|
اختبار اليوم مهارات الاتصال و العقيدة الاسلاميه
السلام عليكم
حبيت اشوف انطباعكم وارائكم عن اختبار اليوم المهارات والعقيده انا من رايي اشكر محمد القطاونه ع الوضوح والسلاسه بالاسئله والله يهدي احمد البلالي ع اسئلته اللي ترفع الضغط وتحير وكلها لف ودوران الله يسهلها وننجح بس ماعاد نبي ال اي بلس:42::20: :31: |
رد: اختبار اليوم مهارات الاتصال و العقيدة الاسلاميه
والله يختك جبت موب العيد إللا جميع الأعياد اللي تخطر عالبال عيالي يقولون شكلك ماما جايبة العيد بس عسى ماوصلت لعيد النيروز ( أستغفر الله ) يرج ابليس العدو أنا بايش وهم بايش وفعلاً أسئلتة مدري وش يحس فيه وبعض الأسئلة تحتمل أكثر من خيار وبعضها يجيك السؤال طولة متر ماتدري وش يبي بالضبط يعني كان ماسك الكتاب وحفّر في أم مردانة بتنقيب بترولي وماصع الأسئلة من دهاليز الكتاب مصع وماعطها معط وغايص غوص ( وأوه يامال ) ما أقول إللا الله يسامحه هذا ذكرني بإختبار الإدارة للمستوى الأول حطوه أول إختبار عشان يسدون نفوسنا عن بقية الإختبارات ونهوّن بس قاعدين على قلوبهم رابضين باركين مبلبطين ماورانا شي أبداً وإن شاء الله الجايات أهون وأسهل وقولو بعد ختام المذاكرة اللهم إني استودعتك حفظي ومعلوماتي وجهدي فإنه لا تضيع ودائعك |
رد: اختبار اليوم مهارات الاتصال و العقيدة الاسلاميه
انا اختبرت عقيدة ومذاهب,, وكانت اسئلة الدكتور القطاونة,, واضحة ومباشره وسهله
اشكره |
رد: اختبار اليوم مهارات الاتصال و العقيدة الاسلاميه
انا اختبرت عقيدة اسلامية الحمد الله الاسئلة كاانت مررررة حلوة وسهلة ومافيها لف او دوران يعني واضحة وان شاء الله a+
اختباري كان نموذج d يعطيه الف عافية الدكتور محمد القطاونة على الاسئلة :2::2::2::2::2: |
رد: اختبار اليوم مهارات الاتصال و العقيدة الاسلاميه
الله يوفقه الدكتور ماقصر فيه اسئله واضحه جدا من غير مذاكره تحلها::17::28:
|
رد: اختبار اليوم مهارات الاتصال و العقيدة الاسلاميه
العقيدة كانت سهله جدا نشكر الدكتور لكن لازم الواحد يكون عندة خطأ:24:نفسي اشوف ١٠٠ :10:
|
رد: اختبار اليوم مهارات الاتصال و العقيدة الاسلاميه
ام المثنى انا ما اخذت المادة بس من كلامك وربي ذكرتي مادة الادارة واسىلته
الله يكون في عونكم الحمد لله العقيدة الله يجزاه خير الدكتور ما قصر |
رد: اختبار اليوم مهارات الاتصال و العقيدة الاسلاميه
اختبرت العقيده سهله بس لازم بكل صفحه سؤالين ماعرفتهم ولا قد مرت علي
ومكثر من اسألة المذاهب واغلب الجواب كله يتشابه وفوق كذا خيار كل ماسبق صحيح يعني غصب جيب العيد الاسئله ماعجبتني |
رد: اختبار اليوم مهارات الاتصال و العقيدة الاسلاميه
الله يوفق الجميع
في جميع المواد ومن سهل على الناس ربي سهل اموره في الدنيا والاخرة :14::13::14::13::27: |
رد: اختبار اليوم مهارات الاتصال و العقيدة الاسلاميه
الحمدالله امتحان العقيدة الاسلامية حلو وضح مفيه لف ودوران
بالنسبه لمهارت الاتصال فية بعض الخيارات تحير وفيها غموض وتحتاج تركيز والحمدلله على كل حال بس بشكل عام حلوة الاسئله لكل المادتين وبصراحة يشكرون الاساتذه والله يعطيهم العافية اتمنى التوفيق للجميع وأن شالله فالكم a+ |
| All times are GMT +3. الوقت الآن حسب توقيت السعودية: 02:29 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام