|
محتاسة في جدولي وابي مساعدة لاهنتو
السلام عليكم عندي كم استفسار في المواد اول شي ابي ارتب جدولي ع اساس مايصير فيه تعارض للمستويات القادمة وماعرفت كيف ؟ يعني وين الجدول اللي يوضح كل شي لحد المستوى الثامن وهل هذا الجدول معتمد والا يتغير بعدين في المستويات القادمة ^ يارب فهمتو علي ثاني شي جدولي منحاس عندي مواد من المستوى الثاني والثالث مااخذتها ولو اخذتهاا كلها بتضيع علي مواد المستوى الرابع ؟؟ وش الحل برايكم تكفون وربي ماادري وش اسوي مخي وقف :( http://www11.0zz0.com/2013/01/29/12/774334364.jpg انتظركم |
رد: محتاسة في جدولي وابي مساعدة لاهنتو
يوووه الله يعينك :39:
أنا أقول توكلي على الله وخذي نفس الخطه :21: لأن السنه الجايه راح يغيرون جدول الأختبارات |
رد: محتاسة في جدولي وابي مساعدة لاهنتو
طيب فرضا اخذت نفس الخطة راح يصير مجموع الساعات 17 فقط ؟
مو المفروض اخذها ساعات كاملة !! ------ طيب ابي الجدول حق المستويات القادمة ! ابي اشوف التعارض وهالامور ياليت تساعدوني والله ماسويت شي لحد الان :( |
رد: محتاسة في جدولي وابي مساعدة لاهنتو
عزيزتي لاتفكرين تاخذين شي من قدام ، أول خلصي اللي عليك
ومو إجباري تاخذين 18 ساعه ، أنا أخذت 17 ساعه ، وهو على حسب المعدل لأن على حسب كلام الفريدان ب التوتر حاولوا تخلصون المواد اللي عليكم لأن السنه الجايه راح يغيرون جدول الأختبارات http://www.ckfu.org/vb/t420143.html |
رد: محتاسة في جدولي وابي مساعدة لاهنتو
السلام عليكم
اختي حور الرياض انتي حايس نفسك لابد من التصحيح عن طريق انهاء المواد من المستوى الثاني والثالث ولا تفكر ين بالمستوى الرابع الا بعد ماتنهين هال مستويين لان جداول الاختبارات تتغير كل مستوى والجامعة صرحت انها غير مسئولة عن اي تعارض في المواد للطلاب الغير متقيدين بالخطة. لذلك نصيحة لكي اضغطي على نفسك هال مستوى وخلصي المستوى الثاني والثالث كاملة. وبالتوفيق. |
رد: محتاسة في جدولي وابي مساعدة لاهنتو
يعني ضنكم اخذ موااد المستوى الثالث والثاني واخلي الرابع للمستوى الجاي ؟؟
كذا بمشي عكس خلق الله :( والمستوى الجاي بنحاس بمواد المستوى الرابع -- طيب وشرايكم لو اخذت جزء من مواد رابع وجزء من مواد ثالث وثاني !! يفيدني والا يضرني بعد تكفون تحملوني ودلاختي المفاجئة |
رد: محتاسة في جدولي وابي مساعدة لاهنتو
نسيت كيف اسجل << عطوني الطريقه كيف اسجل المواد لاني نسيت كيف الطريقه طال عمركم .؟ انا رسبت في ماده مبادى الاداره واجئلت الى اذكر ماده الانجليزي ومع ذالك بمشي بحسب المواد الى ابيها ولااحد يشيل هم ويخاف حتى لو باقي لك وانت في المستوى الثامن كم ماده اجلها وخذ ترم ثاني منها تريح نفسك وكلها ترم ومنها معدلك مايطيح <على كل حال لاحد ينسى كيف يعلمني الطريقه الى اسجل فيها المواد
|
رد: محتاسة في جدولي وابي مساعدة لاهنتو
اختي حور
الدعوة مي سواليف ولا دلاخه المواد الي معك من المستوى الثاني والثالث فيها حقها وماهي سهله ليش الربكة الي انتي فيها اطلعي على هال مواد وبعدين احكمي راح تنجحين فيها والا لا. يعني ماشاءالله عليك رياضيات ٢ ومحاسبة ٢ ومهارات ونظم معلومات وأساسات وانجليش. والله مؤ تحطيم لأكن يبغالك دكتور يختبر فيها. |
رد: محتاسة في جدولي وابي مساعدة لاهنتو
استخيري و اختار اللي تشوفي مناسبك لك الله يوفقك خيتو:16::16:
|
رد: محتاسة في جدولي وابي مساعدة لاهنتو
ابو منيره اجل ليه طلبت منكم مساعده. ،؟
انا مو ناقصة تحطيم والا احباط. انا ابي مساعده في الجدول فقط واللي نجحنا في المواد اللي قبل ينجحنا في المواد الباقية باذن الله لكن احتاج ترتيب جدول ومساعده شكرا للمتعاونين الي ردو لي واليوم ان شاء الله بقرر ع اختيار المواد واذا فيه احد بيساعدني زياده بدعي له شكرا |
| All times are GMT +3. الوقت الآن حسب توقيت السعودية: 12:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام