ملتقى طلاب وطالبات جامعة الملك فيصل,جامعة الدمام

السلام عليكم ..
علشاني اشوف اسأله تتكرر بكثره.. واشوف الطلاب ضايعين .. قررت نحن حماده بعد الاطلاع على وضع الطلاب المستوى الاول .. أمرنا بما هو آت , ان يضاف هذا الرد لجميع الملتحقين الجدد ببرنامج التعليم عن بعد وان يحفظ ويسمع بعد 10 ايام من الان والي ما يحفظها تنقص 10 درجات في كل ماده :19:

المطلوب من الطلاب للحصول على 30 درجه في الجامعه التالي :
1- تحميل او مشاهدت المحاضرات المسجله مسبقا وهي 14 محاضره وطبعا هذه المسجله ( قديمه ) ليست جديده (يعني لا يطرح سؤال ليش هي قديمه !!)

2- حل الوجبات وهي تكون ثلاثه او اثنين .. وتنزل في النظام في وقت معين .. وفي بدايه الدراسه اكيد لن تكون موجوده ( فلا يسأل متى تتطرح )

3- المشاركه في منتدى الحوار . . والجواب على سؤال النقاش وهذا السؤال "قديم ايضا للدفعات السابقه "
كل ما عليك هو الاجابه عليه في اي وقت انت تريده ( لا يوجد وقت معين )

4- مشاهده ( الاعلانات ) الموجوده في موقع بوابه التعليم عن بعد + متابعه خطه الجدول الزمني
لانه في الاعلانات سيتم طرح وقت للمحاضرات المباشره وعددها 3 لكل ماده .. هذه المحاضرات تستطيع مشاهدتها تسجيل.. او مشاهدتها ( لايف ) ( شيء يرجع للطالب )

ملاحظه : نظام البلاكبورد والافتراضي ( واحد حسب كلام الجامعه ) يعني تحمل من هنا او من هناك كله واحد
ملاحظه : كل النظامين قابله لاخطاء والتعليق ( السبب لانه نظام ) فاذا ما قدرت تتدخل حاول في وقت لاحق
ملاحظه : يرجى استخدم انترنت جيد لانك طالب في التعليم عن بعد ..

---------------------------------
كيف تذاكر المواد ( نظاميا بالجامعه ):
1- تشوف المحاضرات المسجله
2- تقرا الكتب والملزمات الي يقولها لك الدكتور اما عروض البوربوينت اصلا يشرحها الدكتور لك بالمحاضره فلذلك هي من ضمن المذاكره
--------------------------------------------

الي فوق ( نظاميا بالجامعه ) < ركز كلمه نظاميا يعني هذا الي يمشي عندهم

اما الان بتكلم عن مساعده الطلاب الي سبقونا والي هم يسهلون علينا المجهود
1- الدراسه عن طريق مشاهده المحاضره ( بضمير ) هذا شيء راجع لك انت اهم شيء تحملها علشان المشاركه ..

2- لازم تحل الواجبات الي تنزل لك + تشارك في منتدى الحوار لو بنسخ ولصق(فيه كلام في هالنقطه ) موجود الحلول كلها في موضوع مثبت ..

3-المذاكره تكون عن طريق ملزمات الطالب الكويس المبدع هتان الله يعطيه العافيه < قصه الملزمات هو طالب زينا مو فضائي ولكن همته عاليه ما شاء الله عليه وانسان يعطي مو ياخذ بس ... اخذ المحاضرات الي كانت في الشرائح وصغرها وحطها في ملف بي دي اف .. وصارت صغيره .. وبعض المواد اضاف عليها ..

4-مشاهده الموضوع المثبت من ام عمر الله يوفقها حق الاعلانات < لانها هي تجيب الاعلانات من حسابات التويتر الي بالجامعه ومن اخبار الجامعه وتحطها بموضوع واحد ( تسهل علينا )

5- الطلاب الي سبقونا ينصحون بالتحميل عن طريق الافتراضي فقط .. وينصحون ان يكون التحميل متاخر يعني مثلا الاسبوع الجاي .. علشان النظام دائما بعد بدايه كل ترم تكون فيه حوسه وصيانه .. فلذلك علشان ما تتعب ويضيع جهدك ابدي بخطه " كسب الدرجات " الاسبوع الجاي .. بس اذا بغيتي تشوفين المحاضرات علشان تتدرسينها فينصحونك من الحين علشان ما تنضغطي فقط
-------------------

الحين اي سؤال بذهنك بعد هذا الرد .. يكون علمه "اجتهادي " :17:
وترا الرد هذا داخل معنا بالاختبار :42:

ايه نسيت شيء اتوقع لازم تحددون مكان اختباراتكم < ولها وقت معين .. فارجو تحددون مكان اختباراتكم في خدمات الطلاب وتر اتوقع التحديد يكون مره وحده يعني مو تجلس تحطه بمدينه تستهبل ثم تحاول تغيره :42: