ملتقى طلاب وطالبات جامعة الملك فيصل,جامعة الدمام

الا ياوجودي وجد عودا" طريـح فـراش* *ولاله من الشغلـه سـوى جـر وناتـه

غزوه العرب غفله وغاروا على الادباش* *ولاعـاد بـه شـده يــدور لمنجـاتـه

وصوت على ربعه ولكـن ربعـه مـاش* *ومـن حـر مابـه بـل خـده بدمعاتـه

طرى له زمانا" فيه ياما غبـش مغبـاش* *وياما حمـى ذوده مـن القـوم لاجاتـه

وثم جرها ونـه لـو انـه سمعهـا لاش* *تعزوى وركـب الخيـل ثـم رد نوقاتـه

________________________
________________________

وياوجد حالي وجد شيخـا" غـدا فـراش**كريم البـلا منـه ومـن طيـب مداتـه

جفوه العرب كلا"وحتى القريـب انحـاش**وهو خابـر انـه قـد نفعهـم بوقفاتـه

الا يا حظـوظ الطيـب لقينـي مقفـاش**ترى الزين قفـى والسهـر ذي بداياتـه

يقولون لي اصبر ترى من صبر يعتـاش**واقول البلا في اللي قطـار الفـرح فاتـه

ويقولون لاتبكي علـى واحـدا" غشـاش**واقول الزمن غشاش والكـذب مشهاتـه

يقاصدني الفرحه وهمـي يجيبـه كـاش**ونوبا" يطـوف قصـد ويشـح فرحاتـه

ترى ياعيوني مايفيـدش كثيـر بكـاش**علـى واحـدا" قفـى وقطـع علاقـاتـه

والا يا قدم سيري عساها تفيـد خطـاش**على ديرتـا" فيهـا هـي آخـر ملاقاتـه

ترى القلب ماينبض ويحتاج له ( أنعاش )**يجـوز اصدفـه والقـاه وتزيـن دقاتـه

وسلامتكم هاذي من قصائد الشاعر بخيت البريدي