ملتقى طلاب وطالبات جامعة الملك فيصل,جامعة الدمام - شعر لآ تفرح ان الوقت أسسعدك وَاعطآآك

لا تفرح إن الوقـت أسعدك واعطاك = لابــد مـا ســود اللـــــــيالي تبكيـــك
دنــــــيا تقـلـــب علــهـا مـــاتــولاك = تمسي عزيز وتصبح من الصعـاليك
إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك
اغنم من صروف الدهر كانه امداك = قبل اللحد عن ظاهر الارض يخـفيك
وترى التشكي للمخاليق يشــــــنـاك = يحـط من قـدرك ويفـرح امــعــاديـك
وكـثر التـشره يجعـل الناس تجـفـاك = ولا عــاد تلـقى بيـنهـم من يخــاويك
ولا تـمادى في زعـل من ترضــــاك = مادام جاء عاني على شان يرضـيك
ولا تخــاوي من عـلى ابوه بـــــداك = هذاك وان طال الزمان يغـدر فـيـــك
والـجـاهـل احـذر لاتجـادلـه يـبــلاك = في كـلـمة بين الـمخـاليـق تعـمـيــك
والهـرجة العـوجى لو أنه تنصــــاك = حـاول تجـاهـلهـا وخــلـه تـعـــديـــك
ولاتخـيـب هـقـوت اللي تـهـقــــواك = مادام جاء بين المخاليق ناصيـــــك
واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك
ولاتفرح بزودٍ على الحق وان جـاك = زودك ترى نقـصٍ على حق ذوليـك
وخل القناعه ميزةٍ من مـــزايـــــاك = مـع الـقـناعـه كــل شـيٍ يـكـفــيـــك
وان جت لك الدنيا على غير مشهاك = اصبر ترى بالصبر تدرك امانـيـــك
ولا تامن الدنيـا تـرى الوقـت فتــاك = لي جاء القـدر كثـر الحـذر ما ينجـيـــك