استفسار
 

انا أفكر ان شاء الله اني اقدم على كلية الطب..

وأبي استفسر عن بعض الأشياء

كيف مستوى دراسة الطب سهلة ولا صعبة؟

وهل فيها ضغط كبير بيحث انه الدراسة تأثر على حياته الشخصية خصوصا اذا كانت الطالبة متزوجة؟

وأي سنة يكون فيها ضغط الدراسة كبير؟

وهل لو درست طب مثلا خلصت السنة الأولى.. أقدر أحول بعدين؟


وأبي اسأل عن الدوام .. هل يختلف عن التخصصات الثانية؟ وكم العادة تنتهي المحاضرات اي ساعة؟

رد: استفسار
 

:119: الطب بدايته صعبه جدا ,, لكن مع الوقت يسهل

ما اقدر احدد لك بالضبط ! لاني غير متزوجه :cheese:

لكن ايضا كوني عزبه ترى يظل الطب ابعدني شوي عن المجتمع و شوي ابعدني عن اهلي << خصوصا ايام الاختبارات ما اشوفهم الا ع الوجبات << هذا اذا جلست بعد .. و طبعا ما اقدر اشتغل ولا اسوي اي شي او اساعد في شغل البيت .. :mh19: هذا بالنسبة لي لكن من الممكن اذا رتبتي امورك اختي تقدرين ان شاء الله

:mh19: اعرف بنات ما شاء الله مكافحات , متزوجات , و البعض عندهم ما شاء الله عيال بعد ,, لكنهم يدرسون ,, حياتهم يقال لها صعبه لكن الي يبغى الشي ,, يسعى له :119:


حاليا ما عندي خبره غير في ثلاث سنوات و الكل قال لي ان اصعب مرحلة هي الثلاث سنوات الاولى ,, و خصوصا سنة ثانية و ثالثة جدا جدا صعبين ,, لكن اذا ذاكرتي اول بأول تهون عليك الامور كثير ..


في بنات حولوا لأقسام أخرى بعد السنة الاولى و البعض الاخر بعد السنة الثانية

طبعا الطب يختلف عن الاقسام الاخرى ..

يحتاج مجهود كبير ,,

يعني احيان لابد تذاكرين 8 ساعات باليوم << ايام الاختبارات

و الدوام يختلف من يوم لاخر

اطول دوام الى الساعة 3 العصر << كدوام عادي !

لكن من الممكن في سنة اولى تداومون الى 5 م << احيان في الاختبارات << يعني يصادف يخلونكم تختبرون الساعة 4 و بالتالي يخلص الاختبار خمس

:119: اعذريني ما ابي اخوفك ,, لكني اتكلم بجد ,, عشان ما تنخدعين و تقولين وصفوه لي كذا .. و لقيت شي ثاني

لابد اذا قررتي تدخلين يا اختي طب , تكونين ققد المسؤلية و عندك القدرة على الموازنه بين عيلتك و دراستك .. << لا تنسين ان مصيرنا حنا بعد بنتزوج ولابد في هذي المرحلة نواجه صعوبة ( في البداية ) :119: لكن اكيد مع الوقت بنتأقلم و حتى ازواجنا بيتعودون , يعني الدراسة تعتمد عليك انتي و على قدرتك .. اذا حبيتي تواجهين الصعوبات و تحققين طموحك .. او لا !

موفقه عزيزتي

رد: استفسار
 

بصراحة خفت ..

ماادري اخاف اني أدخل وبعدين أندم اني دخلت..

بس المهم اني أقدر أحول صح؟؟

طيب انا نسبتي المركبة 94.39 هل فيه احتمال اني انقبل؟

رد: استفسار
 

اذا نسبتك ( المركبة ) 94 فما شاء الله , ان شاء الله راح تنقبلين و بكل ثقه !

<< بس تأكدي اختي ,, المركبه ولا انتي ملخبطه و قصدك الثانوية :cheese: << شكت في الموضوع

رد: استفسار
 

اختي ..

اذا بالفعل كانت نسبتك التركيبية 94.39 فما شاء الله تبارك الرحمن , باين عليك ممتازه , يعني يمكن ما تلاقين صعوبات كثيره زي ما لاقيت انا على سنتي جراء بعض الظروف الي مريت فيها ..
و الناس قدرات .. :119: يعني ممكن انا اجد ان الطب صعب نتيجة بعض ظروفي , و غيري يشوف انه متوسط الصعوبه نتيجة ظروفه ..
انتي بإمكانك مثل ما قلتي .. تدخلين و تجربين حظك .. لكن اختي ,, حظك لابد تجربينه سنتين :119: يعني سنة اولى ما تقدرين تحكمين فيها على الطب لانها ما تتكلم بشي عن الطب الا من بعيــــــــــــــــــــــــــــــــــــد !

و غير ان الصعوبة القصوى في الطب تكمن في سنة ثانية و ثالثة ..
انا اقترح لو انك حابه مشوار الطب .. تواصلين فيه الى النهاية .. :119: و انتي قدها ان شاء الله
لاني قلت لك .. كثير عندنا متزوجات ما شاء الله و البعض عندهم عيال و قادرين يمشون امورهم , يعني حتى انتي ان شاء الله بتمشينها .. زي ما هم مشوها ..

برايي اذا ترتكتي لنفسك الخيار في الانسحاب ,, فشي مؤكد انك راح تنسحبين ..
لكن لما تحطين في بالك اني دخلت طب لاني ابغى طب و بخلص طب و بوافق بين الدراسة و زوجي و عيالي ,, راح تخلصين الطب و تكونين وفقتي بين بيتك و دراستك :119:

تمنياتي لك كل التوفيق ..

و تصيرين دكتورة يا رب

تحياتي

رد: استفسار
 

مشكورة اختي تعبتك معاي..

والله للحين محتارة ... بس طمنتيني بكلامك

لا أنا اقصد النسبة المركبة .. الثانوية والقدرات والتحصيلي 94.39

بفكر في كلامك..

وان شاء الله الله يجيب اللي فيه الخير

رد: استفسار
 

أنا مع أورجوان بالكلام

نسبتك ما شــآء الله قووية
و إن شاء الله تقدرين على الطب يارب

بس أهم شئ أنتي تكوني رآغبة فيه

لآنه مهما كنتي شاطرة و دخلتي بمجال أنتي مو حابته صعب تستمرين فيه


أهم شئ رضاك عن القسم


أتمنى لك التوفيق

رد: استفسار
 

ما شاء الله تبارك الله


الله يوفقكي إن شاء الله مقبوله ولا تخافين سنه أولى سهله ومساعدين الطالبات وطلعتهم الظاهر بدري يعني ما يعدوون الساعه 2


لكن حنا يالعيال ننلطع لين 4


وما راح تندمين إذا أهلكي موافقين وزوجكي موافق


يالتوفيق

رد: استفسار
 

موفقه وتقبلي