تناقض بين اقوال الشعيبي والفريدان .. وحنا المتضررين للاسف
 

الشعيبي يقول لن تحسب اي درجه لمن شارك الى ان يفتح الافتراضي!!!!!
وبعدها الاخ الفريدان يقول الدرجات محسوبه على المحاضره الاولى !!!!!!!!!
يعني كلامهم متناقض ..وماهم مرسينا على بر !!!:22:

والوضع بالبلاك بورد مصخره ولخبطه والدراسه مفروض من 3 اسابيع باديه:42:


اليوم فرغت نفسي وتكيت على الاب توب وقلت بحضر المحاضرات وبصير دافوره وضيعت ساعتين او اكثر من وقتي الثمين :34:
وبالاخير اكتشفت اكتشاف خطير الا وهو ان المحاضرات من الف وتسعميه وخشبه

من 2010 ... و1431 !!!!!!!!!!!!!!!!!!!!!!

يعني ما اعتقد هي نفسها اللي بنحضرها هالسمتسر .. غير كذا فيها معلومات مغلوطه(خاطئه) زي مثلا دكتور مادة التعليم والتفكير ذكر ان درجة الامتحان النهائي من 100 درجه ومافي واجبات وما ادري شقال بعد!!!!!!!!!!!!!... طبعا هذا الكلام قديم جدا تقريبا اول ما بدا الانتساب عن بعد _سنة 2010 المحاضره

والمعروف ان الانظمه تغيرت وصار الامتحان من 70 وفي واجبات ومناقشات وتحميل محاضرات 30 درجه

ومن هذا استنتج انه احتمال المحاضرات تتغير وينزلون غيرها (جديده ) اذا فتح الافتراضي

هذا والله اعلم

رد: تناقض بين اقوال الشعيبي والفريدان .. وحنا المتضررين للاسف
 

الافضل تنتظرين الافتراضي وتتابعين منه :21:

بالنسبه للمحاضرات المسجله اهي نفسها تتكرر كل ترم الا في حال تغير الدكتور او المنهج .

رد: تناقض بين اقوال الشعيبي والفريدان .. وحنا المتضررين للاسف
 

المحاضرات اختي حتى احنا درسنا محاضرات مسجلة قديمة ع بالك بيعيدون نفس المقرر ونفس الشرح

مستحيل الا في حالة إذا غيروا بالمقرر مثل التحرير العربي لما كنا بمستوى أول فعلا تغيرت المحاضرات


وتغير المحتوى فالخلاصة المحاضرات ماراح تتغير اذا هو نفس المقرر ونفس الدكتور ولاتدققي كثير


ع التواريخ :) فإذا حابه تسمعين للفايدة والمذاكرة فحلو ومايضيع وقتك ولو عندي وقت حاليا كان استفدت


أقلها أعرف وافهم المحاضرات قبل مايجي الضغط واذا نزلوها بالافتراضي


شغلي كل محاضرة عشر دقايق وقفليها وشغلي الثانية وتنحسب لك الدرجة تبع الأعمال الفصلية


بالتوفيق

رد: تناقض بين اقوال الشعيبي والفريدان .. وحنا المتضررين للاسف
 

الجامعه ماشيه بالبركه ولا فيه جديه و احسهم ماخذينها تسليه مافيه اي التزام

يعني المحاضرات المستوى اللي راح بعد قديمه و مغبره جداً لدرجة ان نظام فيستا ف مادة تقنية المعلومات يقول جديد واحنا واصلين لوندوز8

اشياء كثير لو تكلمنا عنها مابيكفينا شي يعني حرام قسم بالله

احنا ندفع لكم مبلغ وقدره نستحق ع الاقل ع الاقل شوية اهتام و انضباط يعني عيب وربي انتو دكاتره ويفترض قدوه لنا

3 اسابيع و مابدينا للحين وش ذا و الترم اللي راح انواع الاخطاء و التهنيقات و مستحيل يكونون عدلو السيرفر واتحدى :18:

رد: تناقض بين اقوال الشعيبي والفريدان .. وحنا المتضررين للاسف
 

اوك تتكرر مو مشكله .. بس ماتكون فيها معلومات خطا !!!!!!!!!!!!!!!

يعني الدكتور يقول الدرجه النهائيه حقت الامتحان من 100 درجه ومافي لا واجبات ولا مناقشات !!!

رد: تناقض بين اقوال الشعيبي والفريدان .. وحنا المتضررين للاسف
 

من الترم الي طاف ومحاضراتنا تاريخها قديمه عادي الوضع
اهم شئ المحاضرات المباشره
احضروها وبتشوفوون الادكاتره ههههههه متغيرين

رد: تناقض بين اقوال الشعيبي والفريدان .. وحنا المتضررين للاسف
 

كلامك صحيح بس لاحياه لمن تنادي :31:

تصدقين اول ماسمعتها على باللي رجعوا النظام السابق والاختبار من 100درجه

صارات صدمه بالنسبه لي وقتها احنا اول دفعه قالوا الاختبار من 70 و30مشاركات .

بس غريبه الى دحينه ماغيروها :5:

رد: تناقض بين اقوال الشعيبي والفريدان .. وحنا المتضررين للاسف
 

زورق و خالد وصفاء و Khaled.SU

الله يبشركم بالخير هههه:42::10:

اجل ما غيروا ولا عدلوا عليها من 2010 !!!!!!!:4::4::4::4::4:

الله يستر بس ... شكلي بنطق على عيني وبرجع احضرها وامري لله :39::39:

الله يقطع شرهم بس ... وانا اول ما سمعت كلام الدكتور وشفت التواريخ سكرت المحاضره وتاكدت انها قديمه قلت بلى ما اضيع وقتي بشي قديم ...!!!:29::29:

رد: تناقض بين اقوال الشعيبي والفريدان .. وحنا المتضررين للاسف
 

زورق و خالد وصفاء و Khaled.SU

الله يبشركم بالخير هههه:42::10:

اجل ما غيروا ولا عدلوا عليها من 2010 !!!!!!!:4::4::4::4::4:

الله يستر بس ... شكلي بنطق على عيني وبرجع احضرها وامري لله :39::39:

الله يقطع شرهم بس ... وانا اول ما سمعت كلام الدكتور وشفت التواريخ سكرت المحاضره وتاكدت انها قديمه قلت بلى ما اضيع وقتي بشي قديم ...!!!:29::29:

رد: تناقض بين اقوال الشعيبي والفريدان .. وحنا المتضررين للاسف
 

الحسنه الوحيده في المناهج والمحاضرات القديمه هذي :22:
هي الاسئله يعني ماتوقع بعد سبع مستويات من التكرار بيقدر يطلع الدكتور اسئله مختلفه
مستحييل خصوصا في المواد اللي مناهجها قصيره مثل مهارات التعلم والتفكير

موفقه :16: