|
.:: تجري الرياح بما لا تشتهي السُفنٌ::.
السلام عليكم ورحمه الله يمسيكم بالخير جميعا الحمد لله الذي منّ علينا بالنجاح والمعدل الحلو يالطيبين موضوعي بعيد تمام عن المعدلات والجداول والملخصات السالفه ومافيها انه وبعد ما فرحت بمعدلي وصار عندي حماس للترم هذا وشادة حيلي .. خبرني زوجي الله يحفظه انو جاه نقل لسلطنة عُمان وانهم يبون الرد بالموافقه او عدمها بكره وسالني عن رايي .. صراحه قلت له مادري وجامعتي قال كلها سنتين اجليها لين نرجع <<< تحطمت :6: الحين سؤالي فيه هناك مركز اختبار واذا ما فيه اقدر اراسلهم ويختبروني هناك :29:<< تتحلم ودبي فيها مركز اختبار قالي عادي اذا جاء وقت اختباراتك يا تروحين دبي ياسافري الرياض واختبري بس اخاف موعد اختباراتي مع اختبارات عيالي شوروا علي :36::36: ياربي لك الحمد يوم اضبطت معي سالفه الجامعه الحين طلع لي هالموضوع النقل طبعا ع السنه الجايه بس الموضوع شغلني واحس تلخبطت علومي :9::12::12: |
رد: .:: تجري الرياح بما لا تشتهي السُفنٌ::.
أولا تروحون وترجعون بالسلامه ثانيا اذا هالموضوع فيه فايده لزوجك فأكيد وبدون تردد اكيد انه في صالح لك بعد الله وعسى أن تكرهو شيء وهو خير لكم ويمكن تأجيل الجامعه من صالحك أوحاولي انك تدرسين في عمان وتنسقين مع زوجك وقت الإختبارات ترجعين للمنطقه الي فيها أهلك وهو يرجع عمان إلين تنتهي إختباراتك ثم ترجعين له هذا مجرد رأي وانا خوك والله يسهل امورك والله يوفقنا واياك دنيا وأخره وتحياتي لك:16: |
رد: .:: تجري الرياح بما لا تشتهي السُفنٌ::.
|
رد: .:: تجري الرياح بما لا تشتهي السُفنٌ::.
سعود جزاك الله خير
أكيد اذا فيه فايده بنروح معه ويا معونة بالله بس حيرني في سالفة الجامعة نادر عز الله يستأهل الله يحفظه والرابط ابد ماهنا طاري لعمان ولا لدبي الشكوى على الله جزاكم الله خير |
رد: .:: تجري الرياح بما لا تشتهي السُفنٌ::.
روحي وتعالي اختبري محلوله خالصه ولا اخليها لين يجي وقتها يامن يعطينا العمر لبعد سنه صدقيني التفكير في الموضوع سابق لأوانه خلي بكره لبكره
|
رد: .:: تجري الرياح بما لا تشتهي السُفنٌ::.
اختي الله يكتب لك الخير وانتي ما تدري وش الخير فيه هو في انك تكملي ولا تروحي مع زوجك استخيري ربك وباذن الله ما راح تخسري باي حال من الاحوال الله يسعدكم ويصلح لكم ذريتكم وذراري اخوننا المسلمين اللهم امين امين امين |
رد: .:: تجري الرياح بما لا تشتهي السُفنٌ::.
هلا مصطفى وين سنه ياخوي بعد ها لترم
الله يسهلها وع قولتك خل بكره لبكره يعطيك العافيه |
رد: .:: تجري الرياح بما لا تشتهي السُفنٌ::.
صادق سمو الرقي ماحد يدري وين الخيرة
الله يكتب لنا الصالح وأخواننا المسلمين جزاك الله خير ع الدعوة الطيبة |
رد: .:: تجري الرياح بما لا تشتهي السُفنٌ::.
اللي اعرفه انو فيه مركز للاختبارات بقطر والكويت فقط اما عمان مافيه اي مركز للاختبارات لحد الان
وانا مع كلام اخوي سعود الشهراني. والله يوفقك بما تختارينه. |
رد: .:: تجري الرياح بما لا تشتهي السُفنٌ::.
اقول توكلي على الله و روحي هناك و كملي دراستك
تقدرين ترجعين وقت الاختبارات و تختبرين ما في شي يعيقك مو نفس الانتظام لابد تكونين متواجده على طول |
| All times are GMT +3. الوقت الآن حسب توقيت السعودية: 06:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام