|
حاطين مركز اختباري ب عرقه والازدهار جنب بيتي كيف اتصرف
يسعد مساءكم بهالجمال امطار واجواء بارده وترد الروووح
المهم والله اني متضايقه حيل ومعصبه من هالجامعه بس الجو مخفف علي شوي ماعلينا بافهم انا اللحين حي الازدهار جنب بيتي شمال الرياض الجامعه هذي ترميني بحي عرقه ليه ليه ليه اعطوووني رقم الجامعه ابي اتوااااصل معهم لين ماخليهم يغيرونه بزعجهك كل يوم مستحيل اروح لهناك ظروفي ابد ابد ماتسمح صحيا وكمان دوام زوجي مايمشي معاه هالموضوع ف بالله اللي عنده الرقم يكتبه لي خلونا ناخذ شوي من حقوقنا من هالجامعه زارفتنا بكل شي :32: |
رد: حاطين مركز اختباري ب عرقه والازدهار جنب بيتي كيف اتصرف
http://www.kfu.edu.sa/ar/Deans/elear.../contacts.aspx
في كثير مثلك اختبارهم بعرقه كلموه امس على تويتر رفض التغيير:23: بس انتي جربي وان شاء الله خير الله يعينك:1:. |
رد: حاطين مركز اختباري ب عرقه والازدهار جنب بيتي كيف اتصرف
حسبي الله فيهم اللحين اعرف وحده معاب بنفس الحي اللي انا فيه حاطينها بالازدهار وانا بعرقه واختباري السمستر اللي طاف كان بالازدهار وش التخلف هدا:32:
|
رد: حاطين مركز اختباري ب عرقه والازدهار جنب بيتي كيف اتصرف
حتا انا بحي الازدهار وحذفوني بعرقه وش الحل؟؟؟
وزوجي معصب علي انا وش ذنبي:12::12: بس معاه حق ما يمديه يطلع من الدوام ويجي ياخذني ويوديني قسم حوسه الرواد اقدر اروح على رجليني لازم نلقالنا حل |
رد: حاطين مركز اختباري ب عرقه والازدهار جنب بيتي كيف اتصرف
:12:
|
رد: حاطين مركز اختباري ب عرقه والازدهار جنب بيتي كيف اتصرف
دآم أنكم بحي وآحد دبروو لكم سواق الله يعينكم و دآومو مع بعض لأن أتوقع مافي تغيير الأختبارات تبدأ الخميس والأسماء أكيد وصلت للمراكز |
رد: حاطين مركز اختباري ب عرقه والازدهار جنب بيتي كيف اتصرف
انا من بكره بزعجهم اصالات وانتي بعد لاتقصرين فيهم وخبريني اذا طلع معاك شي
|
رد: حاطين مركز اختباري ب عرقه والازدهار جنب بيتي كيف اتصرف
يا أخوات عسى ان تكرهو شيء وهو خير لكم انا هالترم ابعد عن مركز الاختبار 150كيلو وماجزعت مقسوم لي يالله لك الحمد اصبرن لاحول ولا قوة الابالله
الله يسهلها علينا وعليكم |
رد: حاطين مركز اختباري ب عرقه والازدهار جنب بيتي كيف اتصرف
الله يسهلها عليكم يارب :2:
|
رد: حاطين مركز اختباري ب عرقه والازدهار جنب بيتي كيف اتصرف
لاحظت محد يبي عرقه ,, طيب ليه فاتحين مركز هناك :Looking_anim:
وانا بعد قالعيني في اشبيليا ,, الله يعين على زحمة الرياض |
| All times are GMT +3. الوقت الآن حسب توقيت السعودية: 02:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه