|
تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
تدرون ليش انا اقول لكم
أولاً: فيه ناس متطفلين يراسلونههم على توتير ويكلمونهم جوال ويقولون لهم سمعناء أنك راح تنزل الاسئله مثل اسئلة الترم الماضي قص لصق..... والله ناس ماتستحي ومافي وجهها حياء ولاعندهاء احساس وهذي النوعيه المتطفله من الطلبه التي خربت على البقيه ؟؟ لا والاغلبيه بنات عبالها راح تستعطفه قلة حياء عيب عليك تتصلين على رجل غريب وتاخذي وتعطي معه وين الحياء ماتدرين انه ما يدري عنك؟؟ ثانياً : الاشعات الزايده والتغريدات ونقل المعلومات بمعنى اصح ( الدباسه) اختبار اليوم لدكتور الفلاني جاناء قص لصق .. هذي من الطرق التي تجعل الدكتور ينزل اسئلته بطريقه مختلفه عن غيره لانه سمع ناس فضحت بزميله اكيد راح يتلافى التشهير ويغير موضوع الاسئله!! وأنا أقول من حق الدكتور اذا احد يسأل هذي الاسأله ان ينزل اسئلة صعبه حتي يقف حد لهذا الاستهتار؟؟ يانس اعقلو أتركو التطفل والاتصالات والتغريدات الي مالها داعي |
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
الله يهـــــديهم ويصلحهم :2:
|
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
لا وأزيدك معلومة .. فيه واحد من الدلوووووخ ذولا ... سأل الدكتور في المحاضرة المباشرة ( دكتووووور ... بنستفيد من أسئلة السابقة ؟؟!! ) :3::3::3: أبغي أعرف الدلخ هذا ايش يتوقع من الدكتور يقوله .... ايه ابشر بحطها لك نسخ لصق !!!!
وليتهم دوافير ( من النوع ..... ) اللي مايبغون يذاكرون ويتعبون وغيرهم يجيب درجات زيهم ،،، لاتقولون مافيه هذا النوع ... شفناهم في حياتنا كثير :26: نرجع لموضوعنا ... أقول ياليتهم دوااااافير ... الأ دلووووووخ ومتنحين وأذا غير الأسئلة جوووووك في المنتدى مدرعمين ،،،،، نبغى نشتكي :32:... الأسئلة برا المنهج :32:... الخ وهو حتى الكتاب المقرر ما اشتراه ولا يعرف شكله ويبغى يشتكي على الدكتور بس مصدق نفسه ... والمصيبة أنه غلطان حتى في الأملاء حق الموضوع اللي كاتبه ... قال طالب جااااامعي قااااااال .. صدقيني اي دكتور معاه حق يصعب الأسئلة على الأشكال هاذي .... |
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
ما ادري هدولي من وين يفكرون ...... بالله عليك احد يسال الدكتور بتجيب نفس اسئلة الترم الماضي ،،، هذا سؤال ينسال .
|
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
انا اتفق معاك في الكلام ميه في الميه :3:
ومانقول الا الله يهديهم جابوووو العيد فينا :20: والله يستر من الجاي |
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
للاسف هذا الذي حصل بالضبط
حطيتي يدك على الجرح بس وش نقول حوالي 40 الف طالب اكيد فيهم عينات مما ذكرتم اعلاه لكن اعذروهم الجهل له دور كبير ودائماً ما يودي بصاحبة للمهالك واكيد الشاطر اللي يتعلم من التجارب اشكركم جميعاً |
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
السب والشتم للناس موب زين
ولا يجوز الناس خايفة تتوهق ولا عندها وقت تدرس موب زيكم كل واحد مريح لاشغل ولا عمل اغلب الطلاب والطالبا ما دخلو هالجامعة الا بسبب انشغالهم او لظروفهم التي لاتسمح لهم بانتظام بعدين انت ولي على الناس خلهم يسألون او يادهينه لا تنكتين نساله ونساله وش على بالك يرد تشابه الاسئلة السابقة واخر نقطة ما بي اجزم ولكن اغلبهم عنده حساب في منتديات الانتساب والدليل معرفتهم بوجود الاسئلة طوووط تششششششششش انقطع البث |
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
رجع البث
والله ما عمري سألتك اسئلة زي اللي ذكرت عشا ما تقول ان واحد منهم لكن الناس كبيرة سن ولا تعرف اسلوب الطلبة الجامعيين وارجو تعرفون ان هذا انتساب ما تقارنون انفسكم بالانتظام فرق كبيير |
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
:3::3::3::3::3::3: الله يجزاكم خير على الموضوع فعلا كلام واقعي
|
رد: تدرون ليش الدكاتره مصعبين الاسئله وفيها نوع من التعقيد ....... أدخل هنا راح تعرف
اسئلة الاختبار تنحط من بدري من بداية الترم
واستفسارات الطلاب تكون قبل الاختبارات غالبا .. يعني ماهي سبب الطلاب مالهم علاقة مباشرة بمستوى اسئلة الاختبار ولا بعدم تكرارها هو دكتور له طريقته ومايحب يكرر نفس الاسئلة |
| All times are GMT +3. الوقت الآن حسب توقيت السعودية: 09:50 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه