|
لن نتخرج والسبب متطلب سابق لمشروع التخرج
السلام عليكم
بصراحه انصدمت من الخبر اللي المفترض يتخرج بالمستوى ثامن وما سجل مقرر تصميم الابحاث واجتازه ماراح يقدر يسجل مقرر مشروع التخرج وبكذا التخرج راح يكون بمستوى تاسع البعض سجل المقرر واجتازه نقووله مبروك اما الآخر ربك يعوض علينا وانا من ضمنهم كلمت الفريدان قالي هاذي مشكلتك محد قالك ماتمشي ضمن الخطه وتحمل انت المسؤليه قلت له انتو ما بلغتونا انه فيه نتطلب نسجله مسبقا لاجل مانتوهق قال هذا مو عذر طالب اكاديمي :7::39: وش رايكم ???????:18: |
رد: لن نتخرج والسبب متطلب سابق لمشروع التخرج
وعليكم السلام
وش هو المتطلب السابق؟ |
رد: لن نتخرج والسبب متطلب سابق لمشروع التخرج
ياجماعة، لازم نكلمهم مره ثانية حرام تروح سنه من اعمارنا بلووووووشي
خلونا نجمع كم واحد( ذكور ) ونكلم الفريدان بكرة بالتويتر مع بعض، ونقوله انت سمحت لنا ب٢٢ ساعة ، ولا عطيتونا تنبيه بالأشياء هذه! ولا تسجلون اليوم ولاشي لعل يكون فيه حل حتى لو نختبر هذه الماده في الصيف ( استثنائياً ) أصلا العدد قليل جداً ولا يتعبهم!. :21: |
رد: لن نتخرج والسبب متطلب سابق لمشروع التخرج
في ناس درسو نحو1 ونحو2 في نفس السمستر
مع ان نحو 1 متطلب لنحو 2 هذا اللي سمعته من احد البنات ،، والله اعلم |
رد: لن نتخرج والسبب متطلب سابق لمشروع التخرج
صدقوني قلت له نفس الكلام مو راضي يقتنع يقول مشكلتكم قلت له ما عطيتونا خبر قال منطقيا معروف قلت له غيرنا اخد نحو 1 ونحو 2 ماشوف صار متطلب حقرني مارد قلت له كم رقمك بكلمك حقرني قلت له نبي صيفي ماجاب خبر وربي قهر ومغبون حدي اخد سمستر كامل لاحل مقرر وراح انزل لكم المحادثه كامله من تويتر مع الدكتور ولازم كلنا نتكلم لانه المقرر ماحد قال لنا ولا احد نبهنا ومش مذكور بالخطه احنا طلاب جدد مانعرف هالامور
|
رد: لن نتخرج والسبب متطلب سابق لمشروع التخرج
المتطلب اسمه تصميم الابحاث اللي يدرسه هو نفسه الفريدان اذا خلصته تقدر تسجل مشروع التخرج
|
رد: لن نتخرج والسبب متطلب سابق لمشروع التخرج
اسم الماده طرق البحث وتصميم الابحاث
ماده تجيب المرض مع الدكتور عبدالله الفريدان الله يهديه لاشرح زين ولا امثله زينه ولاشي ولكن الحمد لله نجحت فيها :19: |
رد: لن نتخرج والسبب متطلب سابق لمشروع التخرج
لو سمحت جرح وين احصل المتطلب؟؟
انا عندي براغمتك ناويه اخليها لمستوى ثامن بس اخاف في ماده متعلقه بها لو تفيدني اكون شاكره لك |
رد: لن نتخرج والسبب متطلب سابق لمشروع التخرج
يا اخوان معروفه
شلون تدرس مشروع تخرج وتعمل بحث تخرج .. وانت مادرست ( طرق وتصميم الابحاث ) انا الترم الطاف حسيت مجرد احساس طالب جامعي ان ( بحث تخرج ) لازم نخلص ( طرق تصميم وعمل البحث) وسجلت تصميم الابحاث الترم هذا اللي هو السابع .. كنت متوقع هذي مرتبطه بهذي بالعقل :: كيف طالب يعمل بحث بدون ما اجتاز ( طرق تصميم وعمل البحث ) لكن بالاخير اتمنى يسمحون لكم تنزلونهم بترم واحد مع انها صعبة لان لو هي مادة لغة عاادي لكن مشروع بحث ( عملي ) ونظري زمرتبطه بالمادة السابقة لها بالسابع طرق وتصميم البحوث والله اعلم |
رد: لن نتخرج والسبب متطلب سابق لمشروع التخرج
اقتباس:
انا الان سجلت نحو1 ونحو2 وقبل معي النظام وراح اخذهم سوا في هالترم :17: |
| All times are GMT +3. الوقت الآن حسب توقيت السعودية: 03:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه