يـاعـهـود...
 

ياعهود خلي بـاب الاحـزان مسـدود
لاتفتحيـن البـاب تكفـيـن خلـيـه
لاتفتحيـن الجـرح وايامـه الـسـود
ولاتقربيـن القلـب مافيـه مكفـيـه
الكون موحش والفضا ضـاق ياعهود
والنفس من زود الألـم صابهـا تيـه
العمر لحظـه والبقـى قبـر ولحـود
والحزن غابه وغاير الجـرح يغريـه
إن قلت مابي شـي وايامـي سهـود
تفضحني العبره الـى قلـت وابكيـه
ويطيح مزن العيـن عنقـود عنقـود
لامن طرالي بالزمن بعـض ماضيـه
أيـام فاتـت ياهـي أيـام وعـهـود
ماكنت أحسب العمـر تبخـل لياليـه
ياما زرعـت بصفحـة أيامـي ورود
وياما جنيت الشـوك وايـدي تسقيـه
وقتي كسرني ماعـرف فينـي حـدود
أربع جهـات تشوهـت منـه تشويـه
وسميني الحرمـان وعيونـي شهـود
طلـي بهـا شوفـي قسـاه وتجنيـه
مره شربته وابيـض القلـب مولـود
ماله على حمل الألـم صبـر ينجيـه
وجروحي اللي كنهـا طلـع منضـود
تكبر مساحتهـا وانـا امـوت واتيـه
ويصيح حرفي آآآه من قلـب ياعهود
وغيـري يقـول الله يابنـت غنـيـه
واسكت وانا في داخلـي نـار بـارود
لهيبهـا يسـري مـع الـدم شوفيـه
صار النفس دخان والنـار فـي زود
تسعر بجوف (ن) مجمر الهـم يكويـه
وقلبي اللـي بالشقـا صـار موعـود
كنه على جمر الغضـا عاقـد ايديـه
وعيني اللي تسكـب الدمـع وتجـود
عبايرنً لـو مـرت طويـق ترويـه
وأكلي اللـي صـار ضايـع ومفقـود
مابين عمر(ن) مات وجـروح تحييـه
ودام الحكي ياعهود لـي فيـه منقـود
خلينـي أبقـى ساكتـه دوم مااحكيـه
ومهما حكيت وقلـت للنـاس ملهـود
الجمر مايحرق سوى رجـل واطيـه
الصبر كنه عن خفا القلـب مطـرود
مهـدور دمـه والتناهـيـت تنعـيـه
يالغاليـه وان شفتـي الحـال مهـدود
لاتسأليني ليه ؟ وش صار ! وش فيه!!
الله كفيـل يبـدل الـحـال وتـعـود
للخافـق المحـروم بسمـة آشافـيـه
وقلب(ن) مقيد من عنا الوقـت بقيـود
لابد من يوم(ن)عنا الوقـت يجفيـه

رد: يـاعـهـود...
 

رد: يـاعـهـود...
 

رد: يـاعـهـود...
 

جميييييييييييييل جدآآآآآآآآآآآآآآآآآآ

يعطيك العافيه

رد: يـاعـهـود...
 

رد: يـاعـهـود...
 

رد: يـاعـهـود...
 

نواف الله يسلمك...
وأسعدني تواجدك في متصفحي البسيط ....
ودمت في حفظ الله ورعايته..

رد: يـاعـهـود...
 

آآتعبني غلاآآك الله يعافيك وأسعدني تواجدك...
الله لايحرمني منك ومن تواجدك الرائع...

رد: يـاعـهـود...
 

ماتعمدت الرحيل
أهلآ بك في متصفحي و الاجمل مرورك
لك مني عذب التحآيآ

رد: يـاعـهـود...
 

أسعدني تواجدك..

فلك الشكر
على أطلالتك الرائعه ..

دمت بمحبة و وفاء .....
ولك اطيب تحية