|
الانجليزي في الجامعه
السلام عليكم
اخواني انا مستواي ضعيف جدا جدا بالانجليزي وانقبلت كليةة الاداب ترم ثاني ابي اعرف كيف الانلجيزي وسمعت ان الدكاترة يتكلمون انجليزي طول المحاضره يعني باصير زي الاطرش في الزفه |
رد: الانجليزي في الجامعه
اولا مبروك اخوي ثانيا خخخخ مثلي ومدري شلون بنجح فيه على حسب كل دكتور يعني احنا دكتورنا يتكلم الانجليزي ويترجم بالعربي
بس مو كل شي يترجم بس يتكلم عربي وانجليزي بس الافضل انك تدخل معاهد موفق |
رد: الانجليزي في الجامعه
الانجليزي اللي درسناه ما كان مكثف
ونفس الكتاب اللي استخدمناه فيه ترجمه وجد حلوو الكتاب شارح نفسه وتوفقنا الله يووفقك مع دكتور كويس واذا حاب تتقوى ادخل دورات |
رد: الانجليزي في الجامعه
المشكله المعهد مايمدي باقي اقل من شهر ويبدى الترم ..
وصعبه معهد وجامعه بنفس الوقت بس انا الي اخاف منه اول ايام الدوام لما يسألك الدكتور بالانجليزي وانت دلخ خخخخخخخخ |
رد: الانجليزي في الجامعه
اقتباس:
تطمن من هالناحيه انت بالتاكيد مو اول شخص مايجيد اللغه الانجليزيه يمر عالدكتور والطلاب الي يدخلون الكليات عموما كثير منهم لغته تحت المستوى المطلوب الدكاتره بالغالب جدا متفهمين ومتوقعين مستوى اللغه عند الطلاب وانه تحت المطلوب ويراعون هالشي باكثر الكليات وحتى بكليات الطب الدكاتره يبداون معك من الاساسيات بالانجليزي يعني ما ابالغ ان قلت انك لو طلعت ب 50% من الانجليزي الي درسته بالثانوي كافي وزياده بس طبعا يكون التقدم بالشرح والمحاضرات اسرع ومكثف اكثر وهنا دورك حاول تضغط على نفسك وتلحق معهم اول باول ولا راح يكون عندك اي مشكله مع اللغه باذن الله ودائما تذكر الي قبلك عدوا ونجحوا ولايميزهم شي عنك وبتعدي مثلهم ان شاء الله بالتوفيق.. |
رد: الانجليزي في الجامعه
^^^
تسلم كلامك يطمممممممممن يسعدك ربي |
| All times are GMT +3. الوقت الآن حسب توقيت السعودية: 03:06 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام