مابعد الثانويه ~
 

السلام عليكم ورحمه الله .

كيفكم ~

انا طالب 3 ثانوي علمي حاب اعرف عن الجامعات والتخصصات ومابعد الجامعه و والظايف وكذا

يعني مثلا جامعه الدمام للهندسه دراستهم حلوه ولا مو حلوه و شلون الوظايف يقبلون ولا لا ؟



ي ليت توضحون لي

انا ابي اختار تخصص بس ماني عارف وش اختار
وميولي مدري وش والله بس احب اشتغل في مكتب او شي كذا

بس المكاتب كلها تكون مو حكوميه لاني حاب اختار تخصص ولمن اتخرج احصل وظيفه حكوميه عشان فيها راتب تقاعد

اغلب المعلمين قالوا لي ادخل كليه المعلمين وخلك مدرس ابتدائيه وريح راسك من الباقي

بس انا ماعجبني يعني ابوي معلم و الوزاره كل شوي تنزل قرار مدري بعدين وشلون بتصير الدراسه وكل قرار لازم ارتبط فيه

عدع العموم الله يعطيكم العافيه ي ليت تفيدوني بالنقطه ذي

انا اختبرت قدرات اول مره العام الي فات وجبت 62 لاني كنت متوتر وخايف واختار بسرعه بسرعه خايف ينتهي علي الوقت لانهم قالوا لي قبل الاختبار ان الوقت ينتهي والي م يحل ويكمل تروح عليه ويسولفون ان في ناس ماكملت و الخخ.

بس السنه ذي اختبرت اختبار واحد جبت 76 وسمعت ان قبول الجامعات من 75


يعني الحمد لله ينفع


بس الي ابي اعرفه توظحون لي التخصصات و وش بشتغل بعد التخصص بالتفصيل لاهنتوا

مثلا المعلم يدررس تخصصه بالجامعه ولمن يتخرج يدرس الطلاب ويعني كذا

ابي اعرف وافهم وش الوضع للجامعات

خصوصا احنا اول دفعه للمنهج الجديد وخايفين الصراحه


وبالاخير حاب تفيدوني ب (ارامكوا) و برنامجهم (itc) ( وسابك )
يعني هل راح يقبلوني ارامكوا ؟
وايش هو برنامجهم الي يقلون يدرسوني و ويوظفوني
وشلون سابك هل فيها تقديم بعد الثانويه ؟


علما بان نسبتي بثاني ثانوي 77 ومره نازله لاني كنت مو مهتم للدراسه وان شاء الله هالسنه في تغيير زي القدرات


الله يععطيكم الف عافيه

بنتظاركم :22:

رد: مابعد الثانويه ~
 

وعليكم السلام

انا بجاوبك بلي اعرفه بحكم اني بنت وماعرف تخصصات الاولاد ..
اذا تبي تشتغل في شي حكومي في تخصص محاسبه او ادارة اعمال الهندسه بفروعها المختلفه وخاصه الكهربائيه والكيميائيه ..


قدراتك الدرجه حلوه لا بأس بهاا
بس للاسف ارامكو ماتقبل نسبتك شد حيلك في حاجه غير
وهذه شروط ارامكو

شروط القبول:

- أن يكون المتقدم سعودي الجنسية.
- خريج عام (1432-1433هـ) قسم العلوم الطبيعية.
- أن لا يزيد عمر المتقدم عن 20 سنة هجرية.
- معدل تراكمي عام لا يقل عن 90% في الثانوية العامة.
- درجة لا تقل عن 85 في كل من الرياضيات والفيزياء والكيمياء واللغة الانجليزية.
- درجة لا تقل عن 80 في اختبار القدرات العامة.
- درجة لا تقل عن 80 في الاختبار التحصيلي للكليات العلمية (غير مطلوبة عند تعبئة نموذج التسجيل).

مزايا الابتعاث:

- تكاليف الدراسة
- مكافأة شهرية
- بدل سكن
- بدل مراجع وكتب وطباعة تقارير
- تأمين طبي
- تذاكر إركاب سنوية
- مكافآت للمتفوقين


هذه المعلومات اللي عندي وبعض الاسئلة مافهمتها مع الاسفف :7:
اتمنى اكون افدتك ولو بشي بسيط
بالتوفيق يارب :16:

رد: مابعد الثانويه ~
 

يعطيك العافيه اختي بس مافهمت وش الكيميائيه ذي ؟

ما احب التخصصات اليدويه اصلا الكيمياء بكبرها ماحبها :18:

يعني مافي امل يقبلوني ارامكوا ؟ :40:

رد: مابعد الثانويه ~
 

تقدر تقراء عنها اكثر في النت
طبيعة عمل خريجي الهندسة الكيميائية :-
1- في مجال التدريس .
2- بمصانع الاسمدة .
3- بمصانع الكيميائية والبتروكيميائية
4- بمصانع البلاستيك .
5- بمراكز البحوث الصناعية المختلفة .
6- بتشغيل العمليات الصناعية .
7- بمراكزالتصاميم الهندسية .
8- بمحطات تحليل المياة و توليد الطاقةالكهربائية .
9- بمصانع الإسمنت .
10- بمصانع الحديد والصلب .
11- بمصانع الأغذية .
12- بالإستشارات الهندسية .
13- بمجمعات تصفية النفط و الغاز.
14- بحماية المعدات الصناعية من التاكل.
15- بمجال السيطرة علي التلوت البيئ.


وبالعكس الكيمياء حلوه :8:
ارامكو المشكلة شروطهم معقده نوعاً ما ..
والله يكتب لك اللي فيه الخير ... :2:

رد: مابعد الثانويه ~
 

انا ميولي مافي هنا , احب اكتشفف اشياء يعني جيلوجيا بس ماله مستقبل الجيلوجي ؟ :18:

واحب اعرف كيف صناعه المتفجرات وكذا يعني عالمم متفجرات ممكن ؟ ههههه

رد: مابعد الثانويه ~
 

صناعة متفجرات ناوي تصير ارهابي شكلك خخخخخخ
شوف اد تبي شي تشتغل بالمكتب ادارة عمال لانه معروف له مستقبل مو لاني داخلته امدحه
امممممممم شبكات اتصال
المحاسبة

رد: مابعد الثانويه ~
 

ههههههههههههه لا والله بس الدوله بتحتاج عالمين متفجرات يعني نطور من مستوانا الحربي وكذا :26:

المهم مدري والله وش ميولي وللحين م استفدت من الاجابات ومشكورين الي ردوا :26::37:

رد: مابعد الثانويه ~
 

الاخ يسال عن برنامج itc والشروط الي كتبتيها لبرنامج الابتعاث وهو مختلف تماما ومتطلباته مرتفعه جداا

لا ال itc شروطه اقل من كذا بكثير ودرجة القدرات اعتقد فوق المطلوب بس شد حيلك وارفع نسبتك شوي

بالتوفيق

رد: مابعد الثانويه ~
 

ترى كنت امزح معك اخوي
انت شنو طموحك شنو تبي تكون بالمستقبل انت تقول تبي تشتغل بمكتب
كتبتلك اكثر من خيار انت شوف شنو تتمنى تكون
والله يوفقك ان شاء الله

رد: مابعد الثانويه ~
 

الله يعطيكم الف عافيه

انا احب اعرففف , اكتشفف, و اعرف تفاصيل العالمم اكثر

مثل جيلوجي , احبها مره بس .., هل راح احصل وظيفهه ؟

واي جامعه فيها هالتخصص ؟

وترا اذا كان لازم ندرس الي نحبه عشان نجيب درججه عاليه اقولكم خطآ , لان المدرسهه نكرها ولاكن مجبورين , وكل واحدد يشد حيله من اجل , لقمه العيششش " :7: