|
الجامعه ماتطمِـن ابد!! الكل يشتَكيِ ويصييح
السلام عليكم
راح اختصر عليكم انا قدمت طلب بس باقي ما ارسلت اوراقي ( يعني لسه انا في البر ) !! القسم كله شكاوي و صياااح وكثير انسحبو من الجامعه والبعض قال ان الشهاده مو معترف فيها .. بأمانه وبذمتكم قولولي الصدق ارسل اوراقي و التحق بالجامعه؟ ولا انسحب من الموضوع ؟ هل الشهاده معتمده وينظرولها بعين الاعتبار لما ابغى اتوظف؟ ولا هذي بس شهاده بالاسم بس وماراح استفيد منها ؟ هل الدراسه بهالنظام سيء ولا يمشي الحال ؟؟؟ قولولي الصدق انا كنت متحمسه جدددااااا لكن لما شفت القسم احبطت وسرت بين نارين وافكر كثييييير |
رد: الجامعه ماتطمِـن ابد!! الكل يشتَكيِ ويصييح
استخيري الله.
|
رد: الجامعه ماتطمِـن ابد!! الكل يشتَكيِ ويصييح
أجل ما شفتي شي
انتظري إلى نهاية الاختبارات وراح تشوفين العجب |
رد: الجامعه ماتطمِـن ابد!! الكل يشتَكيِ ويصييح
استخيري اولا . . :16:
ثانياً (ارضاء الناس غاية لاتدرك ) ، مثل مالقيتي شكاوي وصصياح ، بـ تلقين المؤيد والشاكر للجامعه . . وانا وحده من الشاكرين للجامعه ، الحمدلله هذي آخر سنه لي وماقد تعقدت آموري بهالجامعه . . :42::17: صح آحيانا تصير مشاكل بالنظام ويتأخرون بتنزيل المحاضرات والمناقشات ... الخ ، بس مايظلمون احد بالدرجات او شي اذا ماقدرتي تدخلين ع النظام . . والشهاده الكل قال انها معترف فيها ، وقبل هذا كله قارني انتساب جامعتنا ، بالجامعات الثانيه وبتعرفين الفرق . . و اذا تبين نصيحتي ، ارسلي اوراقك وانتي متطمنه . . :27: و آسسفه ع الهذره الزايده :5: موفقه يَ رب . . :29::21: |
رد: الجامعه ماتطمِـن ابد!! الكل يشتَكيِ ويصييح
حسب رايي المتواضع
1- ركعتي الاستخارة 2- الجدية والطموح 3- المحاولة والاقدام 4- ارسلي اوراقك وابدي المشوار دون التفات لكلام المثبطين مع اصدق امنية لك بالتوفيق |
رد: الجامعه ماتطمِـن ابد!! الكل يشتَكيِ ويصييح
كل المشـآكل بالنظـآم هو اللي يحوسنا شوي
وطبعا هالشي عند الغالبيه اذا ماصار الكل وغيره لا :29: |
رد: الجامعه ماتطمِـن ابد!! الكل يشتَكيِ ويصييح
يعني المشكله بس بالنظام ؟!
يعني الوضع تمام من ناحية الدرجات وانو مافي ظلم ؟ انا مثل صاحبة الموضوع لسى ببر الامان :24: |
رد: الجامعه ماتطمِـن ابد!! الكل يشتَكيِ ويصييح
والله ياحبيبتي الناس كثير يتشكون ولايشكرون ويحمدون ربهم مابي شي بهالدنيا كامل ! غير كذا ابن ادم طماع يبون كل شي على كيفهم !! من ناحية الظلم لاوالله مافي ظلم بأذن الله والجامعه مريحه غالباً للي عندهم ظروف شوي وعلى فكره الكلام السلبي اللي تشوفينه مايكثر الا اذا قربت الاختبارات البعض مهمل وينتظر لين الاخير ويجي يشتكي النقطه الوحيده اللي ممكن تكون متعبه انو النظام احياناً يعلق ويتأخرون في تنزيل المحاضرات وغيرها ولا باقي النواحي اللهم لك الحمد والشكر مافي صعوبات ابداً |
رد: الجامعه ماتطمِـن ابد!! الكل يشتَكيِ ويصييح
أختي العزيزه
في ناس كثير بطبعها مايعجبها شيء وكثيرة تأفف ومن مشكله بسيطه يسوون من الحبه قبه فماعليك منهم والله الأمور فوق الممتازه وطلب العلم شيء جميل وكبير ولاتنسي جامعه حكومية سعوديه وخطوة قوية إنك فكرتي بالإنتساب وأنصحك بالتوكل على الله ثم الإستمرار في انهاء إجراءتك والقبول وحياك الله أخت وزميلة |
رد: الجامعه ماتطمِـن ابد!! الكل يشتَكيِ ويصييح
توكلي على الله وكملي معانا بالجامعه وين بتروحين يعني
انتي شايفة الجامعات الاهلية كيف اسعارها ناااار حتى كل سنة تزيد بمبلغ وقدرة شئ يجيب الصدمة بقووة من 4000ريال بالترم الى 8000ريال :4: جامعه فيصل عريقة وجامعه الملك عبدالعزيز وجامعه الامام ايضا وكلها ممتازة ولله الحمد المشكلة بالنظام البلاك بورد بطئ والجامعه ماقصرت وساهمت بتطورية نتيجة للضغط وكثرة الطلبة وانتي شايفة هنا الطلبة اغلبهم متعاونين ويساعدون ويلخصون ويترجمون ويشرحون لبعض ولله الحمد والمنة ربي يوفقهم ويوفق الجميع للخير كملي وين بتروحين الدبلومات صارت مجرد مكملة للشهادات الجامعية الا اذا بتروحين ابتعااث هذا شي ثاااني :21::21::21::21: شهادة الدراسة عن بعد معترف فيها ولله الحمد والمنة تعوذي من الشيطان وصدقيني كلنا كذا قبلك في البداية نتيجة الخوووف :34: ربي ييسر لك كل عسير وللمسلمين في كل مكان :1: |
| All times are GMT +3. الوقت الآن حسب توقيت السعودية: 10:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه