|
اكثر شي يزعجني بعد الاختبار ...
اكثر شي يزعجني بعد الاختبار اني اكتشف اني غلطت اغلاط غبييييه ومعظمها ذاكرتها وحافظتها عن ظهر قلب بس للاسف معلوماتي مادري وين تسافر وقت الاختبار خاطرة زاعجتني جدا من اول مادة اختبرتها في الجامعه يعني احس ان مستواي العام في الدراسه مو بنفس المجهود المبذول معلوماتي ومذاكرتي تسافر بعييييييد وقت الاختبار وبمجرد خروجي من القاعه - ترجع المعلومات فل الفل سبحان الله العظيم اللي مثلي ولقى حل للمشكله لايبخل علينا :18: |
رد: اكثر شي يزعجني بعد الاختبار ...
النفسيه تعبت للاخر من هالمشكله
الله المستعان :10: |
رد: اكثر شي يزعجني بعد الاختبار ...
الحياه كذا
مافيه شيء كامل لكن 99% من كلامك هذا سببه واحد هو عدم التركيز ... لان وجودك امام ورقة الاختبار ماهو مثل وجودك خارجه يعني له تاثير على تركيزك شوية هدوء وتعوذ من الشيطان وتركيز وترجع المعلومات من السفر :42::42::42: |
رد: اكثر شي يزعجني بعد الاختبار ...
اكثروا من الاستغفار قبل وبعد الاختبار
|
رد: اكثر شي يزعجني بعد الاختبار ...
وانت طالع من البيت قل ( بسم الله ، توكلت على الله ، ولاحول ولاقوة الا بالله ) واذا دخلت الامتحان اقراء آية الكرسي مجربة وممتازة وبالتوفيق ان شاء الله |
رد: اكثر شي يزعجني بعد الاختبار ...
كارمن
دائما استودعي نفسك رب العالمين فهو وحده الحافظ لك من كل شي ثاني توكلي عليه حتى لو ماجاوبتي خلاص لا تحرين نفسك كل شي مقدر ومكتوب والله مااخفي عليك اني شوي واتشهد من الضغط والصداع الي يجي براسي لكن افكر اقول والله محد درى عني ثالث شي روحي الله لايهينك للصيدليه وخوذي من عندهم فيتامينات vitamins B1+B6+B12 انا والله الشاهد باديتها من فتره لا لها ضرر ولاشي كل شخص عنده نقص بهاذي الفيتامينات واذا حابه تروحين طبيبه افضل واسأليها عنها حتى تفيدك والله يسهل عليك ويوفقك وينجحنا ياحي ياقيوم |
رد: اكثر شي يزعجني بعد الاختبار ...
الموضوع طويل وحله سهل بس الحين اتوقع لو تركزي في الاختبارات احسن لك
بس بحاول اختصر لك كم نقطه.. اول شي واهم شي --- " ذاكري من البداية اول باول " الشي الذي ياتي بسرعة يذهب بسرعة. الثاني حاولي ربط المسائل باشياء رمزية مثلا عندك ثلاث علماء اسمائهم بالترتيب عيسى - سعد - لؤي .... اختصري الثلاثه باول حرف من كل اسم " عسل " كذلك اعلمي ان العقل يتغذى بالسكر والماء بشكل خيالي ويحتاج للاكسجين بشكل كبير عليك ببعض السكريات كالعنب والزبيب وبعض السكر الطبيعي الموجود فى الفواكه او عليك بالشكلاته. إذا استصعب عليك أمر في أثناء المذاكرة لا تنس هذا الدعـاء (( اللهم لا سهل إلا ما جعلته سهلاً وأنت تجعل الحَزَنَ إذا شئت سهلاً )) كوني على وضوء دائم ولا تتعدي دراستك اكثر من ساعتين وبعدها استراحه ربع ساعه. ابعدي عن الموبايل والتلفزيون والنت اثناء المذاكرة. اخطر عيوب المذاكره انك تذاكري صفحه وتتصلي على ساره وتذاكري الصفحه الاخري وتستقبلي اتصل من لمى وضاع وقتك بين الكلام وانقطع حبل افكارك من بين صفحه واخرى. هناك الكثير من الامور التى تساعد على عدم النسيان لكن الان وقت مذاكره ركزي قدر الامكان واستعيني بالله سبحانه ونسال الله لنا ولك التوفيق.. |
رد: اكثر شي يزعجني بعد الاختبار ...
اشكر كل من اعطاني من وقته للرد
ولن اغفل عن العمل بنصائحكم ابتداءا من اختبار الغد :16: لي وقفه مع نفسي للبحث والعلاج باذن الله لكن .. بعد الاختبار |
رد: اكثر شي يزعجني بعد الاختبار ...
نفس مشكلتي الله المستعان
احس اعصابي تعبانه كثيررررررر ومو راضيه نهائي عن اختباراتي بشوف لي حل مع هالمشكله لانها خربت علي كثيرررر ومعدلي بدى ينزل وهالشي متعبني نفسسيا مرره <<<< فضفضه |
رد: اكثر شي يزعجني بعد الاختبار ...
بسم الله الرحمن الرحيم شيء طبيعي لان هذي نفسيه الاختبارات حتى لو كانت سهله لانها ترجع للشخص نفسه بعضهم شخص متوتر و مرتبك و خواف و مستعجل و و و و .. بس المذاكر أول بـ أول تروح كل هـ المشاكل وبعدين مو شرط تذاكر كل المنهج فرق انك تذاكر المنهج كامل بدون تركيز و تذاكر اكثر من نص المنهج بـ تركيز عن نفسي انا ما عمري دخلت اي اختبار وانا مخلص المنهج لازم يكون فيه محاضرات ما اذاكرها والحمد لله انجح بدرجات ممتازه |
| All times are GMT +3. الوقت الآن حسب توقيت السعودية: 11:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه