ملتقى طلاب وطالبات جامعة الملك فيصل,جامعة الدمام - سؤال لطلاب أو طالبات علم الحاسب في الأحساء حول لغات البرمجة الي يدرسوها

وعليكم السلام ورحمة الله وبركاته

انا طالب خريج الكلية قسم علوم حاسب

واحب اوضح لك بعض الامور اللي عايشتها بتجربتي

في ناس كثير تمشي على البركة ... وناس تمشي بحظوظ .... لكن اللي يبي يتعلم بيتعلم بأي زمان واي مكان مهما كانت الظروف

الدكاتره تتغير وتتبدل ويجي الافضل ويروح الاسوء ويمكن العكس

لكن الشخص نفسه وعقليته وحب اطلاعه على العلم واصراره على انه يبني نفسه ويتعلم بشكل مستقل

هذا اللي يبقى

وعشان اشفي غليلك في دكاتره شغل حفظ بدون فهم وفيه دكاتره تطلع روحك لين تفهم وتصير متقن

لكن من خلال تجربتي بمشروع التخرج والحمدلله بشهادة الدكاتره كان افضل مشروع تخرج بالسمستر الاول من هذا العام

اذا الطالب حب البرمجة واستقاها من مصادرها واشترى كتبها وعاش داخل جوها (اكبر دكتور يوقف يصفق لك ويعجب بعملك)

ولجا مشروع تخرجك بتشوفين ان الدكاتره كلهم يتهربون ( الا من رحم ربي سبحانه) يقولون لاتجيب لنا اكواد بس علمنا وش قدرت توصل له

بس زي ماقلت لك اهم شي انتي وش ناويه عليه ؟ تبين تصيرين فاهمه ولا حافظه ؟

بالنسبة للغات البرمجة ممكن تتغير احيانا بسبب الاستاذ وبسبب الامكانيات لان على وقتنا ماكانت امكانيات الكلية كويسه ولكن تغير الوضع الحين وصارت كلية يشار لها بالبنان وان شاء الله مستقبل خريجيها باهر

اللغات اللي درستها انا

C , Java , assembly

وطبعا فهمت اساسيات لغات البرمجة وتعلمت vb.net بفضل الله ثم جهدي المتواضع

وعملت بها مشروع التخرج

طبعاً انتي في البداية لازم تدرسين تطور اللغات وتفهمين كيف تطورت علشان كذا هم راح يبدون معك باللغات الاجرائية

واللي منها C

وبعدين ينتقلون الى لغات افضل وتدعم خصائص اكثر تسمى لغات البرمجة كائنية التوجيه ولها خواص مميزه

ومن ضمن هاللغات هي Java

طبعا بتاخذين كورسات خاصة بهندسة الحاسب مثل الاكترونيات والاجهزة الرقمية وهيكلة الحاسب وبتدرسين لغة قديمة جدا
تسمى assembly تستخدم في المعالجات والاجهزة بشكل عام

طبعاً هي لغة قديمة وراح تشوفين الفرق والقدرات باللغات

بعدها اختي الكريمه انتي ممكن تنطلقين بمجالك وعالمك الرحب وتختارين اللغة اللي تعجبك وتواكب متطلبات السوق

وتتخصصين فيها

ولعلمك الخاص اذا فهمتي مبادىء البرمجة ماتعوق معك اي لغة باذن الله

تحياتي لك