ملتقى طلاب وطالبات جامعة الملك فيصل,جامعة الدمام - [ يستحق القراءه ] : محاوره قديمه (الشااامخ **معطاب)

- قصائِدكم و خواطركم [ خاص ] (https://vb.ckfu.org/forumdisplay.php?f=344)

[ يستحق القراءه ] : محاوره قديمه (الشااامخ **معطاب)

اعتبر محاوره وتجربه شخصيه جديده في هاذا الملتقى ,, حبت اجاري شوي اخوي الشاعر معطاب

واستفيد من حضوره ومن شاعريته ,,

البدايه مني باللون البني واخوي معطاب بالون الازرق,, اتمنى تنال اعجابكم

______________________

معطاب يمك رميت الثوب والغتره ** وان كان ودك رميت الورد والكادي
الله يظفي علينا بالامن ستره ** بافصل الثوب دامك عارف مرادي

يالشامخ ابشر بعزك داملي قدره**وانا لعينكككك ترى للموت ورادي
الله يعط النعم من زاد في شكره *** وانته تقدم وهات العلم يالبادي

بوجودكم يالنشاما تضبط السهره ** والعلم واضح من البارح ومن غادي
اقرب من الدرب دامك عارف الجره***من يمكم ما يبيح السد والوادي

ابك البقاء يامرحب والوفاء قدره*** بين النشاما كبير وربنا الهادي
انا قريب واعرف الباع من شبره ** واعط الحقايق وللجزلات مرتادي

انامن العاربه وانته من الخبره **يااللي تصيد العرب حولت منصادي

انته قريب وعرفك بالبحر قطره ** وانا على الشعر متسيد ومعتادي

الحر لاتقربه ياهيه في وكره ** والشعر للي سواتي غصب ينقادي

كب الشعر والعب الحقرة مع البقره*** مالك ومال القصيد وورث الاجدادي

يا خوي انته ترى عشره على عشره **و شلـون حالك بعد ما يقـدح زنـادي

الخـير واجـد و انـا فارش لـك الـسفـره** واقول لك مرحبا على الملح والزادي

عز الله اللي سواتي طال به صبره *** وبعض العرب فوق راسه جاب الاعيادي
لاتدحم الضلع وانته منته بكبره *** ثم يتهايل عليكم يابن الاجوادي

ان كـان ودك نـخلـي اللـيل مغــتره **لاتدخلك شكتاً ترا الوضع عادي

وان طعتني مر مكه واخذلك عُمره** يمكن تجينا بعدها خير قصادي

يالشامخ القرم مانته وازرن وزره *** اخذ الحقيقة وانا بالحق معتادي
وان طعتني سر ليلك ياولد واسره*** ابحر وخلك علم من فوق الاشهادي

واللي تعجب علامي غايب فتره ** قله ترى منصدم يا شمعه فوادي
ودي تـعـذر وودي تـقـبل العـذره ** لو كان جرحي عميق ماله ضمادي

صم ياولد والجزيل انصحك تحتكره *** خابرك قد الهقاوي يابن الاسيادي
والجرح لامن برى فالعمر لاتكره *** اعلاجك اللي يسمى طب الاكبادي

معـطـاب حـنيـت للـقيفـان مـن بـكره ** وانا غـرامي لـها يـكبر و يـزدادي
انتـه تـداوي الجـروح وحـالتـك قـشـره** وانـا لـقيـتك عـلى دلــه وبـرادي

يامرحبا وانت مثلك ينقبل عذره ** وافي ولك بالوفاء مبدا ومقعادي
واللي سواتك ونحب ونعشق لشعره**والشعر حنا شيوخه لا احتدى الحادي
؟
؟
؟

وسلامتكم