ملتقى طلاب وطالبات جامعة الملك فيصل,جامعة الدمام

اقتباس:

السلام عليكم ورحمة الله وبركاته

و عليكم السلام و رحمة الله و بركاته

اقتباس:

في البداية أحب أشكر الأخت أورجوان على سعة صدرها واهتممامها بنا أدامك المولى
وانا أغبطك على الدعوات اللي ندعيها لك في ظهر الغيب عن جد تسؤلاات كثييره ما كنت اعرفها اجابات لها رغم بحثي عنها بس انتي عن جد عطيتينا بال الله يجزاك الف ترليون خير <<جديده هذي
واذا سمحتي عندي بعض الاسئله اتمنى تجاوبيني عليها واسفه عذبناك معانا

أهلا و سهلا فيك أختي .. و شكرا لك لدعائك لي

اقتباس:

اولا :اخت اورجوان انا سجلت وانقبلت طب بالدمام وللحين ما طلع موعد فحص اللياقه الطبيه
يقول نرجوا الدخول في وقت لاحق بس انا اش سويت خليت بابا يروح للجامعه وسالهم قالوو يؤيؤيؤ اليوم وبكرا اخر يومين اللي هو الاربعاء !! عالعموم بكرا اروح للمستشفى افحص بدون موعد شخصي زي ما صرحت الجامعه ان الدمام بمواعيد والاحساء من دون ؟؟ انا بحييره

يظهر انه بالدمام لابد مواعيد , و الحل الامثل هو انك تروحين المستشفى تقولين لهم ابغى اسوي الفحص الطبي و اذا قالوا لك عندك موعد ؟ قولي لهم لا عطوني انتو موعد و راح يعطونك و اذا قالو ما يحتاج موعد فهذا بعد افضل .. تسوين الفحص و ترتاحين

اقتباس:

ثانيا :انا عندي ضعف نظر مو كثير شويات بس البس النظارات تتوقعوا ما اليق طبيا يووه <<خايفه

شفتي طبيب ما يلبس نظاره ؟؟ ;)
أختي ..
المقصود من اختبار النظر => انك تشوفين وش يصير حواليك .. سواء بنظارة او بدون !

اقتباس:

ثالثا:هل في شئ لازم اسويه قبل استئناف الدراسة ؟؟يعني اجمع جداول بطاقه الجامعه اشتري زي معين اي شئ كان لاني ناويه اسحب على الدنيا الييين يوم الدوام ؟؟افيديني الله يجزاك خير ..

اذا خذوا ملفك و كملتي اجراءاتك من فحص اللياقة ساعتها سحبي على الدنيا بكيفك
لان من ناحية الزي ,, فعادي , تنورة و بلوزة و الاغلب يخالف و ما يلتزم فيه
لكني بقوله لك عن الحلال و الحرام
بلوزة كم او ثلاث ارباع << و عادة البنات يلبسون ربع كم و ينسون الثلاث ارباع
تنورة طويلة سودة او بنية << لكن البنات يلبسون جنز

و من ناحية البطاقة => جهزي لك صورة =>> زي صورة الجواز لانهم راح يطلبونها منكم علشان يسوون لكم بطاقاتكم

اقتباس:

حم احم .. اخر سؤال <<احراج >> ادري اكثرت
هل اقدر اختصر السبع سنوات هذي باي طريقه كانت مثل ادرس صيفي او اااييي طريقه اذا تعرفي خبريني
.......... دمتم بود . ..

خبري تقدرين تاخذين متطلبات الجامعة صيفي >> الي هي مواد الدين !
اما مواد الطب نفسه , فعندنا بالاحساء محد يعطي صيفي , لان المواد كبيرة كثير و صعب انهم يتعبون انفسهم على كمن طالب !
قد يكون النظام مختلف في الدمام من هذه الناحية !
الله اعلم !