السلام عليكم ورحمة الله وبركاتة


القصيدة ((المشهورة)) للشاعر صقر النصافي رحمه الله تعالى وهي قصيدة ((ياعلى خل العيد لام الدناديش))


اردت فقط الاضافه لمنتدانا القدير مع بعض الاضافات


قصة القصيدة هي
قصة علي و الشاعر صقرالنصافي ~~ رحمهم الله جميعا رحمة واسعه


في يوم من الأيام جت حرمه كبيره في السن للشاعر صقر النصافي ومعها ولد شاب ( صغير سن ) اسمه علي ..


قالت أم علي للشاعر صقر : أبيك تاخذ علي معك في سفراتك وروحاتك وجياتك أبيه يتعلم علوم الرجال والمرجله ..


وآفق الشاعر صقر على طلبها وقال أبشري آخذه معي ..وكان صقر راعي حلال وتجاره


وذاك اليوم وافق انه عنده رحله أخذ علي معه ورآحوا على البعارين


طبعا ذاك الوقت ماكان فيه سيارات ..


أخذوا كم يوم وهم يمشون ونزلوا على ناس .. والولد علي بس يسولف عليهم


عن رحلتهم وعن تجارة صقر وعن البضاعه ..


والشاعر صقر ماأعجبه تصرف علي أبد أبد .. لكنه تغاضى ومشاها لـ علي ...


خلصوا تجارتهم وبيرجعون لديرتهم .. لكنهم تأخروا والعيد قريب وعلي ملزم إلآ يبي العيد عند أمه ..


قال الشاعر صقر لـ علي : مهو لازم تعيد هالمره عند أمك ..


قال علي : لآ أبي أعيد عند أمي ..


قال صقر : ماأظن انه يبي يمدينا على العيد ..


قال علي : مالي شغل أبي أعيد عند أمي ,,


طبعا الشاعر صقر ضاق ذرعا بـ كلآم علي وانشد تلك الابيات التي وفيها من الحكم الشيء الكثير ....


تقول :
ياعلـي خــل العـيـد لأم الدنـاديـش ..
لـلّـي تـفـرك كـــل يـــوم ٍ جـسـدهـا


تبغي تماري ناقضـات العكاريـش ..
فـي كــل ملـفـاح ٍ تنـقـض جعـدهـا


العيـد عيـد الله ولــو فــات حتـيـش ..
مــن حسـبـة أيــام ٍ يـمـرك عـددهــا


نبي نعلمك المساري على الجيـش..
تمشـي ذلولـك ليـن يفـتـر جهـدهـا


خابرك مانت بضاري ٍ للمطاريـش..
نبيـك تونـس حلـوهـا مــن نكـدهـا


ليله علـى مسـرى وليلـهٍ مغابيـش..
وليـلـه نخـلـي نومـهـا لـمـن رقـدهـا


وليله على تمره وليله على عيـش..
وليلـه نوكلـك الشحـم صيـد يـدهـا


ياعلي لاجيت العرب لاتجي ديش..
خبل ٍ ليـا جـاب السوالـف سردهـا


إحفظ لسانك لايجي فيـه تبطيـش..
تصـبـح عيـونـك كـايـدات ٍ رمـدهــا


يجيـك مـن ينشـدك نشـدة تقتيـش..
يـبــي يـسـنـع هـرجــة ٍ يعـتـمـدهـا


خلـه يقـوم مفلـت ٍ فـي يـده ريــش..
يــروح مـنـك وحاجـتـه مـاوجـدهـا


تـرى دعابيـل الخـبـول الفوانـيـش..
تبـدي بـمـا فيـهـا ولاحــد ٍ نشـدهـا


يجـيـك واحـدهـم يــورّش تـوّريـش..
عجاجـتـه يسـبـق مطـرهـا رعـدهـا


ولا لعمـقـات الـسـوالـف منـاقـيـش..
قـرايـة الكلـمـه عـلــى أول عـددهــا


تجي سوالفهـم بضحـك وتبهيـش..
وقلـوبـهـم مـحــد ٍ يـفـكــك عـقـدهــا

العيـد عيـد الله ولــو فــات حتـيـش..
مــن حسـبـة أيــام ٍ يـمـرك عـددهــا


نبي نعلمك المساري على الجيـش..
تمشـي ذلولـك ليـن يفـتـر جهـدهـا


خابرك مانت بضاري ٍ للمطاريـش..
نبيـك تونـس حلـوهـا مــن نكـدهـا


ليله علـى مسـرى وليلـهٍ مغابيـش..
وليـلـه نخـلـي نومـهـا لـمـن رقـدهـا


وليله على تمره وليله على عيـش..
وليلـه نوكلـك الشحـم صيـد يـدهـا


ياعلي لاجيت العرب لاتجي ديش..
خبل ٍ ليـا جـاب السوالـف سردهـا


إحفظ لسانك لايجي فيـه تبطيـش..
تصـبـح عيـونـك كـايـداتٍ رمـدهــا