|
ساعدوني بسرعه
السلام عليكم
انا خريجه ثالث ثانوي علمي لهالسنه هذي وابي استفسر عن الاقسام الموجودة بجامعه الملك فيصل بالاحساء او الدمام انا بودي ادخل قسم تغذيه بس يقولون انه مومضمون يعني اذا تخرجت راح تقعدين بالبيت مافيه وظايف وبصراحه تحطمت..وشرايكم فيه..!! قلت اجل ادخل تسويق او ادارة اعمال ياليت تفيدوني بسررررررررررررررعه ومتى التسجيل والخرابيط ياليت تعلموني تراي ماادري وشالطبخه ومتى اروحلوهم واسجل؟.!! علموني قبل لايفوتني بليز والله يجزاكم الجنه |
رد: ساعدوني بسرعه
وابي استفسر بعد عن النسب المطلوبه لهالاقسام..!!
ويقولون انهم ياخذون النسب للمواد العمليه كيف علموني..!! انا بصراحه جبت العيد بمادة الاحياء..:( وشولن يعني ماراح انقبل:( |
رد: ساعدوني بسرعه
و عليكم السلام و رحمة الله و بركااته
P!nk أهلاً و سهلاً بكِ في الملتقى الأكاديمي و إن شاء الله تفيدين و تستفيدين التسجيل و القبول في جامعتنا رايح يكون عن طريق موقع جامعتنا ... يعني في البداية ما تروحين لهم ... أضغطي على الرابط التالي و رايح تعرفين كل شي عن التسجيل و القبول و النسب المطلوبة : http://www.ckfu.org/vb/showthread.php?t=3638&page=3 التسجيل في جامعتنا رايح يبدأ يوم السبت الجاي 15/6/1428هـ إلى يوم الأربعاء 19/6/1428هـ بالنسبة للكليات غير الصحية أما الكليات الصحية مثل الطب و الصيدلة و غيرها رايح يبدأ من يوم السبت 15/6/1428هـ إلى يوم الأثنين 17/6/1428هـ كل شي موجود في الرابط ألي عطيتك إياه .. و بالنسبة لتخصص أخصائية تغذية .. هذا يا أختي في كلية الزراعة و بخصوص الوظائف العلم عند الله أي أستفسار .. تفضلي يا أختي |
رد: ساعدوني بسرعه
مشكور اخوي
يعطيك العافيه طيب ممكن اعرف طبيعه دراسة قسم ادارة اعمال والتسويق..!! واذا تخرجت شلون تكون الوظايف تبعها..؟!! |
رد: ساعدوني بسرعه
P!nk
العفو أختي و الله يعافيكِ بخصوص التوظيف .. للأسف ما عندي خلفية بإمكانك معرفة المزيد من المعلومات عن طريق الضغط على الرابط التالي : http://www.ckfu.org/vb/showthread.php?t=16 بخصوص تخصص إدارة الأعمال و التسويق ... طبعاً يا أختي ما فيه قبول مباشر للطالبات في كلية العلوم الإدارية و التخطيط التسجيل في كلية العلوم الإدارية في جامعتنا للطلاب فقط ... أما الطالبات ... لازم يدرسن على حسابهن لمدة سنتين في كلية الدراسات التطبيقية و خدمة المجتمع و بعدين يكملن سنتين مجاناً و يحصلن على شهادة البكالوريوس من كلية العلوم الإدارية و التخطيط |
رد: ساعدوني بسرعه
اااه
تسلم اخوي ماتقصر يعطيك العافيه :) |
| All times are GMT +3. الوقت الآن حسب توقيت السعودية: 08:02 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه