اهل الرياض عاجل ملزمة المشكلات الاجتماعيه والتصميم
 

من لديه ملزمة المشكلات الاجتماعيه وتصميم وتنفيذ البحوث الاجتماعيه

للضروره اتمنى الي من اهل الرياض اخذ منه نسخه
:15:

اكون له من الشاكرين, خدمة لن انساها

رد: اهل الرياض عاجل ملزمة المشكلات الاجتماعيه والتصميم
 

هلا بك

موجودة عندي حبيبي انا في حي الشفا وين تبي احطها لك فيه لان وضع الجوال ممنوع والاميل


على العموم اذا بغيت حدد المكتبه بس لو تكرمت تكون قريبه لي شوي الشفا

فيه مكتبه في الشفا اسمها محبرة الطالب اتمنى تعرفها


انتضر ردك باي

رد: اهل الرياض عاجل ملزمة المشكلات الاجتماعيه والتصميم
 

هلا بك اخي الفاضل
ربي يسعدك ماقصرت، كأنها جتني من السماء
لو ماكانت قريبه تكون قريبة

مو مشكلة اخوي تحطها في محبرة الطالب باسم عبدالله
طبعاً محبرة الطالب في الشفاء ثنتين
وحده في شارع الامام مالك بجانب اسواق سلتي
والثانية الكبيرة والمعروفه في شارع اللي قريب من اسواق الحمد النازل نهايته بشارع الستين
مو مشكلة اخوي اي وحده حطها فيها واكون لك من الشاكرين

وياليت تخبرني متى بتحطها لأطير لها عشان يمديني اذاكر منها


وجزاك الله خيرا

وتم ارسال لك رساله خاصة فيها الرقم

وفي حفظ الله ورعايته

رد: اهل الرياض عاجل ملزمة المشكلات الاجتماعيه والتصميم
 

اليله في محبره الطالب الي عند سلتي بعد الساعه 11 مساء يعني بكره تحصلها