|
أدري ان طولت عليكم بس مو بيدي والله
السلام عليكم والله صارت لي ظروف وغير كذا موضفه ولا قدرت ادخل ادرس او اسوي شي الحين هل يمديني اتابع واحل واجبات والمناقشات والله موبيدي غصب علي وربي وش الحل اكلم الجامعه ولا تقدرون تفيدوني ابي الحق وادرس واحمل محاضرات ودرجات البلاك بورد تكفووون دلوني وش اسوي والله يجزاكم خير ............ويعلم الله انكم وحشتوني حيل
|
رد: أدري ان طولت عليكم بس مو بيدي والله
اهلين اختي منوووووو ..... اولاً :الله يكون بعونك ويعينك على ضروفك وصدقيني الكل عنده ضروف بهذه الحياة ثانياً : اكيد يمديك تلحقين على الي فاتك بكل سهوله صدقيني فيه ناس للحين مابدو بالدراسه اعلمك وش تسوين ابدي هذا الاسبوع في حل المناقشات لكل ماده وحل واجباتها كلها ساعتين ونتي مخلصه منهم كل السالفه نسخ ولصق :8: بعدين امسكي المحاضرات حمليهم يومين الى ثلاثه ايام يكفى لتحميل كل المحاضرات بكذا بتكونين دخلتي مع الطلاب بجواء الدراسه يبقى عليك المذاكرة عاد انتي وطريقتك تحبين تشوفين المحاضرات ولا تكتفين بالملخصات والمحتوى مثل وضعي :13: ومعاك وقت كافي جداً لاتحاولين تضيعين على نفسك هذا الترم اذا عندك رغبه في الدراسه الله يوفقك ويوفق الجميع |
رد: أدري ان طولت عليكم بس مو بيدي والله
وعليكم السلام اول شيء حلي الواجبات وان شاء الله يمديك تخلصينها اليوم وكما المناقشات وتخلصينها ان شاء الله اليوم بعد ماتخلصينها كل يوم افتحي ماده واحده وحملي جميع محاضراتهااا الين تخلصين هي 6 موواد خلصتي
افتحي المحاضرات المباشره من جدول المحاضرات الحين اخذنا مرتين محاضرات مباشره خلصتي كل هذا امسكي المواد اللي يبلها فهم زي الرياضيات وافهميها واطبعيها وافهمي معه والمواد الحفظ اطبعيها وذاكريهاااا واذا تبين تختصرين الوقت البنات الله يجزااهم الجنه نزلوها في مكتبة الهندسه بالفيصليه قدام سوبرماركت الضاحيه عند الضغط العالي طبعا مو كامله المحاضرات بس اللي خلصوهاا وان شاء الله يمديك وبالتوووفيق |
رد: أدري ان طولت عليكم بس مو بيدي والله
مثل ماقالو لك وان شاءالله بتلحقين
اهم شي شوفي محاضرات الرياضيات والمحاسبه هذولي اهم شي والله يعينك |
رد: أدري ان طولت عليكم بس مو بيدي والله
الله يوفقك يمديك بس انتي هدي بالك
|
رد: أدري ان طولت عليكم بس مو بيدي والله
زي ماقالو الاعضاء يعطيهم العافيه :2: وان شاءالله يمديك وبالتوفيق لك وللجميع:2: |
رد: أدري ان طولت عليكم بس مو بيدي والله
اقتباس:
# حبيت اسال الملخصات اللى في المكتبه نفس ملخصات الدكاتره والا لاء ؟!! وشكراً..:1: |
رد: أدري ان طولت عليكم بس مو بيدي والله
نفسهم بس مخليينها بالوورد للتسهيل طباعتها |
رد: أدري ان طولت عليكم بس مو بيدي والله
سبحان الله توي حاط موضوووووع عن نفس المعاناااه
أثاري الشله كلهم ما بدوا للحين مسيت بالخير ابونايف ...... ما عرفت الا أنت ... شكل الباقين مغيرين المعرفات مع المستوى الثاني (يابلفيت تموييييه ) ههههه |
رد: أدري ان طولت عليكم بس مو بيدي والله
وعليكم السلاام :1:... يمدييييييييييييييك تلخقين انا مثلك بالتمام مافتحت ولا محاضره ولا اي شي عاد من كم يوم قررت افتحهم واشوف والحمدلله محاضره تسحب محاضره لين الله يفرجهااا :8:!! ابد لا تقلقين اغلبنا توه يبدا ! . واما بالنسبه للمناقشات والواجبات ابد ما يبيلها شي كلها نسخ ولصق ! ... وخصصي لك كل اسبوع ماده صدقيني بينفعك كثيييييييير:21::21::21: ابدي بالاسهل ثم الاسهل شوي لين الاصعب عشان يفتح نفسك:3: للمذاكره هذي طريقتي :17::19::29: والله ييسر لك وييسرلنا جميع:16:
|
| All times are GMT +3. الوقت الآن حسب توقيت السعودية: 12:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه