|
[ مجلسُ المذاكرة ]
بسم الله الرحمن الرحيم
السلام عليكم ورحمة الله وبركاته أسعد الله أوقاتكم بكل خير ٍ ومسرات ودي أسألكم وش شعوركم هالترم ؟ :42: .. بس خلوني سآكته أزين لي ولكم الله يعطينا خيره ويكفينا شره , أنا كل ترم أبكّـر بـ هالموضوع , وذلك لـ دواعي أمنيه .. تخبرون الشايب اللي إذا كبر يتردى عقله ويصير كأنه بزر :39: هذا حنا , كل ما أنتقلنا ل مستوى تشتتنا وأحتجنا إهتمام ومتابعه أكثر وأكثر بس حنا للأسف مالنا عجوز ترآعينا مثل هذيك العجوز اللي ترآعي الشايب .. :5: ^ ^ يا شيخه ليتك ساكته بدل هالمقدمه .. :6: ,, الله يرزقنا التوفيق ودربه .. نبي نبدأ نذاكر .., نستوعب المحاضرات .. نفهم وش المطلوب , :21: مقرراتنا / 1 النظام الاجتماعي في الاسلام 2 أحصاء اجتماعي 3 تصميم وتنفيذ البحوث 4 التغيير الاجتماعي 5 الارشاد والتوجية الاجتماعي 6 علم الاجتماع الصناعي والمهني 7 الخدمة الاجتماعية ورعاية الشباب 8 التنمية الاجتماعية والاقتصادية 9 المشكلات الاجتماعية أنا أبي أشور عليكم كآن تسمعون شوري :29: اليوم وشو ؟ الإثنين ليلة الثلوث .. الى يوم الجمعه .. رتبو المحتويات " المتوفره " في البلاك بـورد ونبي نبدأ السبت إن شاء الله على خـير نذاكر محاضرتين محاضرتين , مـا تجي الأختبارات الى مخلصين المواد إن شاء الله ومسويين إختبارات تجريبيه ومراجعين أكثر من مره .. :21: |
رد: [ مجلسُ المذاكرة ]
فكره ممتازه الله يعطيك الصحة والعافية
|
رد: [ مجلسُ المذاكرة ]
موفقين :16::17:
:14: |
رد: [ مجلسُ المذاكرة ]
الله انه يكتب لنا ولك التوفيق ،،،
ما تصدقين شقد فرحت بذا الموضوع ،، :29: لأنه دائماً يكون الموضوع النشيط اللي يتواجد فيه كل الطلاب من نفس المستوى واللي واضح اننا في ذا الترم متشتتين :44: لأني اشوف مشاركات حقين المستوى السابع قليلة بقوة علۍ غير عادتهم ،،، لذلك رحت ادوركم في ملتقيات ومنتديات ثانيه لكن ولله الحمد ما لقيت لكم نشاط بأي منها :29: . ويارب انه يكتب لنا ولك التوفيق ولكل من يشارك في ذا الموضوع ويثريه بالمشاركات اللي تقدم فائدة لجميع الاخوان و الاخوات . وياليت الكل يتفاعل مع ( جدتنا ) رشوف :41: وبانتظار تحديدكم لترتيب المقرارات ع شان نبدأ المذاكرة . :3: يا ابن العم يا نايف الحربي أنا بحاجة بعض الملازم و المذكرات فهل من فزعة :2: |
رد: [ مجلسُ المذاكرة ]
وعليكم السلام
ياهلا ومسهلا ب سباع:14::28::17: هذا الموضوع صار روتين معانا كل ترم:1::1::1: ودي نبدا بالاحصاء شرايكم بس بعد مانحل مشكلة الكتاب اقصد الكتابين:42::18: بالتوفيق للجميع |
رد: [ مجلسُ المذاكرة ]
أحلى تحححححححيه للكل :16::16::1::1:
وحشتووني بررشاا والله .. انا الى الان مابديت +ماسويت شي :40: |
رد: [ مجلسُ المذاكرة ]
يسعد لي صباحكم بالخير والمسرات:2:
اخباركم يالشطورين الا وش رايكم نبداء بالاحصاء دبلتن سبدي ذالماده من شفت لها كاتبين ولاهي موجوده بعد بالمكتبات زادت الدبله اكثر الا بسئلكم ذاللحين وش يستفيد دكتور اي ماده لما يطالبنا بكتاب ياخي الله يجزاك خير اللي عندك حطه بالمحتوي حنا مذاكرين مذاكرين محتوي ولاكتاب ليه تتعبنا وندور واخرتها مانلقئ شئ وه بس خلوني ساكته ^ ^ بعد هذا كله وخلوني ساكته :29: |
رد: [ مجلسُ المذاكرة ]
:17:
عـــــاد انا عكسكم .. متفائل هالترم كثير .. كل موادنا حلوه .. ولا فيها اي صعوبه هذي الملازم كلها قدامي .. كلها تفتح النفس ومافيها شي معقد .. يبي لها بس مذاكره من بدري ومتابعه عندنا مشكلة وحده اللي هي غموض اسئلة الدكتور عبدالله النجار والدكتور احمد الجمعان .. اذا افتكينا من اسلوبهم المعتاد .. باقي المواد سهالات الله يعطيك العافية رشوف على هالموضوع . |
رد: [ مجلسُ المذاكرة ]
لالا ياحظره المدير انا ماقلت اني خايفه بالعكس موادنا سهله ان شاء الله
بس اللي مخوفني الاحصاء دقيق بالاسئله وزاده بهالكتابين تمنياتي لي ولكم بالتوفيق |
رد: [ مجلسُ المذاكرة ]
مآشاء الله افتتآح موفق
كل المواد معي عدا الاحصآء:26: لا تتشائموا وتفائلوا:13: اذا بدأنا من الان كل شي بيكون سهل بالنهايه king of silence هل نزلت الملازم في الدمام كعاده كل ترم ؟! موفقين ما ببدأ مذاكره الا بعد رحلتي للحج بإذن الله :29: |
| All times are GMT +3. الوقت الآن حسب توقيت السعودية: 01:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه