ملتقى طلاب وطالبات جامعة الملك فيصل,جامعة الدمام - مكالمتي للدكتور خالد البلاح (( تصحيح بعض اجابات الاسئله ))

- ارشيف المستوى 5 تربية خاصة (https://vb.ckfu.org/forumdisplay.php?f=324)

مكالمتي للدكتور خالد البلاح (( تصحيح بعض اجابات الاسئله ))

مرحباااااا

قبل شوي كنت اكلم الدكتور خالد البلاح استاذ مادتي الاعاقات المتعددة واستراتيجيات التدخل المبكر
وسألته عن بعض اسئلة الاختبار اللي انا شاكه بحلهم وفعلا طلع شكي في محله :42:

نبداء بتصحيح اسئلة الاعاقات المتعددة اللي بملف الوورد نزله الاخ احساس سلطان لمجمعتهم الاخت الراقيه بارك الله فيهم

5- الطفل الاصم المكفوف يمكنه التعلم من خلال :
أ-صوره بصريه
ب-صورة ذهنيه x
ج-صوره سمعيه
د-صوره لمسيه:21:

قالي اولا لازم للاصم المكفوف ان يتعلم باللمس وبعدها تكون صوره ذهنيه

8- يحدث خلط في تشخيص اضطرابات التوحد بسبب :
أ-تشابه الاعراض بين التوحد والداون
ب-تشابه الاعراض بين التوحد والاعاقه العقلية x
ج-تشابه الاعراض بين التوحدوالاسبرجر :21:
د-تشابه الاعراض بين التوحد والانسحاب
قلت له انك قايل الانسحاب بالمحاضره المباشره للترم الماضي وقالي كلام كثير وشرح لي وش يقصد بالانسحاب ولكن رسى لي على ان الاجابه الصحيحه هي التشابه مع الاسبرجر

17- تشخيص الكفاءة الاجتماعيه لطفل التوحد نستخدم :
أ- قائمة تقدير الاطفال التوحديين كارز
ب- مقياس فاينلايد للنضج الاجتماعي :21:
ج- مقياس الشخصيه للاطفال
د- مقياس بينيه للذكاء

طبعا هنا الاجابه اللي حلها احساس والراقيه صحيحه وواضحه اصلا لانها مناقضه عن الثلاث خيارات الباقين بس ليه انا كتبته لكم
لان الدكتور نبهني قال لما اجيب لكم خيارات متشابهه مثل :
مقياس فاينلد للنضج الاجتماعي
مقياس كين وليفين للكفاءه الاجتماعيه
يصير الصحيح هو مقياس كين وليفين لانه هو الاقرب .. فهمتوا ؟

يعني كلهم صحيحات بس الدكتور يبغا الاقرب منهم

^
^
^
نفس الشي مع السؤال رقم 22
22- احيانا تتشابه اعراض التوحد مع :
أ-فصام الطفوله:21:
ب- الشلل الدماغي
ج- الاعاقه العقليه
د- صعوبات التعلم النمائيه

الدكتور قالي اغلب الاجابات هنا صحيحه ولكن الاقرب فصام الطفوله << هذي المعلومه قريتها بوحده من موادنا والله ما ادري اي وحده من المواد بس متأكده انها فصام الطفوله

36- من الحاجات الفطريه البيلوجيه التي تستثار عند الشعور بالتعب:
أ- الحاجه الى الطعام
ب- الحاجه الى النوم
ج- الحاجه الى الراحه
د- الحاجه الى ....... << مفقوده الاجابه عندي

طبعا الدكتور قالي النوم والراحه صحيحات بس الاقرب هي النوم ولكن اذا الخيارات مافيها النوم وفيها الراحه تكون الاجابه الراحه
الدكتور يحسب ان الخيار اللي عندي مكتوب كذا (( الحاجه الى الراحه والنوم )) وقالي صحيحه قلت لا يادكتور كل وحده بخيار
قال الاقرب هو النوم وبعدها تجي الراحه

السؤال رقم 29 من النموذج الثاني .. الاقدم ..
29 - من البرامج التربويه للافراد المعوقين جسميا وصحيا :
أ- مراكز الاقامه الكامله
ب- مراكز التربيه الخاصه النهاريه
ج- برامج الدمج الاكاديمي
د- جميع ماسبق صحيح
طبعا الكل اختار جميع ماسبق صحيح .. بس مافكرتوا بالخيار الاول اللي الحين نقدر نقول عليه انه تلاشى !!
المهم هو قالي اول شي جميع ماسبق صحيح وقلت له كيف يادكتور ؟؟ وبرامج الاقامه الكامله تعني العزل عن المجتمع والحين تلاشى هذا النوع قال الاقرب الدمج الاكاديمي للمعاقين جسميا وصحيا والتربيه النهاريه للمعاقين حسيا

طبعا انا تركت لكم هذا السؤال بدون ما احدد اي اجابه صحيحه باللون الاحمر لاني متلخبطه من الشرح فياريت احد منكم يفزع ويتصل على الدكتور بخصوص هذا السؤال والله مستحيه اتصل عليه ثانيه

:2: :2: :2: :2: :2:

نجي لمادة استراتيجيات التدخل المبكر

تعريفات العلماء للاستعداد للتعلم (( انستازي , هوركس وشنوفر , لوينفيلد )) مو معانا :21::14: استانسوا
التطورات المعرفيه اللتي تحصل خلال الـ6 سنوات الاولى مو معنا :21:
مراحل تطور الحواس في المحاضره الـ11 مومعانا :21:
:3::3::3::3:
قال هذول للفائده وترسيخ المعلومه ولكن ماراح اجيب مثل كذا بالاختبار لاني ما احب اجيب من بين السطور وانا احب اجيب الشي الواضح

اتمنى اني افدتكم بمكالمتي الطويله ولكن اللي حاس انه مو مقتنع بالاجابه يرجع يتصل على الدكتور ماتدرون يمكن الدكتور يغيير شي بإجاباته :24:

رد: مكالمتي للدكتور خالد البلاح (( تصحيح بعض اجابات الاسئله ))

تتوقعون ماراح يغير الاسئله

رد: مكالمتي للدكتور خالد البلاح (( تصحيح بعض اجابات الاسئله ))

الله يعطيك العافيه ويجزاك الجنه عالتصحيح :1:

رد: مكالمتي للدكتور خالد البلاح (( تصحيح بعض اجابات الاسئله ))

عندي سؤال الي يكلم الدكتور يقوله
1-متعددو الاعاقات هم
الصم وكف البصر - التخلف العقلي والصم- كف البصر والتخلف العقلي - جميع ماسبق
الاجابه الصح جميع ماسبق ولا
2- تحث هشاشة العظام لدى بعض الاطفال متعددي الاعاقه؟
بسبب عوامل وراثيه ولا سوء التغذيه

رد: مكالمتي للدكتور خالد البلاح (( تصحيح بعض اجابات الاسئله ))

اقتباس:

المشاركة الأصلية كتبت بواسطة اسيرة الاحساء2 (المشاركة 7628802)

تتوقعون ماراح يغير الاسئله

الله اعلم
بس قالي ان استراتيجيه ((جميع ماسبق)) الظاهر ان الجامعه الغتها وقالوا انها تلخبط الطلبه وخلوكم على 4 خيارات واضحه
تبغون الصراحه ياريت يسوونها الجامعه لان فعلا (( جميع ماسبق)) تخربط الواحد احيانا

اقتباس:

المشاركة الأصلية كتبت بواسطة كنانه (المشاركة 7628820)

الله يعطيك العافيه ويجزاك الجنه عالتصحيح :1:

اللهم امين واياك

رد: مكالمتي للدكتور خالد البلاح (( تصحيح بعض اجابات الاسئله ))

ماشاء الله تبارك الله عليك :21:

الف شكر لك حبيبتي ماقصرتي ربي يوفقك

طيب بسألك الحين استراتجيات التدخل المبكر المحاضره 13 موب موجوده عني بالملزمه انتم مثلي اللي مسويه هتااان الملازم ؟؟

ولا يعني محذووفه ولا وش قصتها ؟؟

رد: مكالمتي للدكتور خالد البلاح (( تصحيح بعض اجابات الاسئله ))

اقتباس:

المشاركة الأصلية كتبت بواسطة اسيرة الاحساء2 (المشاركة 7628838)

اسيره بالنسبه للسؤال الاول اجابتها الصحيحه جميع ماسبق صحيح
لان بالخيار الاول الصم اعاقه وكف البصر اعاقه ثانيه
والخيار الثاني التخلف العقلي اعاقه والصم اعاقه ثانيه
والخيار الثالث كف البصر اعاقه والتخلف العقلي اعاقه ثانيه
يعني جميع ماسبق صحيح:21:

السؤال الثاني الاجابه الصحيحه عوامل وراثيه للاطفال
وكبر السن للكبار
شرحها بالمباشره

رد: مكالمتي للدكتور خالد البلاح (( تصحيح بعض اجابات الاسئله ))

بالنسبه للسؤال الخامس والسؤال الثامن

موجوده نصا" بالمحتوى

شفايدة المحتوى اذا بيخلينا نخمن بالاقرب؟

انا احس ان الدكتور ناسي المنهج وجاوب كلام مش حالك وقام يرقع

والاعاقات اللي تشابه التوحد بالاعراض هو حاط اربعه بالملزمه وسبيرجر مو بينهم

مو على كيفه يحط خيار غير الاربعه ويقول هو الاصح

انا بكلمه واتفاهم معه

لان بإسلوبه هذا اصبح كلن يجاوب من راسه دون الرجوع للمحتوى

انا حال الاسئله ومتأكد انها نصيه بالملزمه

رد: مكالمتي للدكتور خالد البلاح (( تصحيح بعض اجابات الاسئله ))

اقتباس:

المشاركة الأصلية كتبت بواسطة أنفاس الرحيل (المشاركة 7628865)

لا موجوده عندي على فكره انا ملزمتي مو لهتان

وبعدين المحاضره 13 مليانه معلومات ومهمه روحي اطبعيها وذاكريها