|
ابي احول علم اجتماع هل تنصحوني
السلام عليكم ورحمة الله وبركاتة
انا ادرس في ادارة اعمال مستوى ثاني واليوم عندنا اختبار رياضيات 2 وانا اكره الرياضيات كرهاً جما وباقي عندنا احصاء وماادري ايش المهم سؤالي هل الامور عندكم سهالات ولا عقد وتطفيش تخصصي ادبي ردو علي لاهنتو وربي ينجحكم ويوفقكم |
رد: ابي احول علم اجتماع هل تنصحوني
لاااا ادارة اعمال لها مستقبل افضل
|
رد: ابي احول علم اجتماع هل تنصحوني
احنا ماعندنا رياضيات ولا احصاء الحمدلله .. والدنيا ارزاق وكل واحد ياخذ رزقه القسمه الي الله قسمها له وبعد كل واحد يحب تخصصه انصحك تطلع على خطة الدراسه عندنا ترا موادنا كثيره اكثر من باقي التخصصات للمعلوميه موادنا كثيره علم الأجتماع مو سهل كما يضن البعض .. ترا عندنا مادة في الجرائم :38: |
رد: ابي احول علم اجتماع هل تنصحوني
مافيه شيء سهل لايغرك علم الاجتماع كم هائل من العلماء والفلاسفة ومناهجه متشابكه ومتشابهة كثير
الترم هذا كان عندي 9 مواد كلها نفس الشيء في كل مادة نفس العلماء احس اني ادور في دائرة وحدة احسه زي المستنقع او الوحل الي تنغر فيه وهو عميق على العموم مافي شيء سهل كل شيء يبيله شده واتوقع قسمك طيب بس ذاكر اول باول لاتخلي لين الاختبارات بالذات اذ تخصصت من ثالث وفوق يبدا الجد في اول وثاني سهل الامر وبالتوفيق |
رد: ابي احول علم اجتماع هل تنصحوني
اذا اردت المتعه والواقعيه والسهوله والمواد علي شكل مقالات وتعيشها في الواقع ولها مخرجات وظيفية في كل مستشفى ومركز تنمية وهذا المستقبل التنمية البشرية وتطوير الذات فعليك بعلم الاجتماع لو كنت موظف ولديك عشر اطفال تستطيع ان توفق بين الكل نصيحة اذا كنت شخص ادبي تحب القراءة والثقافة عامة عليك بعلم الاجتماع
والله اعلى واعلم :21: |
رد: ابي احول علم اجتماع هل تنصحوني
:24_asmilies-com: |
رد: ابي احول علم اجتماع هل تنصحوني
مافيه شيء سهل لايغرك علم الاجتماع كم هائل من العلماء والفلاسفة ومناهجه متشابكه ومتشابهة كثيره
لاكن أستخير ... و كل تأخيره وفيها خيره لاتستعجل ولا تحول إلا مقتع.... بالتوفيق للجميع |
رد: ابي احول علم اجتماع هل تنصحوني
شف حبيبي اولاً سهولة مافيه شي سهل يعني الترم بتلقى مادة سهلة ومادة وسط ومادة جلد
ثانياً انت وش تحس انك تبي او وش اللي تبدع فيه اكثر عليك به ثالثاً اخالف الاخت او الاخ اللي قال الادارة مستقبلها افضل بالعكس علم الاجتماع مطلوب في الصحة والشئون الاجتماعية والاحداث ودور الرعاية وحقوق الانسان والجامعات والداخلية وكثير من وزارات الدولة لأنه اختصاص للمجتمع رابعاً علم الاجتماع يفيدك نوعاً ما بحياتك او العكس ممكن حياتك تفيدك بدراستك القرار لك استخر بس كلهم يبون مذاكرة |
رد: ابي احول علم اجتماع هل تنصحوني
اول رد على المغواه من قال ان الادارة لها مستقبل افضل!!
عزيزتي خريجين الادارة اكوام اكوام غير الاجتماع ثانيا علم الاجتماع تفرعاته حتى بالوظائف في اكثر من مكان ووزارة والاهم الراي لك ياحبيبنا فكر استشير استخير ثم قرر |
رد: ابي احول علم اجتماع هل تنصحوني
وعلى فكره بعيدا عن تنوع علم الاجتماع في الوظائف
عندنا بالسعودية عدد الاخصائيين والاخصائيات قليل جدا اتكلم عن المواطنين |
| All times are GMT +3. الوقت الآن حسب توقيت السعودية: 08:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام