|
لحظـة الانتظـار
ياصعبها حيل مره لحظـة الانتظـار ***** الاقام يلعب ابحسبانك غـرام وولـه تعيش في وقتها مابيـن جنـه ونـار ***** تحتار تطري على بالك كثير اسئلـه والموت لاصار من تهواه ماله قرار ***** ماله مواعيد ميعاد الهـوى ماشغلـه مدللن في حياته فيـه طيـش وقـار ***** فيه التغلي يعرف الخاطـرك يجهلـه ترفن تغارالصبايا من ترفـه ويغـار ***** مغرور معذور جاه الزين من اولـه الليل شعره لوان الليل عنـده نهـار ***** ضافيه كافيه ذعذاع الهـوى يجفلـه والعين عين اشقرن طلعه بعيدن وطار ***** سوداء وسيعه حسدها الميل والمكحله مرتب الطول خصره تشتهيه الامهار ***** رويان عوده من شطوط الرخى منهله عجزت لملاء بوصفه ساحة الاعتذار ***** الا انه اللي بزينه صار ماهو الهلـه هذاك له عند قلبي والقصيد اعتبـار ***** هذاك فتنة زمانـه والحشـا مدهلـه اغليه واقطع لاجل عينه بعيد الديـار ***** واتحمل الوقت لاجل ارضاه واتحمله منقول ( للشاعر / زعــــــــل الرشيـدي ) |
رد: لحظـة الانتظـار
"" أوراق الزمن "" ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. جاني قصيد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه فـ بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر .. الأمير بدر بن عبد المحسن ,,, أتمنــــــــــــــــى تعجبكــــــــــــــــــــــم !!!! |
رد: لحظـة الانتظـار
قواك الله يا مبدعنا............. :29::2::2::2: |
رد: لحظـة الانتظـار
والموت لاصار من تهواه ماله قرار ***** ماله مواعيد ميعاد الهـوى ماشغلـه
رائعه كل الشكر يالكويتي |
رد: لحظـة الانتظـار
اقتباس:
وصح لسانك ولسان قايلها |
رد: لحظـة الانتظـار
اقتباس:
ربي يسلم قلبكِ غاليكِ ومغليكِ ياخيّه .. لاهنتي ولاعدمنا تواجدكِ .. دمتي بخير |
رد: لحظـة الانتظـار
اقتباس:
ذوقكـ الأجمل بحضوركـ الذي لا يمل .. صح قلبكـ ودام نبضكـ ورفع الله قدركـ .. لاعدمنا تواصلكـ الراقي .. دمتي بخير دائماً |
رد: لحظـة الانتظـار
"" عز الكـــلام ""
عز الكلام .. عز البكا والإبتسام .. عز العتاب ويا العذاب .. حتى الندم ذاب والأمل أصبح عدم .. لما خلت كل الدروب .. لما إنطوت .. شمس الغروب .. وضيع معاه قصة هوى .. وعز الهوى حتى على أهل الهوى عزت على عينه الدموع .. عند الوداع سلم يإيده للهوى .. سلم وضاع .. تحت الليالي ضاع وانتهيت .. يا حب غالي .. وضيع معاه قصة هوى .. وعز الهوى حتى على أهل الهوى .. ياما إبتسامه عاشت زمان .. في عيون حبيبي .. ذبلت في يوم .. وياما الملامه .. قست حنانفي قلب خايف .. جرحه يهون وياما الهوى عذب كثير .. لكن بقي فرحه كبير إلا حبيبي .. عزت عليه .. دمعة وداع تملا عينيه .. الامير بدر بن عبد المحسن...:2::2: |
رد: لحظـة الانتظـار
يخليك ربي اخوي الكويتي1:34::34: .................. بس ويييين القصايد اللي تتحفنا فيها...؟؟؟؟؟؟؟؟؟؟؟
|
رد: لحظـة الانتظـار
الله يحفظك اخوي ويخليك.. مبدع ومتميز كعادتك.. لك آرق التحايا... |
| All times are GMT +3. الوقت الآن حسب توقيت السعودية: 05:03 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه