|
محتاجتكم .. بخصوص المذاكره + المناقشات
السلام عليكم ورحمة الله وبركاته
صراحه ماعرف من وين ابدا .. انا طالبه مستجده وحليت الواجبات وحملت المحاضرات والحمدلله بس لسا مابعد شفتها .. ولا اعرف ايش هي المناقشات او كيف طريقتها وحلها .. وايش فرق النظام الافتراضي عن البلاك بورد .. وين القاه هذا الافتراضي :( والله يجزاها خير ويرزقها من حيث لا تحتسب ( ملكه + اشواق ) انا اسفه اذا لخبطت الاسماء او نسيت احد بس ربي يحقق لكم الدعوات .. ولا اعرف كيف اذاكر او من وين ابدا او ايش اطبع يّ ليييت احد يساعدني وماله الا الدعوات انا محتاجه للمساعده جدا .. واييه بعد كل الواجبات 3/3 والحمدلله بس الرياضيات حليته من نظام البلاك بورد ولا فيه صور :( وطلع عند 30/20 |
رد: محتاجتكم ..
جار الرد
|
رد: محتاجتكم ..
اولا مرحبا ثانيا الامر سهل جدا كبرها تكبر صغرها تصغر بالنسبه للمذاكره اولا بعد تنزيل المحاضره حطي قربك المحتوى او الملخص ولفرق بين المحتوى والملخص ان المحتوى يتركز على كلام الدكتور الملخص يتم تلخيص الكتاب مع كلام الدكتور وبشكل مختصر ومفيد وافضل لك اذا كانت المادة نفس الدكتور وله ملخص استخدمي الملخص اعملي لك جدول بحيث ما تنتهي اجازة العيد الا ذاكرتي كل الي فاتك مثلا
كل يوم مادتين او ثلاث على حسب وقتك المتاح المهم ما تجي بدايه الدارسه الا خلصتي السبع محاضرات لكل مادة برضو معليش اضغطي نفسك الايام هاذي عشان تلحقين الركب ودائما خلي البدايه بالاسهل عشان ترتفع روحك المعنويه جدا جدا والاسهل على ما اعتقد مبداء الادارة وحطي معها اقتصاد اول شي عليك بالتوكل على الله ثم الدعاء الدعاء الدعاء الدعاء ثم اقري ملخص المحاضره الاولى بشكل سريع ثم شاهدي فديو المحاضره من الدكتور وخلي قربك قلم رصاص عشان اضافه من الدكتور او اي شي تحطينه بشكل ملاحظة بالملخص خلصتي مشاهدة المحاضر روحي في مكان هادي ورايق وكاس شاي وحفظي صم يعني مثل اسمك لاتقولين افهم بس لابد من الحفظ الصم تحفظين الكتابه حاولي كل شي تحفظينه تكتبينه عشان يثبت الحفظ ومن باب التوع في تثبيت المعلومات ايضا اسخدمي الاقلام الفسفوريه للتلوين الان الالوان تثبت الحفظ وترسخه في المخ خلصت المحاضره الاول مبداء الادارة وحفظتيها خذي راحه عشر دقايق ثم ادخلي على الافتراضي شوفي المناقشه تبع المحاضره الاولى طعبا افتراض وبلاك كلها سيان لافرق ولكن الاسهل في التعامل افتراضي شوفي اسئله المنقاشه وجاوبيها في ورقه وقلم خارجي مهم مهم قبل تكتب الجواب بالافتراض تراجعين المنتدى هنا قسم حل المنقاشات تشوفين اجوبتك نفس الشي اوكيه ولا حطي الاجوبه الي بالمنتدى عشان لاتضيع عليك الدرجات كذا مريتي بالتالي قراءه سريعه مشاهدة مذاكره حل اسئله بعد كذا كاس شاي ولابد بين كل 45 دقيقه مذاكره تاخذين قسطا من الراحه ثم المحاضره الي بعدها طبعا اول الايام تحسين راسك مصدع والحفظ صعب اشوي اشوي تصيرين طياره بالحفظ والامر سهل مع الاصرار و العزيمه الامر سهلاات وعقبال الدكتوره ومعليش عقبت مع العلم بوجد من هو افضل مني في نصحيه نصيحه نصحيه الي تحفظينه راجعيه قبل 24 ساعه كل يوم لما يثبت حفظك بعد كذا خليه كل ثلاث ايام ثم كل اسبوع ما يجي الاختبار الا انتي شاربه الماده مثل الماء لاتقولين احفظ وتسحبين على المراجعة والان اترك المجال لمن هم افضل واعلم مني يضيفون المزيد |
رد: محتاجتكم ..
اقتباس:
ي هلا بك , استهدي ب الله كلّنا كنا مثلك وتعلمنا الإفتراضي والبلاك بورد نظامين تحسب فيهم الدرجه عادي سواء أعتمدتي ع البلآك بورد أو الإفتراضي [ يُفضّل إستخدام الإفتراضي ل الواجبات والمناقشات عشانه أسهل ] وأكتفي بواحد منهم المذاكره من المسجله + المحتوى/ الملخص ع حسب الماده : موضوع أخي شخصيه بيفيدك وبخصوص المناقشات تلاقي موضوع مثبت لها موفقه |
رد: محتاجتكم .. بخصوص المذاكره + المناقشات
لاتخافين ياحلوة توكلي على بس اهم شي سويلك جدول للمذاكره امشي عليه واطبعي الملخصات والمحتويات بتفيديك كثير في مداكرتك.
وبالنسبه للواجبات والمناقشات حاليا نازله بالافتراضي حليها وحده وحده بس الافضل تستعجلي عشان ماتروح عليك العشرين درجه وبامكانك تلاقي حلول الواجبات والمناقشات في الملتقى بس سوي نسخ ولصق وفيك ترجعين لها بعدين عشات تفهميها. بالنسبه للافتراضي تدخلي على موقع الجامعه بعدين تروحين لبوابه التعليم عن بعد تدخلين على ايقونه نظام التعليم الافتراضي ادخلي رقمك الجامعي + رقمك السري بتلاقي الصفحه الخاصة فيك وفيها كل اللي تحتاجينه من مقررات وواجبات ومناقشات. حلي كل الواجبات والمناقشات اللي نزلتلك وحملي محاضراتك نصيحه خليك مع الطلبه والطالبات في الملتقى وادخلي مواضيعهم وشاركي صدقيني بتستفيدين اكثر. وبالتوفيق ان شاء الله :2: |
رد: محتاجتكم .. بخصوص المذاكره + المناقشات
عزيزتي wao اول شي لا تلخبطين نفسك شوي شوي وبتفهمين كل شي كنا مثلك وتعلمنا والحمدلله حل الواجبات والمناقشات من التعليم الافتراضي وهذا رابطه http://del2.kfu.edu.sa/vls/Login.aspx او من البلاك بورد بس ما انصحك فيه الا في المحاضرات المباشره بس وهذا رابطه http://lms.kfu.edu.sa/ ثانيا هناك 6 مناقشات نزلت لكل ماده وواجب واحد لكل ماده وحلولها في هذا الرابط http://www.ckfu.org/vb/t358378.html وبالنسبه للملخصات والمذاكره من هذا الرابط http://www.ckfu.org/vb/t374926.html وهنا الدخول على الخدمات الطلابيه الي فيها كل مايتعلق بالطالب وهذا رابطه http://del.kfu.edu.sa/entisab_app/index.asp للمعلوميه فيه مواضيع مثبته بتفيدك وتنورك كثيييييير :16::16::16: |
رد: محتاجتكم .. بخصوص المذاكره + المناقشات
السلام عليكم ورحمة الله وبركاته اختي الكريمة ، ابدئي بسم الله وتوكلي على الحي القيوم وكل شي بيتسهل ان شاء الله بداية ، في الصورة من هنا تدخلي على الأفتراضي او البلاك بورد الأفضل تدخلين من الأفتراضي لأنه مرتب اكثر ، فقط لتحميل او مشاهدة المحاضرات المباشرة استعملي البلاك بورد ثانيا للمناقشات والواجبات ، الأخوان والأخوات هنا الله يجزاهم خير مسهلين الأمور علينا كثير الله يجعلها في ميزان حسناتهم ومن هذا الرابط بتلاقي موضوع للأخت اشواق فيه حل جميع المناقشات والواجبات اول بأول ثانيا ، في هذا الرابط بتلاقي موضوع لأخونا شخصية مجهولة فيه الملخصات اللي تحتاجيها للمواد ثالثا ، في هذا الرابط طريقة كيف نسخ المناقشات اللي في موضوع الأخت اشواق وتضعيها في منتدى الحوار لكي تحسب لكي مشاركة والأمور سهالة ، المهم نزلي المحاضرات ، وشاركي في المشاركات وحلي الواجبات الثلاثة لكي تضمني الـ 30 درجة ، والباقي يتسهل ان شاء الله بالتوفيق ،،،،،،،،،،، |
رد: محتاجتكم .. بخصوص المذاكره + المناقشات
ياه يّ حبيييييييلكم .. الله يسعدكم على تعاونكم معي ولا يضيع لكم اجر :1::1: *
|
| All times are GMT +3. الوقت الآن حسب توقيت السعودية: 12:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه