بحكيلكم قصتى علشان تعرفون الدناءه بكليتنا العزيزه

انا باقيه رابع عندي ثلاث مواد الترم هذا جيت يوم السبت ادور اسمي بالقاعات ومالقيته طبعا احنا مو داخلين بنظام البنر للتوضيح

توجهت للكنترول قالولي انتي اسمك الكمبيوتر ومركز المعلومات مو راضي يتقبلونه كل مادخلنا اسمك يطلع لنا اسم ثاني طبعا الاسم

الثاني مزيف ولا يمت لي بصله وقاموا يسألوني انتي مغيره اسمك قلت لا قالوا خلاص ادخلي الامتحان واكتبي على الورقه الاسم الثاني يعني ما يبوني اكتب على ورقة الاختباراسمي الحقيقي

المهم امتحاني الثاني كان يوم الاثنين رحت الكنترول الصباح وجبت معي بطاقة العائله علشان يشوفون الأسم ويتأكدون اني مو البنت

وتعالوا شوف التهزيئ فيني انتي مغيره اسمك واربشتينا من يوم السبت وانتي مدري ايش وايش

طبعا حملوني المسؤوليه يقولون شهادة الثانوي حقتي مكتوب عليها الاسم االمزيف اللي عندهم انكروا وجودي بالكليه

طلعت من عندهم وانا أشوف الدنيا سودا من القهر دخلت الامتحان كانت الأسئله مثل المويه بسيطه والله تنحت قدام الورقه ربع ساعه ولا قدرت اكتب شيء من القهر والتوتر اللي فيني واجوبتي خرابيط واكتب ومدري وش اكتب ع الورقه ماصرت اقدر اشوف شيء ولا افكر بشيء كل المعلومات طارت ولا كأني مذاكره ايقنت لحظتها انتي بحمل هالماده حسبي الله عليهم

توجهت بعد ماسلمت ورقتي الى الكنترول طبعا قالولي بكل بساطه معليش احنا غلطنا في بنت ثانيه ملخبطين بينك وبينها ولقوا ملفي الحقيقي ومعليش غلطه من غير قصد ومن هذا الكلام والسبب ان اسمي يشبه اسمها


حسبي الله ونعم الوكيل عليهم امتحان اليوم برسب فيه والسبب استهتارهم وغلطتهم اللي حملوني ذنبها بالبدايه بعدين اكتشفوا انها غلطتهم

مع العلم ان البنت اللي اسمها يشبه اسمي مافي تشابهه بين اسمائنا الا اسم الاب محمد والعائله فقط

الاسم الاول واسم جدي وال فلان يختلف تماما عنها

وش رايكم مو شيء ينرفز !!!

ماأقول غير

حسبي الله عليهم ونعم الوكيل

حسبي الله عليهم ونعم الوكيل

حسبي الله عليهم ونعم الوكيل

حسبي الله ونعم الوكيل

الله يكون بعونك اختي .. وان الله شاء تعدي هالمادة ..