|
طالبتكم لا تردووووني
الســلام عليكم ورحمة الله وبركااااته
.. اخواتي و اخواتي طلاب كليه الزراعه والاغذيه .. أنا طالبه خريجه السنه اللي فاتت قسم علمي .. واتمنى ادخل كليتكم قسم تغذيه .. بس عندي كم سؤال الله يجزاكم خير يا ليت تجاوبونها كلها 1- انا قدمت قدرات بس ما قدمت تحصيلي..هل لازم اقدم تحصيلي ولا ما يحتاج؟؟ 2-كم النسبه اللي تطلبها التغذيه؟؟ 3-متى يبدا التسجيل في كليه الزراعه والاغذيه للطالبات؟؟ 4-ما هي الوظيفه بعد التخرج؟؟ وهل الراتب الوظيفي عالي ام منخفض؟؟ 5-وش التخصصات عندكم غير التغذيه؟؟ 6-واذا تحسون التغذيه مالها مستقبل وظيفي مضمون اذن ماهو التخصص الاكثر ضماناً لديكم في جامعه الفيصل؟؟ وما النسبه المطلوبه فيه؟؟ .. والله يسعد ويوفق اللي بيجاوبني ويا ليت يكون متاكد .. مشكورين مقدماً .. تحياتي للجميع |
رد: طالبتكم لا تردووووني
وعليكم السلام ورحمة الله وبركاته
اول شي بقولك انه انا مو من الكليه بس بجاوبك على اللي اعرفه اذا ماعندك مانع:c8: 1- انا قدمت قدرات بس ما قدمت تحصيلي..هل لازم اقدم تحصيلي ولا ما يحتاج؟؟ يابنتي التحصيلي والقدرات نفس الشي اللي قدمناه هو اختبار واحد يجمع التحصيلي والقدرات الاولاد بس هم اللي عندهم اختبار القدرات والتحصيلي منفصلين على ما اعتقد 2-كم النسبه اللي تطلبها التغذيه؟؟ انا من الي اذكره حسب السنه اللي فاتت كانت نسبة القبول ماهي عاليه ما اذكرها بالضبط بس انهم في الدفعه الاولى اللي اقل نسبة قبول كانت تحت 76% وانا متأكده انها كانت اقل من كذ1 3-متى يبدا التسجيل في كليه الزراعه والاغذيه للطالبات؟؟ هو يبدا مع فتح التسجيل مع باقي الكليات تلاقين الاعلان موجود حق بدء القبول في موقع الجامعه وباقي الاسئله بنات الكليه يعرفون الجواب عليها |
رد: طالبتكم لا تردووووني
الله يجزاكي خير ويوفقك قولي آمين
.. وان شا ءالله باقي الطلاب او الطالبات ما يقصرون .. تحياتي :119: |
رد: طالبتكم لا تردووووني
هلا اختي احب اوضح معلومه ان كليتي تقبل من 85 وفوق فقط
تقبلي تحياتي الدراسه ممتعه للامانه ولاكن التخرج يتاخر والدكاتره ما يعطونك حقك هذه خلاصه تجربه:Cry111: |
رد: طالبتكم لا تردووووني
يعطيكي العافيه اختي ملكه بلا عرش
بس ليش التخرج يتاخر؟؟..اللي اعرفه انه اربع سنوات مع التحضيري..صح؟؟ .. ومشكوره |
رد: طالبتكم لا تردووووني
هل من مجيب؟!
:( |
رد: طالبتكم لا تردووووني
وناآآآآآ ودي احد يجااوب...
ان شالله في احد يرد.... |
رد: طالبتكم لا تردووووني
تكفووون نبي رد :(
|
رد: طالبتكم لا تردووووني
اهلا فيك اختي تعرفين صيف مناسبات وسفرات عندي عذررررررر :hahaha_2008::hahaha_2008::hahaha_2008::hahaha_200 8:
متاخره علي الاجابه:c8: تتاخر لان المواد والبنر ودفعتي 2007 :Cry111:يعني كل السنه تتغير ويقووووولون وياكثر ما قالوا ان السنه الجايه اخر خطه بس دفعه 2009 كانت افضل دفعه ومرتبه :bawling: وهم تتاخر اذادخلتي وشفتي الانظمه راح تفهمين علي كلامي بس اقولك بالنسبه لي دراستنا حلوه والاسواء البحوث مافي ماده الا وبحث مااعدا ما ندر في بنات خلصواااااااااا 4 سنوات مع سمستر التطبيق اخذوااا صيفي وبالاضافه انهم ياخذون في الصيف يعني يهلكون وانا ماانصحك حتي لوكنتي شاطره ماااراح تستفدين تضقطين نفسك وتروحين متعه الدراسه درسي اغلب اذا مو الكل وهذا حقيقه خلصوا في اربع وسمستر زياده واذا محتاااااااااااااجه اي سؤال في الخدمه :150::150: اتمني لك التوفيق :g4: |
رد: طالبتكم لا تردووووني
هاااااي
فعلا انا دفعة 2008 والحمد الله مرتاحه ام الدفعات الي قبل كانو متعذبين مرررره وبالنسبه للتأخر في التخرج هذا كان قبل لم كانت عدد الساعات 144 ام الحين عدد الساعات قل كثير لم وحدوو الخطة مع الطلاب ومثل ماقالت مملكه الاغلب يخلص في 4 سنوات وسمستر زياااده انا هلا رايحه سنه ثالث بس حاطه لي مخطط وانشاء الله اذا مشيت عليه زين راح اخلص في 4 سنوات ونص بالكثير 5 سنوات وبالنسبه لدراسه الموااااد مررررره ممتعه وطبعا ماتخلى من الصعوبه بس تقدرين تجيبين معدلات حلوه بس لازم تشدين حيلك السنه الاولى في المواد العامه لانها اصعب بعدين راح يكون اسهل وهذا كلام الكل حتى الدكااتره انو مواد التخصص اسهل من المواد العامه بكثر وان المعدلات اول سنه تنزل وبعدين تبدا ترتفع وهاذي صارت معي لازم تنتبهين لها زيييين تحياتي |
| All times are GMT +3. الوقت الآن حسب توقيت السعودية: 10:45 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه