|
بخصوص الرسوم
خواتي الله يسعدكم الحين الرسوم تبع الترم الواحد 2500 ريال صح اي ماكان القسم لاني اسمع البنات الي تقول دفعت 2800 والتانيه 3000 انا والله مافهمت شي ابد لاول مره ادخل الجامعه والمشكله اني ماعرف احد ابد فيها انا خلاص سددت رسومي هالترم يعني باذن الله راح يكون الترم التاني نفسه ادفع 2500 وبعدين مافهمت الي تقول عدد الساعات بالله الي عنده خبر لا يبخل علي الله يسعدكم:24::24::24:
|
رد: بخصوص الرسوم
الترم الاولى الي هو المستوى الاولى
2485 ريال المتسوى الثاني والله ماأدي اذا احنا نسجل المقررات او تنزل لوحدها عندك الساعة 165 ريال اوك وعندك مثلا 8 مواد مجموع ساعتها 15 تضربي 15 * 165 ويطلع لك الرسوم وكذا على حسب المقررات الي تسجل لها تشوفي الماده ساعة ولا ساعتين زي عندنا النحو التطبيقي 1 ساعة واحد تضربيها في 165 يعني راح تختلف عدد الرسوم على عدد الساعات الي مسجلتها اتمنى اكون أفتدك وان شاء الله يجي الي يفيدك اكثر مني موفقة :2: |
رد: بخصوص الرسوم
بالله عليك وربي ماكنت ادري يعني ممكن يطلع الرسوم اكثر من هالمبلغ والله لو كنت ادري ماكان دخلت هالجامعه من الاساس انا سالت قبل ماسجل وقالولي اكترهم ترا الرسوم ثابت وانا قلت يالله الله بيعين وتدبر والحين اشلون يارب سترك كان سجلت في جامعه تانيه صديقاتي بجامعه الامام محمد بن سعود ورسومهم ثابته ماتتغير 3000 على العموم مشكوره حيل.
|
رد: بخصوص الرسوم
طيب اختي غرور انثى مافهمت الساعات يعني انا ما اقدر اقلل الساعات او شي علشان يطلع الرسوم 2485 المستوى التاني عندي عشر مواد وفيها 19 ساعه بالله ساعديني الله يخليك وربي متوهقه وانفجعت زياده ليش يقولون الرسوم ثابت ليش انا توهقت الحين مع نفسي واهلي شنو الحل الله يستر بس...
|
رد: بخصوص الرسوم
اقتباس:
تقدري تقللي عدد الساعات حتى يصير نفس المبلغ بس المشكلة تتاخري في التخرج الله يسهل أمورك ي رب :2: |
رد: بخصوص الرسوم
انا دافع علم اجتماع 3500 اول ترم ويقولون الترم الثاني بيكون اقل لا ن الترم الاول فية تدريب وهذا حقها وعلى فكرة بس علم الاجتماع الي ب3000 يعني الباقي تقريبآ ب2000وعليها بعدين بتقل عليك لان ماراح يعطونك ساعات كثيرة وبيني وبينك كل مااخذتي ساعات اكثر كل ماصار المستوى الي بعدة اقل فية ناس ماقدرو ينزلون غير مادتين مايقارب 500ريال اول مستوى غالي شوي عشان المواد كثيرة فية |
رد: بخصوص الرسوم
يمكن الكلام ان المبلغ ثابت يكون صحيح
انتي شوفي خطة الدراسة لك انا خطتي تختلف عندك في عدد الساعات وكذا ويكون المبلغ عندك اقل مني سمعت شيء انه احيانا يكون فيه تعارض بين المواد ما يقدروا يسجلوا مواد كثيره << تاكدي من الكلام هذا فيقل المبلغ عندك اذا عندك 19 ساعة يكون المبلغ 3135 ريال تتأكدي منه كمان يعني الزيادة عن 3000 شيء بسيط واذا احنا الي نسجل المواد يمكن ما تقدري تسجليها كلها على حسب انتي ما تشوفي المادة صعبة تغير الدكتور وحابه تاخذي فكر عن الدكتور اوو المقرر نفسه ويقل عندك المبلغ امورك ميسره باذن الله :2: |
رد: بخصوص الرسوم
اقتباس:
بعدين انا مستوى اول نفس شي ودافعه 2485 بس مو 3500 !! والمستويات الباقيه تدفع على حسب الساعات |
رد: بخصوص الرسوم
اختي نورا انا مثلك دفعت 2485 ليش الاخ سعد يقول 3500 والله مادري اختي ابي اسال الترم الثاني انا اسجل موادي ولا اهم ..:5::5:
|
رد: بخصوص الرسوم
اقتباس:
عندنا حد أدنى وحد أعلى للساعات ,, اقتباس:
شوفي يا أختي ,, المبلغ هذا يحدده شيئين بعد الله ,, معدلك ورغبتك في التخرج أتكون سريعة ام لا ,, الحد الأقصى للتسجيل هو 18 ساعة فقط ,, والحد الأدني 12 ساعة فقط ,, لو معدلك أكثر من 2.5 يحق لك تسجيل 18 ساعة ,, لو من 2-2.4 يحق لك تسجيل من 12-15 ساعة ,, لو أقل من 2 يحق لك تسجيل 12 ساعة فقط ,, - الساعة الواحدة ب 165 ريال مثل ما ذكرت لك أختنا غرور أنثى ,, وأسأل الله أن ييسر أمرك ,, |
| All times are GMT +3. الوقت الآن حسب توقيت السعودية: 08:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه