بعضنا ولايهونون البقيه :icon9: انا عني من الخرج :smile: |
رد: لين متى يعني .....؟؟؟؟؟
حسبُنا الله سيؤتينا الله من فضلة إنا الى الله راغبون
حسبُنا الله , حسبنا الله تعبنا نفسياً تأخرنا فعلاً , لخببببطة مو كفاية أننا مستوى أول داخلين بخوف وهلع ماندري وش نسوي ماندري وش ينتظرنا , ماندري كيف بنتدبر أمورنا نسوي الخطوة عشرين الف مرة عشان تنحسب لنا الدرجة حملت المحاضرات فوق الثلاث مرات !! وبرجع أحملها ثانية خصوصاً الصحة واللياقة :" أحس عيني بيصير لها شئ زيادة على ضعف النظر من إشعاعات اللاب والجوال احس شئ دافعه فيه حرام أنقص ولو ربع درجة ومع ذلك مهما أجتهدنا وحاولنا نضغط , الجهه الثانية اللي هي الجامعة أبداً ابداً ماتساعدنا المفروض يصير عندهم مناعة عن هالأخطاء خلاص !! المفروض أنهم وصلوا لمرحلة يتداركون الوضع في أقل من يوم ! التقنية أعتقد بينزلونها الأسبوع الجاي ان كان عندهم شوي " دم " !! لأن مو معقولة كذا الصحة مارجعت حملتها وتأكدت هل تعدل المحتوى وإلا لا :" مانقول إلا الله ييسر اللهم سلّم سلّم ولا ينتكس الوضع فوق ماهو منتكس الحين :7: |
رد: لين متى يعني .....؟؟؟؟؟
الصحه فقط تحميلها هو الخطا مشاهدتها ماشفت الاولى بس اما المحتويات سليمه توني شيكت
عليها طبعا الخرعه وما تسوي :) |
رد: لين متى يعني .....؟؟؟؟؟
وربي خلاصصصصصصصص جاني احباط من هالجامعه تضغططط حيييييييل تعبت ي ربي الحين من كثر مااحل في هالمناقشات وافكر واغير وتسذا راح النظر هههههههه احس اشوف الشي مرتين خلاصصص ...حتى مدري متى ابدا اذاكر ي ربي ... |
رد: لين متى يعني .....؟؟؟؟؟
لاتشكي لي ابكي لك :sm1::sm1::sm1:
|
رد: لين متى يعني .....؟؟؟؟؟
هدوا صبايا وش فيكم استعينوا بالله اول مستوى اكيد اشياء كثيره بنجلها لاكن المستوى الثاني بنمشي صح لحد الحين اوكيه وضعي باقي شهرين كاملين يمديكم تكتبون المناقشات و تحملون هونوها تهون و الله يهدينا الى الطريق الصح
|
رد: لين متى يعني .....؟؟؟؟؟
لآ إله إلا الله محمد رسول الله
استهدوا بالله باقِي عَ الاختبارات شهرين وَ أسبوع لو تبدأون من الآن تذاكرون وَ تستمعون للمحاضرات القديمة تراها نفسها ما عدا تقنية المعلومات ما تأكدنا منها للآن حاولوا تذاكرون كل يوم محاضرتين فقط ! وَ بإذن الله تخلصون قبل الاختبارت فالكم التوفيق :2: |
رد: لين متى يعني .....؟؟؟؟؟
:eek: مستوى اول وش بلاكم ؟؟؟؟؟؟؟؟!!!!!!!! :eek:وانتي يا totah talal هدي وانا اختك ماينفع عصبيه وتوتر + دراسة :16.jpg:شوفينا حنا تعودنا (تعطل _توقف _انجلط) النظام عادي عندنا :hahahahahah::(269): :sm5: في وقت ان شاء الله صبر جميل والله المستعان انتي بس روقي :019: دامك في جامعه الملك فيصل :mad: |
رد: لين متى يعني .....؟؟؟؟؟
وش فيكم معصبين:35:..هو صح شي يرفع الضغط بس ماينفع كذا بدل مانشجع بعض ونهون على بعض..نجلس نشحن في انفسنا ونحطم بعضنا..خلوكم ريلاااااكس والامور كلها بتنحل ان شاءالله وكلنا في الهواء سوا:29:
|
رد: لين متى يعني .....؟؟؟؟؟
مساء الخيرات عل الناس المتوترة والله انكم عطيتوني شحنة هدوء لانه الكل يعاني واكتشفت انه انا ماني
لوحدي ...المهم ابغى اسالكم فيه مجاميع مذاكرة بيناتكم ترتيب معين للمراجعة ؟ خلونا نصلي على النبي اللهم صلي على محمد وال محمد وسلم ... ونروق لانه ماراح نسفيد ابدا من القلق حتى لو فيه عدة مشاكل تواجهنا خلونا نهدي بعض ونساعد بعض والله معاكم حق يلي قلقانين مااحب اهون المشكله كلنا عندنا مشاغلنا وحياتنا لكن نقول ان شاء الله وبحول الله وقوته امورنا طيبة |
| All times are GMT +3. الوقت الآن حسب توقيت السعودية: 01:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام