|
ضروري بخصوص التقديم في الطب
السلام عليكم ورحمه الله وبركاته
اني طالبه ثانوي نسبتي 97.23 بس في مواد علمي علاماتي كلها فوق يعني 99 و 98 باستنثناء الأنجليزي بصراحه خفت ان نسبتي ماتمشي في الفيصل قمت سجلت في الطب في الفيصل وسعود يعني في جامعتين هل يتم الغاء الطلب ....؟ |
رد: ضروري بخصوص التقديم في الطب
:Cry111: بعد سؤال ثاني ..
لو قدمت طب في الفيصل .. اليي تقديم في كليه البنات صح ؟؟ |
رد: ضروري بخصوص التقديم في الطب
و عليكم السلام و رحمة الله و بركاته زهره القمر ما شاء الله .. الله يوفقك يا أختي .. عقبال القبول إن شاء الله اقتباس:
اقتباس:
المفروض لما سجلتي طلبك في جامعتنا ... تحطين رغبتك الأولى ألي هي الطب و بعدين فيه خانة ثانية للرغبات الأخرى .. و بإمكانك عن طريقها تحطين رغبة ثانية في إحدى كليات البنات |
رد: ضروري بخصوص التقديم في الطب
ياهلا اخوي ابو حمد
طمنتني الله يطمنك بالخير .. اخوي .. انت تنصحني بشنو الفيصل لو سعود اني اسمع سعود قبولها اكثر .. بس سالفه اني ادخل وتالي الجامعه توزع البنات ما ادري احسها مو راكبه واجد عندي .. |
رد: ضروري بخصوص التقديم في الطب
سؤال ثاني .. احين عند كتابه الرغبه الثانيه .. كم رغبه الينا نختار .. بس وحده ؟؟؟
|
رد: ضروري بخصوص التقديم في الطب
زهرة القمر اقتباس:
إذا كنتي مسجلة طب في الدمام .. فالقبول فيه صعب للطالبات ... يا دوب يقبلون الطالبات االحاصلات على 99% و فوق .. بسبب قلة المقاعد المتاحة يعني فيه طالبات ما يقبلن و نسبهن 99% بعد المفاضلة عموماً .. توكلي على الله و سجلي بسعود .. و إذا كان لك قبول في فيصل و في سعود .. أنصحك في فيصل .. أقرب لك و أفضل ... و حتى لو أضطريتي تدرسين في سعود .. الغربة صحيح أنها متعبة أشوي بس عشان تحققين طموحاتك ... لازم تضحين أشوي و بعدين برتاحين إن شاء الله و إذا على الأهل ... بإمكانك تزورينهم في عطلة نهاية الاسبوع اقتباس:
|
رد: ضروري بخصوص التقديم في الطب
الي اعرفه ان اي طالب او طالبة يقدر يسجل في كلية صحية واحده فقط يعين اذا جاء يختبر الأختبار التحصيلي لازم يكون محدد الكلية الي يرغبها ويختبر عندهم
ما ادري اذا غيروا الأنظمه |
رد: ضروري بخصوص التقديم في الطب
وانا علمي نفس علم مرزوق
اللي اعرفه لك كلية وحده بس |
رد: ضروري بخصوص التقديم في الطب
كليه وحده
صحيح والحال من بعضه خايفه من الفيصل ودي بالطب والكل وده بالطب انا نسبتي 99.59 والله يستر |
رد: ضروري بخصوص التقديم في الطب
الكلام اللي قالة محمد و مرزوق صحيح
انا ادرس طب في فيصل.. .. وكان الاختبار التحصيلي لجميع الجامعات في اليوم نفسه اذن مافي فايدة من التسجيل في اكثر من جامعه في التخصصات الصحية هالكلام كان في السنة الماضية ...واتوقع حتى هذه السنه تحياتي ....زووووزو |
| All times are GMT +3. الوقت الآن حسب توقيت السعودية: 11:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام