|
*^*... غسلنا يدينا ...*^*
قصيدة للدكتور الفاضل / محمد الدوغان , نيابة عن زملائي وزميلاتي طلاب المستوى الأول إنتساب تخصص إدارة أعمال.
[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] يا محمّد الدّوغان رحنا خبر كان=من حفظ منهجكم غسلنا يدينا حنّا ترانا نصّنا إعيال رعيان=لكن دخيلك لا تصعّب علينا إموظفين وعندنا كوم بزران=أرواحنا لإسعادهم ناذرينا ندرس ونطمح للشهادة على شان=أوضاعنا القشرا بعدها تزينا جينا بوقتٍ ما معه سرج وإعنان=وألاّ ليا ضاقت علينا غزينا لولا الغموض وطيّب الفال هتّان=كان إنلخم مفهومنا ثم غدينا ما قصّروا معنا ومجهودهم بان=يشكر ويذكر كل حزّه وحينا على العموم الوضع بادي للأعيان=حنّا تحمّسنا معك ثم طفينا تيلر وفايول وأم قرنين ليليان=لو نحفظ أغلب هرجهم ما قضينا لذا طلبنا حضرتك قدر الإمكان=هوّن ولا تستقبل العيد فينا [/poem] الخطر القادم |
رد: *^*... غسلنا يدينا ...*^*
هههههههههههههههه منت بسيط يالدوووووغان طلعت مواهب الشباب الشعريه ذيبان الرشيد مسويه قصيده ..والخطر القادم ومين بعد:21: بعد انا بسوي قصيده يامحمد الدوغان رحنا في خرايطها ..من حفز منهقكم غسلنا يدينا وااااااااااايه >> ينفع يغنيها شعبولا خخخخ يسلموا صباح رااااااايق بروعة قصايدكم ..وسعتوا صدورنا اي والله لاتستقبل العيد فينا:40: وصح لسانك انت وزملاك وماااافيك حيله:16: |
رد: *^*... غسلنا يدينا ...*^*
اقتباس:
صح بدنك ... وصباح النور والسرور ... ما نمت من البارح والمشكله مخي عي لا يمسك شي ... قلت يا ولد ما فيه غير تشحذ الدكتور ... فالوقت بدل الضايع , يمكن يآصله ... صدى صوتك ... :27: . . |
رد: *^*... غسلنا يدينا ...*^*
اقتباس:
الله يوفقك وييسرلك ..في وقت تراجع النماذج اللي حاطينها الأعضاء واحساسي يقول ان الأختبار بيكون سهل موفق:16: |
رد: *^*... غسلنا يدينا ...*^*
ما درى عنكم ,, :30:
ذاكرروو وشدوو حيلكم ,بس , وفالكم الفل مارك .. موووفق عزيزي :16: صح لسااااانك .:21::17: |
رد: *^*... غسلنا يدينا ...*^*
اقتباس:
سهل على مصطفى وأخته ... أمّا اللي مخّه مركّب على جنب يبا يآكلها في لحيته ... :24: . . |
رد: *^*... غسلنا يدينا ...*^*
اقتباس:
إذكري الله ... الكتنلوجيا ما خلت شي , تازا على الرجال في بيته ... :29: لا تقولين الدكتور ما يوحيكم ... . . صح بدنك |
رد: *^*... غسلنا يدينا ...*^*
هههههههههههههه
صح لسانك يخرب عقل الي ما يعطيك درجات ياشيخ هههههههههه هذي الشحذه والا بلاش هههههههه على شي يستاهل :27: مادة الادارة والله سهلة سهلة سهلة لا تشيل همها وعلى خبري كلها سواليف ادارية بس انت اقرا لا تسوي شي غير القرائة قبل القرائة وزع المنهج كل جزء بلحالة .. شف كل جزء وش يبي ؟ وش يتكلم عنه ؟ ادخل بعينه واقراه وتعرف وش يبي هالجزء خلصت من الجزء الاول او المحاضرة الاولى افتح الثانية وش وش قصتها ! وش بينها وبين الاولة خلصت .. رح خذ لك كوب كوفي لخمس دقايق وارجع شف الثالثة وش تبي وهكذا ترا ما تاخذ منك اكثر من 4 ساعات مع الكوفي والراحة المتقطعه وان شالله تساهيل بس خذها بروح رياضية البلا والجلا في المحاسبة الله لا يعقلها :9: طلعت لي ظرس العقل وانا شايله من سنين :6: |
رد: *^*... غسلنا يدينا ...*^*
صح لسانك يا خطيـــــــــــــــــــر انت يا خطير ... بس احب اقول لك ان القصيدة متأخرة لانو الاسئلة انحطت و انطبعت و صارت بالمراكز من اسبوعين اذا مو اكثر ... هذه القصيدة كان لازم تقولها بالحاضرة المباشرة الثالة:21:
الله يجزاك الخير و لا فض فوك. |
رد: *^*... غسلنا يدينا ...*^*
اقتباس:
هههه ... صح بدنك يا عزيّز ... القلب الحي ما يبلش الرجال معه ...:27: رفعت معنويّاتي فالإدارة لكن خرشتني من المحاسبة ... :38: على العموم تبا تيسّر إن شاء الله ... . . |
| All times are GMT +3. الوقت الآن حسب توقيت السعودية: 09:54 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه