ملتقى طلاب وطالبات جامعة الملك فيصل,جامعة الدمام - ضروري بنات محتاجتكم .. علموني ببكي !!

صفحة 1 من 2

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية الآداب بالدمام (https://vb.ckfu.org/forumdisplay.php?f=63)

- - ضروري بنات محتاجتكم .. علموني ببكي !! (https://vb.ckfu.org/showthread.php?t=39410)

البريئه

2009- 6- 24 09:26 PM

ضروري بنات محتاجتكم .. علموني ببكي !!

انا سنه ثالثه دراسات

حامله مادتين من ثاني .. وعندي ثلاث الترم الاول..وللحين ماطلعت نتايج الترم هذا !

ابي اعرف وش مصيري .. اذا مانجحت في اختبار الحمل لاسمح الله!!

مع العلم اني كنت باقيه في ثاني وحملت مره ثالثه !!

هل رح يفصلوني !! :Cry111:

تكفووون

أميره بشموخي

2009- 6- 24 11:03 PM

رد: ضروري بنات محتاجتكم .. علموني ببكي !!

ابشري يالغاليه.. ولا تبكين ولا شيء..

بس اتاكد وأرد عليك..

:119:

البريئه

2009- 6- 24 11:45 PM

رد: ضروري بنات محتاجتكم .. علموني ببكي !!

فدييييييييييييتك والله

الله يسعدك ويخليك ويوفقك دووووووووم ..

استناااااااك ع احر من الجمر ّّ

أميره بشموخي

2009- 6- 25 12:11 AM

رد: ضروري بنات محتاجتكم .. علموني ببكي !!

طيب حبيبتي..

الحين انتي المواد اللي حملتيها من ثاني..نجحتي فيها..؟؟

واللي حملتيها الترم الأول..أول مره تحملينها يعني ماتكرر رسوبك فيها؟؟

وانتي خايفه من ايش بالضبط من عدد المواد اللي حملتيها والا لانك تخافين يتكرر الرسوب؟؟

وضحي لي اكثر الله يحفظك..

ربي زدني علمآ

2009- 6- 25 07:24 AM

رد: ضروري بنات محتاجتكم .. علموني ببكي !!

شوفي اهم شي ماتحملين هالترم مواد لو حملتي مااعتقد تفصلين بس تصيرين باقيه
الله يوفقنا يااارب وننجح

البريئه

2009- 6- 25 10:41 PM

رد: ضروري بنات محتاجتكم .. علموني ببكي !!

يالبى قلبك

المواد اللي من ثاني مانجحت فيها .. ورح ادخل اختبار الحمل في هذي الاجازه (اتوقع لي اختبار حمل)

ومواد ثالث اي اول مره احملها ..لاني مستجده فيها..وكنت باقيه بثاني ونجحت من ثاني وحملت المادتين اللي قلت لك عليهم

انا خايفه من الفصل !!

ابي اعرف كم فرصه لي في الحمل!!

في ناس قالولي الحمل مايفصلونك فيه بس يؤثر ع معدلك بعدين..عاد انا مايهمني المعدل اهم شي اني اكمل دراسه!!

واللي اعرفه انك اذا جلستي باقيه في السنه الواحده اكثر من مرتين هنا فصل ..!

بس عدد مرات الحمل في السنه الواحده ماعرف هل ممكن يوصل للفصل او لا !!

البريئه

2009- 6- 25 10:46 PM

رد: ضروري بنات محتاجتكم .. علموني ببكي !!

اقتباس:

المشاركة الأصلية كتبت بواسطة ربي زدني علمآ (المشاركة 457568)

شوفي اهم شي ماتحملين هالترم مواد لو حملتي مااعتقد تفصلين بس تصيرين باقيه
الله يوفقنا يااارب وننجح

انا ادري اذا حملت ماده وحده بس خلاص اصير باقيه لانه بيصير اكثر من ثلاث !!

بس انا اتكلم ع مواد الحمل اللي من ثاني .. اول مره كنت مستجده بثاني ورسبت بخمس مواد وصرت باقيه

ولما صرت باقيه نجحت بثلاث وحملت اثنين .. وطلعت لسنه ثالثه !!

كنت ابي اعرف عادي لو حملت المواد في السنه الواحده اكثر من مره !!

أميره بشموخي

2009- 6- 25 11:00 PM

رد: ضروري بنات محتاجتكم .. علموني ببكي !!

شوفي اختي البريئه.

الفصل مو سهل ..

واكيد كليتك الحين مثل نظام الجامعه عندنا

يعني فيه عندنا بنات حملوا الماده مرتين ومافصلوهم..بس انحرموا من المكآفئه..

بشكل اوضح مرتين ماراح يفصلونك بس بيحرمونك من المكآفئه ..طبعا الحرمان هذا على حسب المعدل اذا كان ناازل عن حد معين هم حددوه..
لكن لو رسبتي للمره الثالثه ييمكن يصير فصل..

لا تخافين حبيبتي..وادعي ربي يوفقك وتنجحين فيها..

وحاولي انك تفكرين في التفوق مو في النجاح وبس وبكذا ماراح تخافين لا من رسووب ولا من فصل..

بالتووفيق ..

:119:

البريئه

2009- 6- 25 11:15 PM

رد: ضروري بنات محتاجتكم .. علموني ببكي !!

لا ياقلبي احنا مو نظام جامعي

عندنا الفصل اذا جلستي في السنه الواحده اكثر من مره.. بس الحمل ما اعرف كيف !!

كم لي فرصه .. مادري !!

فديتك الله يعطيك العافيه ع اهتمامك

طالبة ادب

2009- 6- 25 11:27 PM

رد: ضروري بنات محتاجتكم .. علموني ببكي !!

اذا تبين اجابه تامه وصحيحه روحي للكليه واساليهم افضل من كلام البنات

All times are GMT +3. الوقت الآن حسب توقيت السعودية: 07:47 AM.

صفحة 1 من 2

عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه