|
موضوع خاص لكمـ يابنات الكويت
مرحبا يابنوتات الحلوات حمدالله خلصنا هالكورس وكل عام وانتمـ بخير وفالكم ان شالله النجاح والتوفيق حبيباتي انا فاتحه الموضوع مجرد دردشه مانبي تعصب ولا نبي ننزل مستوانا بالالفاظ ولا أي شي نبي نقول راينا بكل احترام اذا سمحتوا يابنات موضوعي بخصوص مشرفات والمراقبات علينا هالكورس بالنسبه لي كل يوم اختبر فيه لازم بنت متهاوشه مع المراقبه لاتفه الأسباب المصيبه فوق راسي الهوشه وانبط راسي من الصوت :8: المعلومات كلها تبخرت :6: آخر اختبار وبالفتره الثانيه يوم الثلاثاء صار سجال قوي بين بنت ومراقبه طبعا البنت انحرمت من الامتحان انا ملاحظه ان مراقبات هالكورس حيل متشددات وغير التشدد النفسيات تغيرت الواحد ماينكر انهم متطوعات وجزاهم الله الف خير ولكن الأهم نبي هدوء بتواجدهم مانبي كل يوم مشاحنات وهواش بأتفه الاسباب مثل ماقلت انا فاتحه الموضوع لدردشه وابي رايكم بكل احترام بليز من غير تجريح :43: |
رد: موضوع خاص لكمـ يابنات الكويت
وين انتم لجان اختباركم بالكويت؟
اختي اذا على موضوع التشدد عندنا وعندكم خير قاعات الشباب والبنات كلها فيها تشدد لدرجة يعطونا كياس صغيرة نحط فيها جوالاتنا قبل الاختبار وتخبرين يلحقك لا تسو ولا تفعل لا ترفع الورقه لاتلتفت لاتتنفس لا ولوه وللو ولوا شوفي بحالي شسوه المهم هذا تدقيق من ادارة الجامعة ماادري وش يبغون ياصلون له بالتوفيق لاهل الكويت:17: |
رد: موضوع خاص لكمـ يابنات الكويت
اقتباس:
شكرا على المشاركه بالعكس انا احب يكون فيه التزام وتشدد بس احنا نتكلم بموضوع ثاني يخص مشرفات على الاختبار |
رد: موضوع خاص لكمـ يابنات الكويت
هلا وهج
بالنسبة لسالفة يوم الثلاثااء أنا كنت فترة أولى .. وما شفت المشكلة اللي صارت !! يمكن صارت المشكلة الفترة الثانية ؟؟ بس من ناحية المراقبات .. خليني أكون منصفه .. في أكثر الأحيان يكونون متعاونات مع الطالبات .. وفيه مواقف مرت علي أثبتت هالشي وإن كان في تشدد فهو من الجامعه نفسها .. هي اللي مشددة عليهم عقب سالفة الغش من الترم اللي فات ومن ناحية السلبيات : أبرز سلبيه عندهم هي أستعجال البنات في أخر الوقت .. والتشويش عليهم خصوصاً إذا فضت القاعه .. أستلمي الحنه :42: مع أن الوقت ما خلص يكون باقي لنا نص ساعه أو أكثر ومرات أقل .. بس مهما يكون هذا وقتي ومن حقي المشكله إذا كان عندي مادة صعبه مثل رياضيات أو محاسبه أو أدارة مالية .. والساعتين ما تكفي .. يعني أنا اعاني و أركض ركض من سؤال للثاني .. تخيلي أكثر من 10 أسئله أستخدم أسلوب حدرا بدرا :5: .. لان الوقت ساعتين مو كافي .. فما بالج بمشرفات يحنون على راسج .. أشلون بتحلين بس بشكل عام .. جميع المشرفات محترماااات ولا شفت منهم شي يضايقني:2: .. بس سالفة الأستعجال :6: |
رد: موضوع خاص لكمـ يابنات الكويت
وتدرين : أول مره أدري أنهم متطوعاااات !! << معلومه جديدة صراحة جزاهم الله خير :21: بس يا ليت الجامعة تحط لنا ناس مدفوعين الأجر .. لان الجامعه مو ببلاش .. أحنا قاعدين ندفع فلوس:30: |
رد: موضوع خاص لكمـ يابنات الكويت
اقتباس:
هلا اختي جنى حياج الله حبيبتي الوقت من حقج مفروض ينطرون لما تخلصين اما بخصوص السالفه الهوشه صارت بفتره ثانيه مامدانا نحل ضيعوا بدايه الوقت بهواش وصراخ ماله داعي |
رد: موضوع خاص لكمـ يابنات الكويت
اقتباس:
اي متطوعات من كلام الدكتوره صبره :29: |
رد: موضوع خاص لكمـ يابنات الكويت
:29: عاد ماصدقتوا خلصتوا امتحانات ع طول بر نبي آرائكم ياحلوت :27: |
رد: موضوع خاص لكمـ يابنات الكويت
الصراحة ما حضرت الهواش لأني كنت فترة أولى.. ياليت تقولين لنا شنو اللي صار ومنو اللي غلطان؟؟
شوفي وهج مطير للأمانه المراقبات يحترمون اللي يحترمهم .. ويخدمونهم بعيونهم .. هذي كلمة حق . إذا طالبات مستجدات قلنا ما يخالف يمكن مو فاهمين أنظمة الجامعة في الإختبارات وغيره أو متفاجأين من طريقة الأختبارات نقول ما يخالف يجون متنرفزين , لكن المشكلة تطلع من بعض الطالبات القدامي تيي متنرفزة ومعصبة يمكن لأنها ما ذاكرت أو ما نامت ويايه مواصلة أو ظروف من ادني حركة او كلمة طولت لسانها أنزين ليش على بالج اللي جدامج كيس ملاكمة تطقينه متى ما عصبتي وتطلعين حرتج فيها . المشرفات قدر الأمكان يحاولون يضبطون اعصابهم مع اللي تعلى صوتها بس عشان ما يزعجون الباقي ..لكن بعض البنات يحبون يجربون أصواتهم على المراقبات عشان ما تتفشل جدام صديقاتها مثلا. لا ننسى أنهم بشر لهم ظروف وعليهم ضغوطات... أقصد المراقبات يكفي انهم يطلعون من دوامتهم على طول يجون المركز عشان الطالبات يختبرون في الوقت المحدد يعني ما فيه وقت راحة بالنسبة لهم. حتى في الاجازة مالت يوم الثلاثاء. في النهاية كل هالمشاكل والمشحنات .. ترا لها أثر سلبي علينا كالطالبات يمكن يشددون علينا في الانظمة ,هذا غير الكلام اللي بيطلع على طالبات جامعة الملك فيصل السعودية .. مهما يكون احنا نمثل جامعة معروفة واللي يخرب علينا اسلوب تعامل بعض الطالبات مع الغير.... فما يصير يقولون عنا كلام سىء.. غير مستحب. |
رد: موضوع خاص لكمـ يابنات الكويت
:43: |
| All times are GMT +3. الوقت الآن حسب توقيت السعودية: 03:56 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام