ملتقى طلاب وطالبات جامعة الملك فيصل,جامعة الدمام

هذه كآنت مقآبلتــي :)

الله يوفقك

اقتباس:

هآآآآآآآآآآآآآآآآآي
السـلآآآآآآآآآم عليكم ورحمـة الله وبركاته < < رآآآآآآآآآآآآآآآآآيق اليوم

أبششششششركم أحلـى بشآآرة

سويت المقابلة الشخصــية وإنتهيت منهآآآآآ

نصييييحة للي ما جربوا ...

لآآ أحد يخاف أبدا أبدا .. المقابلة صارت مع دكتور واحد في مكتب كشخة .. وما قعدت أكثر من خمس دقايق

طبعا سويت الفحص وكل شي .. وقبل الفحص عطوني الموعد حق المقابلة

لما رحت على الساعة وحدة مكان المقابلة الشخصية .. إنتظرت إسمي على شان أستلم ورقة الكشف الطبي < < طيب إخلص عليـنا

أول ما إستلمت ورقتي قعدت داخل أنتظر شوي لين أدخل المكتب .. أول ما دخلت .. سلمت على الدكتور ..

وقال لي تفضل . .

سألني: كم نسبتك في القدرات وكم في التحصيلي وكم في الثانوية
طبعا قلت له . .

بعدين .. قال لي وهو يستفزني : يعنييييي إنت جايب 93 في الثانوية .. و التحصيلي83 .. كييييف راح تكمل الطب وإنت جايب هذه الدرجة .. تراها مش زينه . .

سكت أنا سكوت الحكيم وقلت له : إلي عنده طمووووح .. راح يتجاوز كل العقبات ..

وطبعا خرتها شوي .. قلت له إن الطب هي هوايتي من أول ثانوي . .

قال لي : هوايتك

قلت له : يعني طموحي < < لزقتها

قال لي: أهاااا

قال لي: وش هواياتك؟

قلت له: القراءة والإنتر نت

قال لي : وش آخر كتاب قريته

قلت له: آآآآه .. أنا لي فترة ما قريت .. بس أقرا من النت . .

قال لي : طيب وش آخر خبر سمعته؟

قلت له بطريقة فلسفية : سمعت أن الزنجبيل يبعد الغثيان عن الي يتعالجون من الكيماوي المضاد للسرطان

قال لي: هذه كلام نت ما عليك منه

قلت له: لا .. قريته من الجريدة . . < < جيت أكحلها عميتها

قال لي: بعدددددد

قال لي : طيب .. وش آخر خبر سياسي لفت إنتباهك؟

قلت له: آآآه .. أوباما يقول إنه يبي يدافع عن أمريكا ضد أفغانستان ..

قال لي: ممم .. طيب

قال لي : تكلم عن ثانويتك بالإنجيليزي

أنا قلت له: آآآآآآآآآآآآه ..

قال لي: طيب بسهل عليك .. تكلم عن أي شي بالإنجليزي

قلت له : I am Abdul Aziz, i Eighty years=أنا عبد العزيز , أنا عمري 80 سنة !

قال لي : هآآآ Eighty؟!!!!

قلت له: أووه عفوا : i Eighteen years = أنا عمري ثمان عشر

قال لي : أوكيه .. وش بعد ..

قلت له : I like medicine = أنا أحب الطب

قال لي: أوكيه .. Where the heart =وين القلب؟

قلت له: Here

قال لي: Where is the door = وين البآآآآآآآب

قلت له : Here = هنااا

قال لي على طول بعد الجواب : يالله مع السلآآآآمة
بشكل ينرفززز كأنه يطردني ...

عاد أنا إرتفع ضغطي وعلى طول أول ما قمت .. قلت لا هو يمزح وأنا أبتسم

وبنفس اللحضة قال لي: نراك إن شاء الله بـ 14 شوال

و الإبتسامة شاقة وجهـي . . هههههههه

يعني لا أحد يخااااااااف .......

وبالتوفيييييييق جميعا .. . وعسى الكل ينقبل بالخير

بالتوفيييييييييييييييييييييق

أدعو لي << أدري إني طولت