ملتقى طلاب وطالبات جامعة الملك فيصل,جامعة الدمام - شعر لآ يغِرّكْ كِثيرْ آلصّمتْ وِ سْكآتي ..

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : لآ يغِرّكْ كِثيرْ آلصّمتْ وِ سْكآتي .. (https://vb.ckfu.org/showthread.php?t=392461)

لآ يغِرّكْ كِثيرْ آلصّمتْ وِ سْكآتي ..

متعب القلب قلي وش غلطاتي ,,
ان كنت انا اقدر اعدلها .. بعدلها ’’

لصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتي ,,
والصد بعدك ذبح روحي .. وكملها ’’

لا .. لايغرك كثير الصمت .. وسكاتي ,,
خل المشاعر تقول ( الآه ) وإسألها ’’

يسكني الحب .. واضح من عباراتي ,,
وش عاد لجلك حروفي لو أذللها ’’

عذبني الشوق واسرفت بخيالاتي ,,
روح ٍ تحبك دخيلك ليه .. تهملها ’’

ياليتك إشوي تشعر في معاناتي ,,
دنياك يمكن عليك تضيق باكملها ’’

الحزن كنه سفيري في علاقاتي ,,
والهم خيّم على حالي .. وطولها ’’

اغديت دربي وتاهت فيك خطواتي ,,
كل المواعيد مدري ليش تجلها ’’

سنين احاول وضاعت كل حيلاتي ,,
ماتدري اني ( حياة الذّل ) مقبلها ’’

لجيتك أسال وادوّر فيك ضحكاتي ,,
كنك تعمد بيديك اليوم .. تقتلها ’’

لا تترك الظن يلعب باحتمالاتي ,,
الكلمه اللي تحزّ بخاطرك .. قلها ’’

تعال شفني وحس بحال لوعاتي ,,
كن الدقايق بدونك عام مطولها ’’

متى التباشر بقدوم ( الغلا ) تاتي ,,
فرحة زماني بشوفك ما تخيلها ’’

خلاص صبري تعدى كل هقواتي ,,
اتعبت نفسي ( اعزيها .. وعللها ) ’’

ابيك تنسى وتدمح كل ( زلاتي) ,,
بعض البشر صعب مانقدر نزعلها ’’

والحين جيتك ابمسح كل غلطاتي ,,
دنياي دونك ( ياا ........ ) وربي ماتحملهــــــــا !! ,,