قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

بسم الله الرحمن الرحيم


يا أخوان انا ابشركم وللحمد الله قبلوني الجامعة علم اجتماع :17:
ولكن طالبين علي شهادة الثانويه الاصلية وانا لظروف العمل ما استطيع سحبها



تكفون قولوا لي وش اسوي ، وهل يمشون لي شهادة طبق الاصل ؟؟؟
ولو اسوي فيها ذيب وذكي واطلع بدل فاقد ، ويكفشششوني وش يصير لي :13:
قسم ما عرفت انام ، الفزعه يا الناس الحلوه ترا بحاجتكم مره مره مره

واوعدكم اذا تيسرت اموري أحل لكم واجباتكم ، هذا العرض
لحقين علم الاجتماع بس ههههه :41: الانقليزي اكرههم

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

اهنن اهنن ..

بمـآ اني شفت الموضوع قلت خلني اشطح ..
اقصد ارد ..

شوف وانــآ اختك مـآلك الا تكلم عملك وتقولهم ..
ولا تتكلم الشعيبي وتقوله ..

اقول اركد مانبي ذيب بهالامور .. :41:
بالتووفيق

ونسيت اقوولك الف الف مبرووك القبول ..

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

الله يبارك فيك يا فراولة

انا لدي اعمال تجارية اعمل بها يعني اطقطق بها
وطالب في جامعة منتظم تخصص تربية خاصة مسار صعوبات تعلم
في المستوى السابع يعني خريج ،، وذابحتني الدفره ودي ادرس بعد ههههه

قسم يبي لي جلد ادري ، بس وش اسوي ؟؟؟ تكفون علموني ولا بروح انتحر
الا الدراسة ودي ادرس ودي ادرس >> مصطفى النسخة الكربونيه السعودية:13:

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

اولا مبروك قبولك معنا في الجامعة ونتمنى لك التوفيق في مشوارك الدراسي

وشغلة بسيطة مثل هذي يفترض انها ما تثنيك عن مشوارك

بالنسبة لحركة شهادة بدل فاقد :27:

فهي حركة معروفة ومعمول فيها في مثل هذي الامور ولافيه مجال ان الجامعة تكشف الوضع لإن مافيه رابط لتحركات استخراج الشهادات بين وزارتي التعليم العالي والتربية ( اكلمك من خلال معرفة قريبة لهذا الموضوع :14:)

بالنسبة لنسخة مصدقة فيفترض انك تسأل إدارة الجامعة قبل لا ترسل لهم اي شيء

تمنياتي لك بالتوفيق:2:

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

طيب يا اخوي والعلاقه بين الجامعات ؟؟

انا طالب منتظم في جامعة اخرى وتخصصي تربية خاصة في المستويات الاخيره
انا حاس اني بنكب نفسي بس غريبه ماني خايف :34:


يعني رايك اضبط لي شهادة بدل فاقد ؟؟

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

اعطيك شهادتي وخلني بدالك في المسار
ابي اخلص من الجامعه ..

كذا صعبه اذا انت تدرس لازم تخلص ..

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

ايه هين ههههههههههه

اقول خليك عاقلة ، والله ما فيه احسن من الدراسة
وعلى طاري الدراسة من اطلق صعوبات التعلم وفي سنه كم ؟


هذا كوز على السريع هع

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

يعجبني حماسك :21:

والله اذا تبي نصيحتي ،،،، وفعلا كان لك جلد على الدراسة والجهد والتعب فليش ما تصبر وتخلص بكالوريس في جامعتك وتخلي جهدك وتعبك على الماجستير لو خارج المملكة كلها سنة او سنتين وتطلع بشهادة اعلى افضل لك من دراسة من جد وجديد والشهادة نفس الشهادة.

انا اعرف معلمين معهم بكالوريس ويعيدون هنا عشان يحصلون على بكالوريس في التربية الخاصة عشان يغير تخصصه في التعليم ويحصل على نسبة اضافية 30% على الراتب .

اما انت فمشاء الله عليك عندك التخصص المطلوب وهو التربية الخاصة وباذن الله تتخرج وتكون من الناجحين فما اعتقد ان علم الاجتماع يبي يشكل لك اضافة .

لو انك قايل انقلش كان ممكن نقول تعطيك اضافة بتقوية اللغة الانقليزية عندك لكن فعلا علم اجتماع ما اعتقد يبي يكون مجدي بالنسبة لوضعك.


معليش اعذرني على صراحتي معك لكن والله لإني احب لك الخير حبيت اكون واضح ولا اغشك بكلام معسول:13:

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

علم الاجتماع يفيدني لاني لي زيارات متعدده لمركز الشارقة للتدخل المبكر واعمل معهم
العمل التطوعي واذا اخذت بكالوريس علم اجتماع راح اكون امثل في هذا المركز والفريق
دورين اساسين هما اخصائي صعوبات تعلم واخصائي اجتماعي والماستر ما يأخذه التربوي
الا بعد سنتين من خدمه لقطاع التربية والتعليم ، وراح اخذه في علم النفس الاكلينكي


الله يستر لا انلحس بس ههههههه

رد: قبلوني الجامعه لكن توجد مشكله بالداخل ادخل وعطني رايك :: احبكم كل ابوكم
 

حرام تعيد جامعه خذلك ماجستير افضل