ملتقى طلاب وطالبات جامعة الملك فيصل,جامعة الدمام - بعد الاطلاع للبلاك بورد اتضح الآتي / شاركوني وش اتضح معاكم

- المستوى الأول - كلية الأداب (https://vb.ckfu.org/forumdisplay.php?f=311)

بعد الاطلاع للبلاك بورد اتضح الآتي / شاركوني وش اتضح معاكم

السلام عليكم ورحمة الله وبركاته
صباحكم ومسائكم خير :16:

بحكم إني طالب مستجد , وماصدقت ان البلاك بورد يفتح معي اشتغل الحماس
وقمت نزلت كل شيء يمكن تحميله من خلاله للمواد بما فيها محاضرات وغيره ..

نقاط و رؤى تولدت لدي من خلال هذه الزياره التي كانت بمثابة تعارف

- التحرير العربي اتضح لي دكتوره يحب يمط السالفه مط طويل ويجيبك من بعيد للشيء اللي يبي
بمعنى أنه يسولف كثير لسالفه قصيره فياليت يختصر لنا ويكون المضمون بصوره واضحه وسريعه ..

- اللغه الإنجليزيه الدكتور ماشاء الله داخل حامي وكل الحكي انجليزي واتحدى اي واحد ماعنده
خلفيه جيده في الانجليزي يفهم معاه لأن كل حكيه انجلش * انجلش كأنه يخاطب انجليز ولا كأنه
عربي مع الأسف اوكي الماده انجلش بس اشرح عشان الكل يستوعب وش الفكره وش الموضوع
تكلم عنه بالعربي وبعدها افرد عضلاتك خخخ :8:..

- الصحه واللياقه واضح الدكتور إنسان بسيط في شرحه وله قابليه ومسهل الأمور من أولها ومنزل
ملزمه وتكلم بشموليه واضحه جداً :21: ..

- العقيده الاسلاميه والمذاهب المعاصره دكتور (رسمي) وماده مافيها شيء صعب بإذن الله ..

- النحو التطبيقي من الواضح من الملخص وكلام الدكتور ان الماده تعتمد على اجزاء بسيطه في
اللغه العربيه والقواعد اللغويه العربيه ودكتورها حليل :) دكتورنا أردني ..

- مباديء الاداره بصراحه إلقاء الدكتور إلقاء مذيع خبير والواضح من اسلوبه وشرحه أنه رجل جاد
ويؤدي مهامه بطريقه جاده ..

- مهارات التعلم والتفكير المحاضرات (فديو) مو للماده ابد تتكلم عن فقه العبادات وغيره من
هالمواضيع اللي يبدو أن موقع الفديو كان خطأ ويوجد شرح مبسط ع الورد (تمهيدي) للماده
ويبدو أنها ماده ثقافيه أكثر من انها علميه ..

- مدخل الى تقنية المعلومات دكتورنا ياهو وسيع بال ياهو خجول مافي اي شيء داخل مجلدات
هالماده لا فديو ولا ملفات نصيه ..

عموماً هي الصوره الاولى اللي تكونت لدى الطالب المستجد مع أولى المحاضرات والبدايه للفصل
الدراسي الحالي اسأل الله لي ولكم التوفيق والنجاح ..

اللي تولدت له رؤى او نظره مبدئيه للماده الدكتور اي شيء يكتب لنا

:16: