|
اكثر شي شايل همه في الاختبار
السلام عليكم
اكثر شي شايل همه في الاختبار تعبئة بيانات ورقة الاجابة بصراحه تطقق الخلق ما تبدا بالاختبار الا وانت منهد و يبيلك مساج باليد معقولة كل هالمعلومات ما بقى الا مقاسات ملابسك و الا التعهد السامج بدخل محكمة ماهو اختبار ذا من مثلي زهقان كتبته قبل الاختبار بدقائق |
رد: اكثر شي شايل همه في الاختبار
هذه ممل جداا
يكفي اما رقم الجامعي او رقم الحاسب وتلفون يكفي واحد وعلمي او شرعي احس ماله داعي |
رد: اكثر شي شايل همه في الاختبار
بيانات روتينية ... وين المشكلة فيها ..؟
هي مشكلتها بس الوقت .. بعض المراقبين يقوم بتوزيع ورقة الاسئلة دون مراعاة وقت تعبئة بيانات ورقة الإجابة ... |
رد: اكثر شي شايل همه في الاختبار
ايه والله طريقه ممله وصعبه ومضيعه للوقت بس لاحياة لمن تنادي
بنتخرج ولا بتتغير :35: |
رد: اكثر شي شايل همه في الاختبار
لاننا منتسبين والبيانات ضروريه والتصحيح الكتروني والغرض من الرقم الجامعي والسجل ووسائل الاتصال لا قدر الله الطالب كتب رقم الجامعي غلط يرجعون للسجل وكذا
بالنسبه لنا مستوى خامس تعودنا عادي نظلل بس اهم شي يحطون أسئلة معقوله بالتوفيق |
رد: اكثر شي شايل همه في الاختبار
تدري وش تسوي لما تجيك ورقة الاسئلة حدد الاجابات عليها قبل ماتبدا باي شي فورقة التعبئة بعد ماتخلص عب الاجابات وبعد ماتخلص عب البيانات هذي افضل طريقة لان مخك واعصابك يكونون صافيين اول الاختبار وهذا ياثر على اجابتك انا هذا طريقتي وماشيه معي الحمدلله :21: بس بتروح يدك فيها :8:
|
رد: اكثر شي شايل همه في الاختبار
اقتباس:
شرحك واحد سراء :27: فعلا هذه افضل طريقة :14: |
رد: اكثر شي شايل همه في الاختبار
هههههههـ ومعها 400
|
رد: اكثر شي شايل همه في الاختبار
نعم انا معك علماً انها معلومات روتينيه ولكن تاخذ وقت طويل جداً في زمن الاختبار
المفروض يقتصر على اهم البيانات وهي السجل المدني والرقم الجامعي ورمز مركز الاختبار ورمز الماده وتحذف التالي الاسم و رقم الجوال ورمز المراقب والتعهد يكون مكتوب ونوقع عليها انننا اطلعنا عليه وخلاص |
رد: اكثر شي شايل همه في الاختبار
انا بعد كل اختبار اروح اقرب مستوصف اسوي مساج للابهام والسبابة :9: احس اني كنت امشي على اصابعي في ممشى على طريق الطايف
المشكلة الثانية الي فعلا اشيل همها : جالس في امان الله تحل وتفكر وتعصر تفكيرك في حل سؤال معين .. يجيك واحد من المدرسين داخل عرض في مخك يقول للطالب الي اخر الصف ( يا طالب لا تتلفت ) :9: الي يسمعه يقول الاوراق مثل بعض .. ويطير عليك حبل افكارك بعده بشوي يدخل مدرس ثاني من برا كنه توه جاي من حراج بن قاسم يقول ( انتبهو يا اخوان لاوراقكم وكل واحد ورقته في عينه :6: واي حركة حضرب في المليان :19: واسحب الورقة وابلغ عنه ونكتب فيه محضر تعديات ومحضر دعوى كيدية :31: ونحكم عليه مؤبد وبعد ما يطلع نسلمة للمحكة الجزئية عشان يقصون فيه :20: ) بعدها تتمنى انك ما ذاكرت لان كل المعلومات راحت اصلا :41: |
| All times are GMT +3. الوقت الآن حسب توقيت السعودية: 09:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام